തൃശൂർ: ആസാദി കാ അമൃത് മഹോത്സവത്തിന്റെ ഭാഗമായി കേന്ദ്ര യുവജനകാര്യ കായിക മന്ത്രാലയം രാജ്യത്തെ 75,000 കേന്ദ്രങ്ങളിൽ സംഘടിപ്പിക്കുന്ന നാഷണൽ യൂണിറ്റി റൺ ഇന്ന് വിപുലമായി സംഘടിപ്പിക്കും.

നെഹ്രു യുവകേന്ദ്രം, നാഷണൽ സർവീസ് സ്‌കീം, മറ്റ് സർക്കാർ ഏജൻസികൾ, യുവജന സംഘടനകൾ എന്നിവയുടെ ആഭിമുഖ്യത്തിലാണ് പരിപാടികൾ. ലഹരിക്കെതിരെയുള്ള പ്രചാരണ പരിപാടിയുടെ ഭാഗമായാണ് യൂണിറ്റി റൺ നടത്തുന്നത്. ജില്ലാതല യൂണിറ്റി റൺ ഇന്ന് രാവിലെ വടക്കുന്നാഥ ക്ഷേത്ര മൈതാനത്തെ വിദ്യാർത്ഥി കോർണറിൽ നിന്ന് ആരംഭിച്ച് സ്വരാജ് റൗണ്ട് ചുറ്റി വിദ്യാർത്ഥി കോർണറിൽ സമാപിക്കും. ജില്ലാ പൊലീസ് മേധാവി ഐശ്വര്യ ഡോംഗ്രെ രാവിലെ 8.30ന് യൂണിറ്റി റൺ ഫ്‌ളാഗ് ഓഫ് ചെയ്യും. നാഷണൽ സർവീസ് സ്‌കീം വോളണ്ടിയർമാർ, യൂത്ത് ക്‌ളബ്ബ് അംഗങ്ങൾ, നാഷനൽ യൂത്ത് വളണ്ടിയർമാർ എന്നിവർ പങ്കെടുക്കും. പ്രാദേശികമായും യൂണിറ്റി റൺ സംഘടിപ്പിക്കും.