SignIn
Kerala Kaumudi Online
Thursday, 09 February 2023 12.57 PM IST

ഇല്ലാത്ത അധികാരത്തിൽ നോട്ട് നിരോധിച്ചെന്ന് വാദം

note

ന്യൂഡൽഹി: ഇല്ലാത്ത അധികാരമുപയോഗിച്ചാണ് കേന്ദ്രസർക്കാർ നോട്ട് നിരോധനം നടപ്പാക്കിയതെന്ന് മുൻ ധനമന്ത്രിയും കോൺഗ്രസ് നേതാവുമായ പി. ചിദംബരം സുപ്രീം കോടതിയിൽ ചൂണ്ടിക്കാട്ടി. റിസർവ് ബാങ്ക് ചട്ടത്തിലെ നിശ്ചിത സീരീസിലുള്ള നോട്ടുകൾ നിരോധിക്കാനുള്ള അധികാരമെ കേന്ദ്ര സർക്കാരിനുള്ളൂവെന്നും അദ്ദേഹം ചൂണ്ടിക്കാട്ടി. 500, 1000 നോട്ടുകൾ നിരോധിക്കാൻ വേറെ നിയമം കൊണ്ടുവരണമായിരുന്നു. ഇത്തരം ഇല്ലാത്ത അധികാരം ഇനിയും ഉപയോഗിക്കാതിരിക്കാൻ സുപ്രീം കോടതി കർശന നിർദ്ദേശം നൽകണമെന്നും ചിദംബരം വാദിച്ചു. നോട്ട് നിരോധനം ചോദ്യം ചെയ്ത് സമർപ്പിച്ച ഹർജികളിൽ ജസ്റ്റിസ് അബ്ദുൽ നസീർ അദ്ധ്യക്ഷനായ ഭരണഘടന ബെഞ്ചാണ് വാദം കേൾക്കുന്നത്.

നിയമ പ്രകാരം റിസർവ് ബാങ്കാണ് ആദ്യം ശുപാർശ നൽകേണ്ടത്. ആകെയുള്ള 17 ലക്ഷം കോടിയുടെ നോട്ടിൽ 15.5 ലക്ഷം കോടി അസാധുവാക്കിയ സർക്കാർ മൗലികാവകാശത്തിലേക്ക് കടന്നു കയറിയെന്നും ചിദംബരം ആരോപിച്ചു. നോട്ട് നിരോധനം സംബന്ധിച്ച നിർണായക രേഖകൾ കേന്ദ്ര സർക്കാർ തടഞ്ഞുവച്ചു. ഇത് സംബന്ധിച്ച് റിസർവ് ബാങ്കിനോ മന്ത്രിസഭയ്ക്കോ പൂർണ വിവരമില്ല.

നവംബർ ഏഴിന് കേന്ദ്രം റിസർവ് ബാങ്കിനയച്ച കത്ത്, റിസർവ് ബാങ്ക് സെൻട്രൽ ബോർഡിന് മുമ്പാകെ സമർപ്പിച്ച കുറിപ്പ്, സെൻട്രൽ ബോർഡ് യോഗത്തിന്റെ മിനിട്ട്സ്, അവരുടെ ശുപാർശകൾ, മന്ത്രിസഭയുടെ യഥാർത്ഥ തീരുമാനങ്ങൾ എന്നീ രേഖകൾ വെളിപ്പെടുത്തിയിട്ടില്ല. 26 മണിക്കൂറിനുള്ളിലാണ് കേന്ദ്രം ഈ തീരുമാനമെടുത്തതെന്നും ചിദംബരം വാദിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.