ആൻഫീൽഡ്: ഇംഗ്ലീഷ് പ്രിമിയർ ലിവർപൂളിനെ അട്ടിമറിച്ച് ലീഡ്സ് യുണൈറ്റഡ്. സ്വന്തം തട്ടകമായ ആൻഫീൽഡിൽ ഒന്നിനെതിരെ രണ്ട് ഗോളുകൾക്കാണ് ലീഡ്സിനോട് ലിവർപൂൾ അടിയറവ് പറഞ്ഞത്. റോഡ്രിഗോ മൊറേനോയുടെ ഗോളിൽ 4-ാം മിനിട്ടിൽ ലീഡ്സ് ലീഡെടുത്തു.എന്നാൽ 14-ാം മിനിൽ മൊഹമ്മദ് സാലനേടിയ ഗോളിലൂടെ ലിവ‌ർപൂൾ സമനില പിടിച്ചു. മതസരം സമനിലയിലേക്ക് നീങ്ങവെ 89-ാം മിനിട്ടിൽ സമ്മർവില്ലെ ലീഡ്സിന്റെ വിജയം ഉറപ്പിക്കുകയായിരുന്നു. പ്രിമിയർ ലീഗിൽ ആൻഫീൽഡിൽ 2021 മാർച്ചിന് ശേഷം ആദ്യമായാണ് ലിവർപൂൾ തോൽക്കുന്നത്. 2001ന് ശേഷം ആദ്യമായാണ് ആൻഫീൽഡിൽ ലീഡ്സ് ലിവർപൂളിനെ കീഴടക്കുന്നത്. മറ്റൊരു മത്സരത്തിൽ ബ്രൈറ്റൺ 4-1ന് ചെൽസിയെ തരിപ്പണമാക്കി. ലോഫ്റ്റസ് ചീക്ക് ചലോബ എന്നിവരുടെ സെൽഫ് ഗോളുകൾ ചെൽസിയുടെ തോൽവിയുടെ ആഴംകൂട്ടി. ട്രോസാർഡും ഗ്രോബും ബ്രൈറ്റണായി ഓരോ ഗോൾ വീതം നേടി. ഹാവേർട്ട്‌സാണ് ചെൽസിയുടെ ആശ്വാസഗോൾ നേടിയത്.