ഗുവാഹത്തി : ഐ.എസ്.എല്ലിൽ ഇന്നലെ നടന്ന മത്സരത്തിൽ നിലവിലെ ചാമ്പ്യൻമാരായ ഹൈദരാബാദ് എഫ്.സി മറുപടിയില്ലാത്ത മൂന്ന് ഗോളുകൾക്ക് നോർത്ത് ഈസ്റ്റ് യുണൈറ്റഡിനെ കീഴടക്കി. നോർത്ത് ഈസ്റ്റിന്റെ മൈതാനത്ത് നടന്ന മത്സരത്തിൽ ബർത്തലോമയി ഒഗ്ബച്ചെ, ഹാളിചരൺ നർസാരി, ഹെരേര എന്നിവരാണ് ഹൈദരാബാദിനായി ലക്ഷ്യം കണ്ടത്. ആദ്യ മത്സരത്തിൽ മുംബയ് സിറ്റി എഫ്.സിയോട് സമനിലയിൽ പിരിഞ്ഞ ഹൈദരാബാദിന്റെ സീസണിലെ ആദ്യ ജയമാണിത്. നോർത്ത് ഈസ്റ്റിന്റെ രണ്ടാം പരാജയവും.
ഐ.എസ്.എല്ലിൽ ഇന്ന്
ചെന്നൈയിൻ -ബംഗളുരു
(രാത്രി 7.30 മുതൽ)
കൊച്ചി ഹൗസ് ഫുൾ
തിരുവനന്തപുരം: എടികെ മോഹൻ ബഗാനെതിരായ കേരള ബ്ലാസ്റ്റേഴ്സിന്റെ രണ്ടാം ഹോം മത്സരത്തിനുള്ള എല്ലാ ടിക്കറ്റുകളും വിറ്റുപോയി. 35,000 ടിക്കറ്റുകളാണ് മത്സരത്തിന് രണ്ട് ദിവസം ബാക്കി നിൽക്കെ വിറ്റുതീർന്നത്. ഈസ്റ്റ് ബംഗാളിനെതിരായ ഉദ്ഘാടന മത്സരത്തിൽ 34,948 കാണികളാണ് സ്റ്റേഡിയത്തിലെത്തിയത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |