മലയിൻകീഴ് : ഒൻപത് വയസുള്ള മകളെ കത്തികൊണ്ട് ദേഹോപദ്രവം ഏൽപ്പിച്ച പിതാവിനെ വിളപ്പിൽശാല പൊലീസ് അറസ്റ്റ് ചെയ്തു.കാവിൻപുറം പെരുവികോണം തോണ്ടലിൽ പുത്തൻ വീട്ടിൽ എ.സുരേഷാ(46)ണ് അറസ്റ്റിലായത്. ഇക്കഴിഞ്ഞ ഏപ്രിൽ 16 നാണ് സംഭവം.സുരേഷിന്റെ ഭാര്യാ സഹോദരിയുടെ വീട്ടിലായിരുന്നു മകൾ.പ്രതി വീട്ടിൽ അതിക്രമിച്ച് കയറി ഭക്ഷണം കഴിച്ചു കൊണ്ടിരുന്ന മകളെ മുടിയിൽ കുത്തിപ്പിടിച്ച് പുറത്തുകൊണ്ടുപോയി തള്ളിയിട്ടു മർദ്ദിച്ചു.അവിടെ നിന്നു പേടിച്ചോടിയ മകളെ പിച്ചാത്തി എടുത്ത് എറിയുകയായിരുന്നു.കത്തികൊണ്ട് പെൺകുട്ടിയുടെ ഇടത് അരക്കെട്ടിൽ പരിക്കേൽപിക്കുകയും ചെയ്തു.മകളെ ഇഷ്ടമില്ല എന്ന കാരണത്താൽ പിതാവ് പല തവണ ഇത്തരത്തിൽ ക്രൂരതയ്ക്ക് ഇരയാക്കിയിട്ടുണ്ടെന്ന് പൊലീസ് അറിയിച്ചു. ഒളിവിലായിരുന്ന പ്രതിയെ വിളപ്പിൽശാല ഇൻസ്പെക്ടർ എൻ.സുരേഷ് കുമാറിന്റെ നേതൃത്വത്തിൽ എസ്.ഐ.ആശിഷ്.എസ്.വി,സി.പി.ഒ മാരായ അഭിലാഷ്, ഹരികുമാർ,സുനീഷ് എന്നിവരടങ്ങിയ പൊലീസ് സംഘമാണ് അറസ്റ്റുചെയ്തത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |