കൊച്ചി: കുട്ടികളുടെ വസ്ത്രനിർമ്മാണരംഗത്തെ പ്രമുഖരായ കിറ്റെക്സിന്റെ പുത്തൻ സംരംഭമായ 'ബേബി സ്കൂബീ" ബേബിവെയർ ബ്രാൻഡിന്റെ ഉത്പന്നങ്ങൾ വിപണിയിലെത്തി. കളമശേരി ചാക്കോളാസ് പവലിയൻ സെന്ററിൽ നടന്ന ചടങ്ങിൽ ടിവി അവതാരകയും നടിയുമായ അശ്വതി ശ്രീകാന്താണ് ഉത്പന്നങ്ങൾ വിപണിയിലിറക്കിയത്.
അന്ന-കിറ്റെക്സ് ഗ്രൂപ്പ് മാനേജിംഗ് ഡയറക്ടർ ബോബി എം.ജേക്കബ്, ഡയറക്ടർമാരായ ജെഫ് ജേക്കബ്, മിഥുന മരിയ ജേക്കബ്, സി.എഫ്.ഒ ഡോണി ഡൊമിനിക്, ജനറൽ മാനേജർ (ഓപ്പറേഷൻസ്) മുരളി കൃഷ്ണൻ, മാർക്കറ്റിംഗ് മാനേജർ പ്രിൻസ് മാത്യു, അസിസ്റ്റന്റ് മാർക്കറ്റിംഗ് മാനേജർ ചിന്ദുരാജ് തുടങ്ങിയവർ സംബന്ധിച്ചു. തുടർന്ന്, കുട്ടികളുടെ ഫാഷൻഷോയും സമ്മാനവിതരണവും നടന്നു. തിരഞ്ഞെടുത്ത കുട്ടികൾക്ക് ബേബി സ്കൂബീയുടെ പരസ്യ മോഡലുകളാകാനും അവസരം ലഭിച്ചു.
ന്യൂബോൺ മുതൽ രണ്ട് വയസുവരെ
രണ്ട് വയസുവരെയുള്ളവരുടെ ഉടുപ്പുകൾ, ടൗവലുകൾ, റോമ്പേഴ്സ് തുടങ്ങിയ ഉത്പന്നങ്ങളാണ് ബേബി സ്കൂബീയിലുള്ളത്. കുട്ടികളുടെ മൃദുലചർമ്മത്തിന് അനുയോജ്യമായ ഓർഗാനിക് കോട്ടൺ ഇന്റർലോക്ക് ഫാബ്രിക്കിലാണ് ഉന്നതനിലവാരത്തിൽ ഉത്പന്നങ്ങളുടെ നിർമ്മാണം.
ന്യൂബോൺ ശ്രേണിയിൽ 0-3 മാസം, 3-6 മാസ പ്രായപരിധിയിലുള്ള ഉടുപ്പുകൾ, ആൺകുട്ടിൾക്കും പെൺകുട്ടികൾക്കും 6-9 മാസം, 9-12 മാസം, 12-18 മാസം, 18-24 മാസ പ്രായപരിധിയിലെ വസ്ത്രങ്ങളുമുണ്ട്. 299 രൂപ മുതൽ 699 രൂപവരെ നിരക്കിലാണ് വില.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |