കണ്ണൂർ സർവകലാശാലയിലെ പ്രിയാ വർഗീസിന്റെ നിയമനം ഹൈക്കോടതി റദ്ദാക്കിയതിന് പിന്നാലെ പരിഹാസവുമായി അഡ്വ. എ ജയശങ്കർ. ' സഖാവ് പ്രിയാ വർഗീസിന് യോഗ്യതയില്ലെങ്കിൽ, കണ്ണൂർ യൂണിവേഴ്സിറ്റിയിൽ അസോസിയേറ്റ് പ്രൊഫസറാവാൻ വേറെ ആർക്കാണ് യോഗ്യത?' എന്നാണ് അദ്ദേഹം ഫേസ്ബുക്കിൽ കുറിച്ചത്. ഈ വിധിക്കെതിരെ അപ്പീൽ കൊടുത്ത് വാദിക്കാൻ നരിമാനെ കൊണ്ടുവരുമെന്നും ഫീസ് കൊടുക്കാൻ ഡി വൈ എഫ് ഐ ബക്കറ്റ് പിരിവ് നടത്തുമെന്നും അദ്ദേഹം പരിഹസിച്ചു.
ഫേസ്ബുക്ക് പോസ്റ്റിന്റെ പൂർണരൂപം:
തോറ്റിട്ടില്ലാ.. തോറ്റിട്ടില്ലാ..
തോറ്റ ചരിത്രം കേട്ടിട്ടില്ലാ..
സഖാവ് പ്രിയ വർഗീസിനു യോഗ്യത ഇല്ലെങ്കിൽ, കണ്ണൂർ ഊണിവേഴ്സിറ്റിയിൽ അസോസ്യേറ്റ് ഫ്രൊഫസറവാൻ വേറെ ആർക്കാണ് യോഖ്യത?
ഈ വിധിക്കെതിരെ അപ്പീൽ കൊടുക്കും. വാദിക്കാൻ
നരിമാനെ കൊണ്ടുവരും. ഫീസ് കൊടുക്കാൻ ഡിവൈഎഫ്ഐ ബക്കറ്റ് പിരിവ് നടത്തും.
നാളെ എസ്എഫ്ഐ കരിദിനം ആചരിക്കും, ജസ്റ്റിസ് ദേവൻ രാമചന്ദ്രൻ്റെ കോലം കത്തിക്കും.
സൂചനയാണിതു സൂചന മാത്രം..
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |