തിരുവനന്തപുരം: ഫ്ളാറ്റ് ഉടമയ്ക്ക് ഒത്താശ ചെയ്ത് 1.33 കോടി രൂപയുടെ നികുതി വെട്ടിപ്പ് നടത്തി സർക്കാരിന് നഷ്ടം വരുത്തിയെന്ന ഹർജിയിൽ നികുതി വകുപ്പ് അസി.കമ്മിഷണർക്കും ഫ്ളാറ്റുടമയ്ക്കുമെതിരെ വിജിലൻസ് കോടതി നിർദ്ദേശപ്രകാരം വിജിലൻസ് കേസെടുത്തു. എഫ്.ഐ.ആർ തിരുവനന്തപുരം വിജിലൻസ് സ്പെഷ്യൽ കോടതി ജഡ്ജി ജി.ഗോപകുമാർ മുമ്പാകെ സമർപ്പിച്ചു. അസി.കമ്മിഷണർ ബിന്ദു, കവടിയാർ ഹീരാ കൺസ്ട്രക്‌‌ഷൻസ് കമ്പനി എം.ഡി ഹീരാ ബാബു എന്നിവർക്കെതിരെയാണ് അഴിമതി നിരോധന നിയമത്തിലെ 13 (2) ,13(1) (ഡി) വകുപ്പുകൾ ചുമത്തി കേസെടുത്തത്. അഡ്വ.നെയ്യാറ്റിൻകര പി.നാഗരാജ് സമർപ്പിച്ച ഹർജിയിലാണ് കോടതി ഉത്തരവ്.