കോട്ടയം . സംസ്ഥാന വിള ഇൻഷ്വറൻസ് പദ്ധതിയിലെ പ്രീമിയം തുക ഓൺലൈനായി അടയ്ക്കാം. ഇതിനുള്ള ഇപേയ്മെന്റ് സംവിധാനം എയിംസ് പോർട്ടലിൽ പ്രവർത്തനക്ഷമമായി. എയിംസ് പോർട്ടലിലൂടെ ഓൺലൈനായി സമർപ്പിക്കുന്ന അപേക്ഷകൾ പരിശോധനയ്ക്ക് ശേഷം അംഗീകരിക്കുകയും തുക ഇ പേയ്മെന്റ് നടത്തുന്നതിനായി കർഷകരുടെ ലോഗിനിൽ ലഭ്യമാക്കുകയും ചെയ്യും. പ്രീമിയം തുക അടയ്ക്കുന്നതിനുള്ള എസ്എംഎസ് ലഭിച്ചാൽ 10 ദിവസത്തിനുള്ളിൽ നേരിട്ടോ ജനസേവനകേന്ദ്രങ്ങൾ വഴിയോ പണം അടയ്ക്കാം. ഡെബിറ്റ്/ക്രെഡിറ്റ് കാർഡുകൾ നെറ്റ്ബാങ്കിംഗ്, യുപിഐ തുടങ്ങിയ ഓൺലൈൻ സംവിധാനങ്ങൾ വഴി പണം അടയ്ക്കാം. വിളനാശം ഉണ്ടായി 15 ദിവസത്തിനകം ഓൺലൈനായി അപേക്ഷ സമർപ്പിക്കാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |