തിരുവനന്തപുരം: കേന്ദ്ര ഗവൺമെന്റ് ഓഫിസുകളുടെ 2023ലെ അവധി ദിനങ്ങൾ ക്ഷേമ ഏകോപന സമിതി യോഗത്തിൽ പ്രഖ്യാപിച്ചു.17 അവധി ദിനങ്ങളും 41 നിയന്ത്രിത അവധി ദിനങ്ങളുമാണുള്ളത്.അവധി ദിനങ്ങൾ:ജനുവരി 26(റിപ്പബ്ലിക് ദിനം),ഏപ്രിൽ 4(മഹാവീര ജയന്തി),ഏപ്രിൽ 7(ദുഃഖവെള്ളി),ഏപ്രിൽ 21(റംസാൻ),മെയ് 5 (ബുദ്ധപൂർണിമ),ജൂൺ 28(ബക്രീദ്),ജൂലൈ 28(മുഹറം),ആഗസ്റ്റ് 15(സ്വാതന്ത്യദിനം),ആഗസ്റ്റ് 29(തിരുവോണം),സെപ്തംബർ 6(ജന്മാഷ്ടമി),സെപ്തംബർ 27(നബിദിനം),ഒക്ടോബർ 2(ഗാന്ധിജയന്തി),ഒക്ടോബർ 23(മഹാനവമി),ഒക്ടോബർ 24(വിജയദശമി),നവംബർ 12(ദീപാവലി),നവംബർ 27(ഗുരുനാനാക് ജയന്തി),ഡിസംബർ 25(ക്രിസ്മസ്).
ഇവയിൽ റംസാൻ,ബക്രീദ്,മുഹറം,നബിദിനം എന്നിവ ചാന്ദ്രപ്പിറവി അനുസരിച്ചു മാറ്റം വരാം.സംസ്ഥാന ഗവണ്മെന്റ് ഈ ദിവസങ്ങൾക്കു പകരം ഏതെങ്കിലും ദിവസം അവധി പ്രഖ്യാപിക്കുകയാണെങ്കിൽ അന്നു തന്നെയായിരിക്കും കേന്ദ്ര ഓഫിസുകൾക്കും അവധി.
41 നിയന്ത്രിത അവധി ദിനങ്ങളിൽ 2 എണ്ണം ജീവനക്കാർക്കു തിരഞ്ഞെടുക്കാം.ഈ പട്ടികയിൽ ജനുവരി 2മന്നം ജയന്തി,ജനുവരി 14 മകരസംക്രാന്തി,ഫെബ്രുവരി 18 മഹാശിവരാത്രി,മാർച്ച് 12 അയ്യാ വൈകുണ്ഠ സ്വാമി ജയന്തി,ഏപ്രിൽ 9 ഈസ്റ്റർ,ഏപ്രിൽ 14വിഷു,ജൂലൈ 17 കർക്കടക വാവ്,ആഗസ്റ്റ് 28 ഒന്നാം ഓണം,ആഗസ്റ്റ് 30 മൂന്നാം ഓണം,ആഗസ്റ്റ് 31 നാലാം ഓണം/ശ്രീനാരായണ ഗുരുജയന്തി,സെപ്തംബർ 19 ഗണേശ ചതുർത്ഥി,സെപ്തംബർ 22 ശ്രീനാരായണ ഗുരു സമാധി ദിനം എന്നീ ദിനങ്ങളും ഉൾപ്പെടുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |