തിരുവനന്തപുരം:സംസ്ഥാന സാംസ്കാരിക വിനിമയ സ്ഥാപനമായ ഭാരത് ഭവന്റെ വിവർത്തന അവാർഡുകൾ വിതരണം ചെയ്തു.ഭാരത് ഭവൻ മണ്ണരങ്ങ് ഓപ്പൺ എയർ തിയേറ്ററിൽ നടന്ന ചടങ്ങ് ഓൺലൈനിലൂടെ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു.സമഗ്ര സംഭാവനയ്ക്കുള്ള വിവർത്തനരത്ന അവാർഡ് ഡോ.ആർസു, വിവർത്തനരത്ന പുരസ്കാരം പയ്യന്നൂർ കുഞ്ഞിരാമൻ, 2020ലെ വിവർത്തനരത്ന പുരസ്‌കാരം കെ.ആർ.മല്ലിക, വിവർത്തനരത്ന പ്രത്യേക ജൂറി പുരസ്‌കാരം ഡോ.റോസി തമ്പി എന്നിവർക്ക് മന്ത്രി വി.എൻ. വാസവൻ സമ്മാനിച്ചു.അടൂർ ഗോപാലകൃഷ്ണൻ, ഡോ. ജോർജ്ജ് ഓണക്കൂർ, പ്രൊഫ. എ.ജി. ഒലീന, മുഹമ്മദ് റിയാസ്, വിന്ദുജാ മേനോൻ, ജി. മാധവദാസ് തുടങ്ങിയവർ സംസാരിച്ചു. ഭാരത് ഭവൻ മെമ്പർ സെക്രട്ടറി പ്രമോദ് പയ്യന്നൂർ സ്വാഗതവും നിർവ്വാഹക സമിതി അംഗം റോബിൻ സേവ്യർ നന്ദിയും പറഞ്ഞു.