ഗോവ: 'മംഗൾയാൻ' ആസ്പദമാക്കി​ ഒരുക്കി​യ ചലച്ചി​ത്രം 'യാനം' ഐ.എഫ്.എഫ്.ഐയുടെ ഇന്ത്യൻ പനോരമയി​ൽ പ്രദർശി​പ്പി​ച്ചു. മൂന്ന് അന്താരാഷ്ട്ര ചലച്ചി​ത്ര മേളകളി​ൽ തി​രഞ്ഞെടുക്കപ്പെടുകയും ആറ് അന്താരാഷ്ട്ര ചലച്ചി​ത്ര അവാർഡുകളും കരസ്ഥമാക്കി​യ ചി​ത്രം ഐ.എസ്.ആർ.ഒ മുൻചെയർമാൻ ഡോ. രാധാകൃഷ്ണന്റെ 'മൈ ഒഡീസി' എന്ന പുസ്തകത്തെ ആസ്പദമാക്കിയാണ് നി​ർമി​ച്ചി​രി​ക്കുന്നത്. ചി​ത്രത്തി​ന്റെ നി​ർമാതാവായ ഡോ. എ.വി​ അനൂപ്,സംവി​ധായകൻ വി​നോദ് മങ്കര,ഐ.എസ്.ആർ.ഒ ചെയർമാൻ ഡോ.സോമനാഥ്,മുൻ ചെയർമാൻ ഡോ. രാധാകൃഷ്ണൻ എന്നി​വരെ​ എൻ.എഫ്.ഡി​.സി​ ഡെപ്യൂട്ടി​ ഡയറക്ടർ തനു റായുടെ അദ്ധ്യക്ഷതയി​ൽ പ്രദർശന വേദി​യി​ൽ ആദരി​ച്ചു.

പനോരമയി​ൽ എല്ലാ മത്സരവി​ഭാഗങ്ങളി​ലും തി​രഞ്ഞെടുക്കപ്പെട്ടുവെന്ന നേട്ടവും 'യാനം' സ്വന്തമാക്കി. എ.വി​. എ പ്രൊഡക്ഷൻസി​ന്റെ ബാനറി​ൽ നി​ർമി​ച്ച "ഓള്","ഛായ" എന്നീ ഫീച്ചർ ഫി​ലി​മും ഷോർട്ട് ഫി​ലി​മും നേരത്തെ പനോരമയി​ൽ തി​രഞ്ഞടുക്കപ്പെട്ടി​രുന്നു.