അശ്വതി: ഗൃഹാരംഭ പ്രവർത്തനം, പാരിതോഷികലബ്ധി,ദേവാലയ ദർശനം, ഭൃത്യജനങ്ങളിൽ നിന്ന് സഹകരണം, യാത്രയിൽ അശ്രദ്ധമൂലം ധനനഷ്ടം, അതിഥി സൽക്കാര, പ്രമാണങ്ങളിലൊപ്പുവയ്ക്കൽ.
ഭരണി: കുടുംബത്തിൽ രോഗങ്ങൾ ഉണ്ടാകാതിരിക്കാൻ ദൈവഭജനം അനിവാര്യമാകുന്നു. വിവാഹ കാര്യങ്ങളിൽ അനുകൂലമായ നടപടിയുണ്ടാകും.
കാർത്തിക: സാമ്പത്തിക പ്രതിസന്ധി, രോഗശല്യം, മേലധികാരിയിൽ നിന്ന് അതൃപ്തി, അനാവശ്യ യാത്ര, അഭിമാനക്ഷയം, ബന്ധുജനസമാഗമം, തൊഴിൽ പ്രശ്നം, കൃഷിനാശം.
രോഹിണി: ധാർമ്മികകാര്യങ്ങളിൽ സഹകരിക്കും. ഉല്ലാസയാത്ര, അധികാരപരിധി വർദ്ധിക്കുകയാൽ വിശ്രമസമയം കുറയും, ദാമ്പത്യസൗഖ്യം.
മകയിരം: നാഡി - രക്തദൂഷ്യങ്ങൾ പിടിപെടാനിടയുള്ളതിനാൽ ശ്രദ്ധിച്ച് ജീവിക്കണം. സംഗീത - സാഹിത്യ - സാംസ്കാരിക ചടങ്ങുകളിൽ സംബന്ധിക്കും.
തിരുവാതിര: ബന്ധുക്കൾ ശത്രുക്കളെ പോലെ പെരുമാറും. നീർവാഴ്ച, വനവാസം, വളരെക്കാലമായി കണ്ടുമുട്ടാനാഗ്രഹിക്കുന്നവരെ യാദൃച്ഛികമായി കണ്ടുമുട്ടും.
പുണർതം: പുതിയ കൂട്ടുകെട്ടുമൂലം ഗുണാനുഭവമുണ്ടാകും. ഉദ്യോഗക്കയറ്റം, സർക്കാരിൽ നിന്ന് അനുകൂലമായ നടപടി, ഇഷ്ടസ്ഥലത്തേക്ക് മാറ്റം ലഭിക്കൽ.
പൂയം: കുടുംബത്തിൽ ഭാഗം വയ്ക്കുന്നത് നീട്ടിവയ്ക്കേണ്ടിവരും. അനാവശ്യ വ്യവഹാരം, ഉത്തരവാദിത്വം അന്യരെ ഏല്പിക്കുക വഴി അബദ്ധത്തിൽ ചെന്നുചാടും , ഭാഗ്യക്കുറി ലഭിക്കും.
ആയില്യം: സർക്കാരിൽ നിന്ന് ലഭിക്കേണ്ട വായ്പയ്ക്ക് താമസമുണ്ടാകും. ലഹരിപദാർത്ഥങ്ങളോട് വൈമുഖ്യം, പ്രേമം വിവാഹത്തിൽ കലാശിക്കൽ, അപകടങ്ങളിൽ നിന്ന് അത്ഭുതകരമാം വിധം രക്ഷപ്പെടൽ.
മകം : കഴിവുകൾ പ്രദർശിപ്പിക്കാൻ അവസരം വന്നുചേരും.അഭിനയ സാദ്ധ്യത, സർക്കാരിൽ നിന്നോ അധികൃതസ്ഥാപനങ്ങളിൽ നിന്നോ നീതി ലഭിക്കും.
പൂരം : അന്യരുടെ കാര്യങ്ങളിൽ ഇടപെട്ട് വെറുതേ ചീത്തപേര് ഉണ്ടാകാതിരിക്കാൻ ശ്രദ്ധവേണം. ലഹരിപദാർത്ഥങ്ങളോട് താത്പര്യമുണ്ടാകും.
ഉത്രം : രോഗപീഡകൾ വർദ്ധിക്കാനിടയുള്ളതിനാൽ വിദഗ്ദ്ധ ചികിത്സ വേണ്ടിവരും. പരീക്ഷാദികളിൽ വിദ്യാർത്ഥികൾക്ക് വേണ്ടവിധം നല്ല പ്രകടനം കാഴ്ചവയ്ക്കാൻ കഴിയില്ല.
അത്തം : വിദ്വൽ സദസുകളിൽ സജീവസാന്നിദ്ധ്യമുണ്ടാകും. സഹപ്രവർത്തകരുടെ പ്രശംസയും ബഹുമാന്യതയും ലഭിക്കും. വാഹനം വാങ്ങും.
ചിത്തിര : വിവേകവും വിദഗ്ദ്ധ പരിചയവും ഉള്ള വ്യക്തികളുടെ വിദഗ്ദ്ധോപദേശം സ്വീകരിക്കാതെ നടത്തുന്ന ഗൃഹനിർമ്മാണ പരിപാടികളിലും യന്ത്രത്തകരാറുമൂലമുള്ള പരിപാടികളിലും കഷ്ടപ്പെടുകയും ധനനഷ്ടം സംഭവിക്കുകയും ചെയ്യും.
ചോതി : സന്താനങ്ങളുടെ ഉദ്യോഗ വിദ്യാഭ്യാസ കാര്യങ്ങൾക്കായി ദൂരയാത്രയും അലച്ചിലും വേണ്ടിവരും. ഉന്നതവ്യക്തികളിൽനിന്ന് താത്കാലിക എതിർപ്പ് സമ്പാദിക്കാനിടയുണ്ട്.
വിശാഖം : എല്ലാ പ്രവർത്തനരംഗങ്ങളിലും ഉദാസീന മനോഭാവവും ഉത്സാഹക്കുറവുമുണ്ടാകും. വളരെക്കാലങ്ങൾക്കുശേഷം ഗുരുതുല്യരായവരെയും വളരെ വേണ്ടപ്പെട്ട വ്യക്തികളെയും കാണുവാനിടയാകും.
അനിഴം : കക്ഷിരാഷ്ട്രീയ പ്രവർത്തകർക്ക് അപവാദാരോപണങ്ങളും വിദേശത്ത് ജോലിയും ഉണ്ടാകും. ഭാഗ്യക്കുറി ലഭിക്കും. വിരുന്നുകാരുടെ ശല്യം ഉണ്ടാകും.
തൃക്കേട്ട : വാക്ക് മുഴുവൻ പാലിക്കാൻ കഴിയാതെ ഒാടിനടക്കും. കരാർ ജോലികളിൽനിന്ന് നഷ്ടം സംഭവിക്കാനിടയുണ്ട്. പിതൃതർപ്പണം നടത്തും.
മൂലം: അനാവശ്യമായി വാഗ്വാദങ്ങളിലിടപെട്ട് സുഹൃത് വിമർശനം സമ്പാദിക്കാനിടയുണ്ട്. തൊഴിൽ രംഗങ്ങളിൽ സമ്പത്ത് വർദ്ധിക്കും. സന്താനഭാഗ്യം കൈവരും.
പൂരാടം: ഉയർന്ന ദിക്കിൽ കയറുമ്പോൾ വീഴ്ച സംഭവിക്കാനിടയുണ്ട്. അപവാദങ്ങൾക്കെതിരെ സത്യാവസ്ഥ ബോദ്ധ്യപ്പെടുത്തും.
ഉത്രാടം: അദ്ധ്വാനഭാരത്താൽ ദേഹത്തിന് ക്ഷീണം ബാധിക്കും. ആയുർവേദ ചികിത്സ വേണ്ടി വന്നേക്കാം. ഭാര്യാ - ഭർത്തൃ ഐക്യതകൾ കൂടിവരും. ഗൃഹത്തിൽ ഐക്യതയും സമാധാനവും ഉണ്ടാകും. വിശ്വാസവഞ്ചനയിൽ ഏർപ്പെടാതെ നോക്കേണ്ടതാണ്.
തിരുവോണം : ബന്ധുജനങ്ങളോടൊപ്പം പുണ്യതീർത്ഥസ്നാനം നടത്തുവാനിടവരും. തെറ്റ് ചെയ്യുന്ന കൂട്ടുകാരെ അകറ്റി നിറുത്തുന്നത് നന്നായിരിക്കും.
അവിട്ടം : സർക്കാരിൽ നിന്ന് ആനുകൂല്യങ്ങൾ ലഭിക്കും. അനാവശ്യ വാഗ്ദാനങ്ങൾക്ക് പോകാതിരിക്കുകയാണ് അഭികാമ്യം.
ചതയം : അനാവശ്യമായ രോഗചിന്തകളും മാനസിക ക്ളേശങ്ങളും പിടിപെടും. യാത്രക്കാരിൽനിന്ന് ശല്യമുണ്ടാകും.
പുരൂരുട്ടാതി : ആത്മീയ ആദ്ധ്യാത്മിക പരിപാടികളിൽ പങ്കെടുക്കും. കൃത്യനിഷ്ഠ പാലിക്കാൻ ശ്രമിക്കും. നിദ്രാ ഭംഗം അനുഭവപ്പെടും.
ഉതൃട്ടാതി : ആഡംബര വസ്തുക്കൾക്കും സൗന്ദര്യ വർദധക സാമഗ്രികൾക്കും നല്ല തുക ചെലവഴിക്കും. നിർമ്മിതിയിനത്തിൽ സർക്കാരിൽനിന്ന് നടപടികളുണ്ടാകാൻ സാധ്യത.
രേവതി : ആശുപത്രിവാസം വേണ്ടിവരും. പുതിയ നല്ല സുഹൃത്തുക്കളെയും അഭ്യുദയാകാംക്ഷികളെയും ലഭിക്കും. പ്രശസ്തി വർദ്ധിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |