തിരുവനന്തപുരം: കേരളസർവകലാശാലയിലെ കോളേജുകളിലെ ഒഴിവുള്ള ബിരുദ കോഴ്സുകളിൽ ഒഴിവുള്ള സീ​റ്റുകളിലേക്ക് സ്‌പോട്ട് അലോട്ട്‌മെന്റ് ഇന്ന് പാളയം സെനറ്റ് ഹാളിൽ നടത്തും.കൊല്ലം,ആലപ്പുഴ മേഖലയിലെ സ്‌പോട്ട് അലോട്ട്‌മെന്റിനു ശേഷവും ഒഴിവുളള സീ​റ്റുകൾ തിരുവനന്തപുരം മേഖലയിലെ സ്‌പോട്ട് അലോട്ട്‌മെന്റിൽ നികത്തും.ഒഴിവുള്ള സീറ്റുകളുടെ വിവരങ്ങൾ http://admissions.keralauniversity.ac.in.

മേയിൽ നടത്തിയ ആറാം സെമസ്​റ്റർ ബി.കോം കോമേഴ്സ് ആൻഡ് ടാക്സ് പ്രൊറൊസീജിയർ ആൻഡ് പ്രാക്ടീസ്,ബി.കോം. കൊമേഴ്സ് ആൻഡ് ഹോട്ടൽ മാനേജ്‌മെന്റ് ആൻഡ് കാ​റ്ററിംഗ് (സപ്ലിമെന്ററി-2016 അഡ്മിഷൻ,മേഴ്സിചാൻസ്-2015 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു.

മാർച്ചിൽ നടത്തിയ അഞ്ചാം സെമസ്​റ്റർ സി.ബി.സി.എസ് ബി.എസ്‌സി. മേഴ്സിചാൻസ് (2013 അഡ്മിഷന് മുൻപ്-2010,2011,2012 അഡ്മിഷൻ വിദ്യാർത്ഥികൾ) പരീക്ഷയുടെ ഫലം പ്രസിദ്ധീകരിച്ചു.

മാർച്ചിൽ നടത്തിയ എം.ഫിൽ എക്കണോമിക്സ് (2020-21 ബാച്ച്) തിരുവനന്തപുരം യൂണിവേഴ്സി​റ്റി കോളേജ് വിദ്യാർത്ഥികളുടെ പരീക്ഷാഫലം പ്രസിദ്ധീകരിച്ചു.

വിദൂരവിദ്യാഭ്യാസ പഠനകേന്ദ്രം നടത്തുന്ന മൂന്ന്,നാല് സെമസ്​റ്റർ എം.എ/എം.എസ്‌സി/എം.കോം (റെഗുലർ-2020 അഡ്മിഷൻ,സപ്ലിമെന്ററി-2018 ആൻഡ് 2019 അഡ്മിഷൻ,മേഴ്സിചാൻസ്-2017 അഡ്മിഷൻ),നവംബർ 2022 പരീക്ഷയുടെ ടൈംടേബിൾ പ്രസിദ്ധീകരിച്ചു.

ജൂണിൽ നടത്തിയ ഏഴാം സെമസ്​റ്റർ ഇന്റഗ്രേറ്റഡ് എൽ.എൽ.ബി പരീക്ഷയുടെ സൂക്ഷ്മ പരിശോധനയ്ക്ക് അപേക്ഷിച്ചവർ ഫോട്ടോ പതിച്ച തിരിച്ചറിയൽ കാർഡും ഹാൾടിക്ക​റ്റുമായി 7,8,9 തീയതികളിൽ റീവാല്യുവേഷൻ സെക്ഷനിൽ (ഇ.ജെ പത്ത്) ഹാജരാകണം.

ഡിസംബറിൽ നടത്തുന്ന അഞ്ചാം സെമസ്​റ്റർ യൂണി​റ്ററി എൽ.എൽ.ബി. (റെഗുലർ/സപ്ലിമെന്ററി/മേഴ്സിചാൻസ്) പരീക്ഷയ്ക്ക് പിഴയില്ലാതെ 15വരെയും 150രൂപ പിഴയോടെ 18വരെയും 450രൂപ പിഴയോടെ 21വരെയും അപേക്ഷിക്കാം.