സീരിയലിലൂടെയും സിനിമകളിലൂടെയും ഒരുപിടി നല്ല കഥാപാത്രങ്ങൾ മലയാളിക്ക് സമ്മാനിച്ച താരമാണ് രശ്മി ബോബൻ. വിനോദയാത്ര, അച്ചുവിന്റെ അമ്മ, മനസിനക്കരെ തുടങ്ങി നിരവധി ചിത്രങ്ങളിൽ രശ്മി അഭിനയിച്ചിട്ടുണ്ട്. സംവിധായകനും അഭിനേതാവുമായ ബോബൻ സാമുവലാണ് നടിയുടെ ഭർത്താവ്. കൗമുദി ടിവിയുടെ ഡേ വിത്ത് എ സ്റ്റാറിലൂടെ സെലിബ്രിറ്റി ദമ്പതികൾ തങ്ങളുടെ വിശേഷങ്ങൾ പങ്കുവയ്‌ക്കുന്നു.

പരിപാടിയിൽ തങ്ങളുടെ പ്രണയത്തെക്കുറിച്ച് ദമ്പതികൾ മനസുതുറക്കുന്നുണ്ട്. ഷൂട്ടിംഗ് സെറ്റായ വീട്ടിൽ വച്ചാണ് തങ്ങളുടെ പ്രണയം തുടങ്ങിയതെന്ന് ദമ്പതികൾ പറയുന്നു. ഈ വീട്ടിലേക്കും രശ്മിയും ബോബനും അവതാരകയായ എലീനയെ കൊണ്ടുപോകുന്നുണ്ട്. മിക്ക സീരിയലുകളിലൂടെയും മലയാളികൾക്ക് സുപരിചിതമാണ് ഈ വീട്. 'ഈ വീടിന്റെ തൂണിനും തുരുമ്പിനും ഓരോ കഥകൾ പറയാനുണ്ട്. ഉടക്കിലാണ് ഞങ്ങളുടെ പ്രണയം തുടങ്ങുന്നത്. ഈ സെറ്റിൽവച്ചാണ് ഇന്ദ്രജിത്തും പൂർണിമയും പ്രണയിച്ചത്.'- ബോബൻ പറഞ്ഞു.

'അഞ്ച് കൊല്ലം കഴിഞ്ഞിട്ട് കല്യാണം കഴിക്കാമെന്നായിരുന്നു എനിക്ക്. അപ്പോൾ ഇച്ചായൻ പറഞ്ഞു വീട്ടിൽ കല്യാണാലോചനയൊക്കെ നടക്കുകയാണ്, ഒരു മൂന്ന് വർഷത്തിനുള്ളിൽ വേണമെന്ന്.അവസാനം പിറ്റേത്തെ ആഴ്ച വീട്ടിൽ പറഞ്ഞു. വീട്ടിലറിഞ്ഞപ്പോൾ ആദ്യം സീനായിരുന്നു. വിവാഹം കഴിഞ്ഞ് ഇരുപത്തിയൊന്ന് വർഷമായി.'- നടി പറഞ്ഞു.