തിരുവനന്തപുരം: രാജ്ഭവനിലെ 20 താത്കാലിക ജീവനക്കാരെ സ്ഥിരപ്പെടുത്തണമെന്ന് ആവശ്യപ്പെട്ട് ഗവർണർ മുഖ്യമന്ത്രിക്ക് നൽകിയ കത്ത് കോടതിയലക്ഷ്യവും സുപ്രീംകോടതി വിധിക്ക് എതിരുമാണെന്ന് സി.പി.എം കേന്ദ്ര കമ്മിറ്റി അംഗം എ.കെ.ബാലൻ പ്രസ്താവനയിൽ പറഞ്ഞു. സർക്കാറിന്റെ റൂൾസ് ഒഫ് ബിസിനസിന് ഘടകവിരുദ്ധവുമാണ് ഈ നടപടി. നീതിയും നിയമവും ഭരണഘടനയും നോക്കി മാത്രമെ പ്രവർത്തിക്കുകയുള്ളൂ എന്ന് പറഞ്ഞ്​ സർക്കാർ എടുത്ത നിയമനടപടികളെയെല്ലാം ചോദ്യം ചെയ്യുകയും അപകീർത്തിപ്പെടുത്തുകയും ചെയ്യുന്ന ഗവർണർ നിയമ വിരുദ്ധമായി താൻ സ്വീകരിച്ച നടപടിയെ എങ്ങനെ ന്യായീകരിക്കുമെന്നും അദ്ദേഹം ചോദിച്ചു.