SignIn
Kerala Kaumudi Online
Friday, 27 January 2023 2.33 PM IST

ഷാജി കൈലാസിന്റെ മകൻ ജഗൻ സംവിധായകനാവുന്നു

നായകൻ ആസിഫ് അലി

mm

പ്രശസ്ത സംവിധായകൻ ഷാജി കൈലാസിന്റെ മൂത്ത മകൻ ജഗൻ ഇനി സംവിധായകൻ. ആദ്യ ചിത്രത്തിൽ ആസിഫ് അലി നായകൻ. ഷാജി കൈലാസ് പ്രൊഡക്ഷൻസിന്റെ ബാനറിൽ ഷാജി കൈലാസാണ് ചിത്രം നിർമ്മിക്കുന്നത്. ഏറെ നാളായി സ്വതന്ത്ര്യ സംവിധായകനായി മാറാനുള്ള ഒരുക്കങ്ങളിലായിരുന്നു ജഗൻ. നേരത്തെ അഹാന കൃഷ്ണകുമാറിനെ പ്രധാന കഥാപാത്രമാക്കി കരി എന്ന മ്യൂസിക്കൽ വീഡിയോ സംവിധാനം ചെയ്തിരുന്നു. ഷാജി കൈലാസ് സംവിധാനം ചെയ്ത എലോൺ ,ക‌ടുവ, കാപ്പ എന്നീ ചിത്രങ്ങളിൽ ജഗൻ സഹസംവിധായകനായി പ്രവർത്തിച്ചിട്ടുണ്ട്. നിഥിൻ രഞ്ജി പണിക്കർ സംവിധാനം ചെയ്ത കസബ, കാവൽ എന്നീ ചിത്രങ്ങളിലും പ്രവർത്തിച്ചു. നാൻ കടവുൾ, അങ്ങാടി തെരു, കടൽ, സർക്കാർ, പാപനാശം, പൊന്നിയിൻ സെൽവൻ, ഇന്ത്യൻ 2 തുടങ്ങി നിരവധി തമിഴ് ചിത്രങ്ങളുടെ രചന നിർവഹിച്ച ബി. ജയമോഹൻ ആണ് ജഗൻ ചിത്രത്തിന് തിരക്കഥ ഒരുക്കുന്നത്. ഒഴിമുറി, കാഞ്ചി, നാക്കു പെന്റാ നാക്കു ടാക്ക, വൺ ബൈ ടു എന്നീ മലയാള ചിത്രങ്ങളുടെ രചനയും ജയമോഹന്റേതായിരുന്നു.ഷാജി കൈലാസിന്റെയും ആനിയുടെയും മൂത്ത മകനാണ് ജഗൻ.

ഇന്നലെ ജഗന്റെ പിറന്നാളായിരുന്നു.ഷാജി കൈലാസിന്റെ എക്കാലത്തെയും സൂപ്പർ ഹിറ്റുകളിലൊന്നായ ആറാം തമ്പുരാനിൽ മോഹൻലാൽ അവതരിപ്പിച്ച കഥാപാത്രത്തിന്റെ പേരാണ് ജഗനാഥൻ. അതിന്റെ ഒാർമ്മയ്ക്കായിട്ടാണ് ഷാജി മകന് ജഗൻ എന്ന് പേരിട്ടത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SS
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.