കൊച്ചി: ക​വാസാക്കിയുടെ 2023 നിൻജ 650 ഇന്ത്യയിലെത്തി. എക്‌സ്‌ഷോറൂം വില 7.12 ലക്ഷം രൂപ. പുത്തൻ മോഡലിലേക്ക് എത്തുമ്പോൾ ഈ സ്പോർട്‌സ്ബൈക്കിന് കൂടുതൽ മികവുറ്റ ഫീച്ചറുകളും ലഭ്യമായിട്ടുണ്ട്. ട്രാക്‌ഷൻ കൺട്രോളിൽ രണ്ട് മോഡുകളുമായാണ് പുതിയ നിൻജ 650 എത്തുന്നത്.
നിൻജ 400നെ അനുസ്മരിപ്പിക്കുന്ന ലൈം ഗ്രീൻ ബോഡി ഗ്രാഫിക്‌സാണുള്ളത്. മുന്നിൽ ടെലസ്‌കോപ്പിക്,​ പിന്നിൽ മോണോഷോക്ക് സസ്‌പെൻഷനുകൾ. മുന്നിൽ ഇരട്ട ഡിസ്‌ക് ബ്രേക്കും പിന്നിൽ ഒറ്റ ഡിസ്‌ക് ബ്രേക്കും. ഡ്യുവൽചാനൽ എ.ബി.എസും ഇടംനേടി.
എൽ.ഇ.ഡി ലൈറ്റിംഗും ആകർഷണമാണ്. 67 ബി.എച്ച്.പി കരുത്തും 64 എൻ.എം ടോർക്കുമുള്ളതാണ് 649 സി.സി,​ പാരലൽ-ട്വിൻ ലിക്വിഡ് -കൂൾഡ് എൻജിൻ. ഗിയറുകൾ ആറ്. ബൈക്കിന്റെ ടോപ് സ്പീഡ് 210 കിലോമീറ്റർ.