പയ്യന്നൂർ : നഗരസഭ കേരളോത്സവ സംഘാടക സമിതി രൂപീകരണ യോഗം ചെയർപേഴ്സൺ കെ.വി.ലളിത ഉദ്ഘാടനം ചെയ്തു. വൈസ് ചെയർമാൻ പി.വി.കുഞ്ഞപ്പൻ അദ്ധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻമാരായ സി.ജയ , വി.ബാലൻ, വി.വി.സജിത, ടി.വിശ്വനാഥൻ, ടി.പി. സെമീറ നഗരസഭ സെക്രട്ടറി എം.കെ.ഗിരീഷ്, യുവജനക്ഷേമ ബോർഡ് മുനിസിപ്പൽതല കോർഡിനേറ്റർ പി.വി. അർജുൻ സംസാരിച്ചു. നവംബർ 6 മുതൽ 20 വരെയായി അത്‌ലറ്റിക്സ് കോറോം ഹൈസ്കൂൾ, ഫുട്ബാൾ പയ്യന്നൂർ എ.കെ.എ.എസ്.ജി.വി.എച്ച് .എസ്. , ഷട്ടിൽ വെള്ളൂർ, കബഡി കണിയേരി, വടംവലി കിസാൻ കൊവ്വൽ , ചെസ്സ് മാവിച്ചേരി, ക്രിക്കറ്റ് അന്നൂർ , വോളിബാൾ കണ്ടങ്കാളി , കലാമത്സരങ്ങൾ അന്നൂർ യു.പി.സ്കൂൾ എന്നിവിടങ്ങളിൽ നടക്കും.സംഘാടക സമിതി ഭാരവാഹികൾ: നഗരസഭ ചെയർപേഴ്സൺ കെ.വി.ലളിത (ചെയർപേഴ്സൺ) നഗരസഭ സെക്രട്ടറി എം.കെ. ഗിരീഷ് (ജനറൽ കൺവീനർ).