തിരുവനന്തപുരം: കേരളസർവകലാശാലയിലെ കോളേജുകളിൽ പി.ജി കോഴ്സുകളിൽ ഒഴിവുള്ള സീറ്റുകളിലേക്ക് കമ്മ്യൂണിറ്റി ക്വാട്ട ഉൾപ്പെടെ എല്ലാ വിഭാഗങ്ങൾക്കുമുളള സ്പോട്ട് അലോട്ട്മെന്റ് 7ന് പാളയം സെനറ്റ് ഹാളിൽ നടത്തും. വിവരങ്ങൾ https://admissions.keralauniversity.ac.inൽ.
കേരളസർവകലാശാലയുടെ പി.എച്ച്ഡി എൻട്രൻസ് പരീക്ഷ 13ന് രാവിലെ 10 മുതൽ ഉച്ചയ്ക്ക് ഒന്നു വരെ കാര്യവട്ടം കാമ്പസിൽ നടത്തും. വിവരങ്ങൾക്ക്- acb1@keralauniversity.ac.in, 0471 - 2386264
ജൂണിൽ നടത്തിയ ഒന്നാം സെമസ്റ്റർ (പെയിന്റിംഗ് & സ്കൾപ്പ്ച്ചർ) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധന അപേക്ഷ 16 വരെ.
മൂന്നാം സെമസ്റ്റർ ബി.ടെക് റെഗുലർ യു.സി.ഇ.കെ., (2020 സ്കീം, 2020 അഡ്മിഷൻ), ഒക്ടോബർ 2022 പ്രാക്ടിക്കൽ പരീക്ഷ പുതുക്കിയ ടൈംടേബിൾ പ്രകാരം നവംബർ 7, 8, 9 തീയതികളിൽ നടത്തും.
നാലാം സെമസ്റ്റർ ബി.എ./ബി.എസ്സി./ബി കോം. ന്യൂജനറേഷൻ ഡബിൾ മെയിൻ പ്രോഗ്രാമുകളുടെ (2020 അഡ്മിഷൻ) ടൈംടേബിൾ പ്രസിദ്ധീകരിച്ചു.
വിദൂരവിദ്യാഭ്യാസ പഠനകേന്ദ്രം നടത്തുന്ന മൂന്ന്, നാല് സെമസ്റ്റർ എം.എ./എം.എസ്സി./എം കോം. (എസ്.ഡി.ഇ. - 2017 അഡ്മിഷൻ, മേഴ്സിചാൻസ്), നവംബർ 2022 പരീക്ഷയ്ക്ക് പിഴകൂടാതെ 10 വരെയും 150 രൂപ പിഴയോടെ 14 വരെയും 400 രൂപ പിഴയോടെ 16 വരെയും രജിസ്റ്റർ ചെയ്യാം. 28 മുതൽ ആരംഭിക്കുന്ന പരീക്ഷയുടെ വിജ്ഞാപനവും ടൈംടേബിളും വെബ്സൈറ്റിൽ ലഭ്യമാണ്.
നാലാം സെമസ്റ്റർ ബി.ടെക് 2008 സ്കീം, നവംബർ 2022 (സപ്ലിമെന്ററി (2012 അഡ്മിഷൻ), മേഴ്സിചാൻസ് (2008, 2009, 2010, 2011 അഡ്മിഷൻ), 2003 സ്കീം ട്രാൻസിറ്ററി വിദ്യാർത്ഥികൾ), 2013 സ്കീം (സപ്ലിമെന്ററി, സെഷണൽ ഇംപ്രൂവ്മെന്റ് വിദ്യാർത്ഥികൾ, യൂണിവേഴ്സിറ്റി കോളേജ് ഒഫ് എൻജിനിയറിംഗ്, കാര്യവട്ടം (2017 അഡ്മിഷൻ വരെയുളള വിദ്യാർത്ഥികൾ)) എന്നിവയുടെ പരീക്ഷാ വിജ്ഞാപനം പ്രസിദ്ധീകരിച്ചു.
പട്ടികവർഗക്കാർക്ക്
പൂനെ ഫിലിം ഇൻസ്റ്റിറ്റ്യൂട്ട്കോഴ്സുകൾ
തിരുവനന്തപുരം: പട്ടികവർഗ വികസന വകുപ്പ് പൂനെ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ടുമായി ചേർന്ന് 4 കോഴ്സുകൾ നടത്തും. സ്മാർട്ട് ഫോൺ ഉപയോഗിച്ചുള്ള സിനിമ നിർമ്മാണം (40 സീറ്റുകൾ, 5 ദിവസം), തിരക്കഥ (40 സീറ്റുകൾ, 10 ദിവസം), അഭിനയം (25 സീറ്റുകൾ, 5 ദിവസം), സിനിമാ നിരൂപണം (40 സീറ്റുകൾ, 5 ദിവസം) കോഴ്സുകൾ 30 മുതൽ ഡിസംബർ 25 വരെ എറണാകുളം ട്രൈബൽ കോംപ്ലക്സിലാണ്. ചലച്ചിത്രമേഖല കരിയറാക്കാൻ താത്പര്യമുള്ള 18 തികഞ്ഞവർക്ക് അപേക്ഷിക്കാം. ബിരുദം അഭികാമ്യം. ദ്വിഭാഷിയുടെ സഹായം ലഭിക്കുമെങ്കിലും ഇംഗ്ലീഷ്, ഹിന്ദി ഭാഷയിൽ ക്ലാസുകൾ മനസിലാക്കാൻ സാധിക്കണം. ക്ലാസുകൾ റസിഡൻഷ്യൽ രീതിയിലാണ്. അപേക്ഷകൾ നവംബർ 14 നകം ഡയറക്ടർ, പട്ടികവർഗ വികസന വകുപ്പ്, വികാസ്ഭവൻ, തിരുവനന്തപുരം എന്ന വിലാസത്തിലോ വകുപ്പിന്റെ വെബ്സൈറ്റിലുള്ളwww.stddonline.in/course_training/ എന്ന ലിങ്ക് മുഖേന ഓൺലൈനായോ സമർപ്പിക്കണം. ഹാർഡ്കോപ്പി അയയ്ക്കേണ്ടതില്ല. ഫോൺ: 0471- 2303229, keralatribes@gmail.com
എൽ.ഡി ക്ലർക്ക് ഒഴിവ്
തിരുവനന്തപുരം: എൽ.ബി.എസ് സെന്റർ ഫോർ സയൻസ് ആൻഡ് ടെക്നോളജിയിലേയ്ക്ക് നിശ്ചിത യോഗ്യതയുള്ളവരിൽ നിന്നും എൽ.ഡി ക്ലർക്ക് തസ്തികയിലേയ്ക്ക് സ്ഥിര നിയമനത്തിനായി അപേക്ഷ ക്ഷണിക്കുന്നു. ജനറൽ വിഭാഗത്തിന് 750 രൂപയും എസ്.സി/എസ്.ടി/അർഹരായ ഭിന്നശേഷി വിഭാഗക്കാർക്ക് 375 രൂപയുമാണ് അപേക്ഷാ ഫീസ്. അപേക്ഷ സമർപ്പിക്കുന്നതിനുള്ള അവസാന തീയതി നവംബർ 30. വിവരങ്ങൾക്ക്: www.lbscetnre.kerala.gov.in.
ഡെപ്യൂട്ടേഷൻ നിയമനം
തിരുവനന്തപുരം : മെഡിക്കൽ കോളേജ് ചൈൽഡ് ഡെവലപ്മെന്റ് സെന്ററിൽ എൽ.ഡി. ക്ലാർക്ക് (ശമ്പള സ്കെയിൽ 26,50060,700) തസ്തികയിൽ ഡെപ്യൂട്ടേഷനിൽ സേവനം ചെയ്യാൻ താത്പര്യമുള്ളവരിൽ നിന്നും അപേക്ഷ ക്ഷണിച്ചു. 3 വർഷത്തെ പ്രവർത്തിപരിചയമുള്ളവർക്ക് അപേക്ഷിക്കാം. അപേക്ഷ,ബയോഡേറ്റ, സർവീസ് റൂൾചട്ടം1, റൂൾ 144 പ്രകാരമുള്ള സ്റ്റേറ്റ്മെന്റ്, വകുപ്പ് മേധാവിയുടെ എൻ.ഒ.സി എന്നിവ സഹിതം ഈ മാസം 19 നകം ഡയറക്ടർ, ചൈൽഡ് ഡെവലപ്മെന്റ് സെന്റർ, മെഡിക്കൽ കോളേജ്, തിരുവനന്തപുരം695 011 എന്ന വിലാസത്തിൽ ലഭ്യമാക്കണം. വിശദവിവരങ്ങൾക്ക് ഫോൺ : 04712553540.
തൊഴിലധിഷ്ഠിത പരിശീലനം
തിരുവനന്തപുരം: സംസ്ഥാന വനിതാ വികസന കോർപ്പറേഷന്റെ ഫിനിഷിംഗ് സ്കൂളായ റീച്ചിൽ എൻ.എസ്.ഡി.സി അംഗീകൃതമായ പൈത്തൺപ്രോഗ്രാമിംഗ്, ഡാറ്റാസയൻസ് തുടങ്ങിയ തൊഴിലധിഷ്ഠിത പരിശീലന കോഴ്സുകൾ സംഘടിപ്പിക്കും. ഓൺലൈനായി നടത്തുന്ന കോഴ്സുകളിൽ പ്ളസ് ടു, ഡിഗ്രി യോഗ്യതയുള്ളവർക്ക് പൈത്തൺ പ്രോഗ്രാമിംഗിലേക്കും ഡിഗ്രി കഴിഞ്ഞവർക്ക് ഡാറ്റാ സയൻസിലേക്കും അപേക്ഷിക്കാം. അവസാന തീയതി 11. ഫോൺ: 0471-2365445, 9496015002, www.reach.org.in.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |