കൊച്ചി: രാജ്യത്ത് സമ്പദ്പ്രവർത്തനങ്ങൾ വീണ്ടും സജീവമാകുന്നുവെന്ന സൂചനയുമായി കഴിഞ്ഞമാസം ഇന്ധനവില്പന രേഖപ്പെടുത്തിയത് മികച്ച വളർച്ച. വ്യാവസായിരംഗത്ത് ഉണർവിന്റെ സൂചനയുമായി ഡീസൽ ഡിമാൻഡ് 2021 നവംബറിനേക്കാൾ 27.6 ശതമാനവും പെട്രോളിന്റേത് 11.7 ശതമാനവും വർദ്ധിച്ചു.
കഴിഞ്ഞ ജൂണിന് ശേഷമുള്ള ഏറ്റവും ഉയർന്ന വളർച്ചയാണിത്. കാർഷികം, ഫാക്ടറി പ്രവർത്തനമേഖലകളിലെ ഉണർവാണിത് സൂചിപ്പിക്കുന്നതെന്ന് നിരീക്ഷകർ പറയുന്നു.
ഉണർവിന്റെ കണക്ക്
ഒക്ടോബറിനെ അപേക്ഷിച്ച് 17 ശതമാനവും അധികവുമാണ് കഴിഞ്ഞമാസത്തെ ഡീസൽ വില്പന. പെട്രോൾ 1.7 ശതമാനം വർദ്ധിച്ചു. വിമാന ഇന്ധനം കുറിച്ചത് 2021 നവംബറിനേക്കാൾ 21.5 ശതമാനം വളർച്ച.
2021 നവംബറിനേക്കാൾ 7 ശതമാനം അധികമാണ് കഴിഞ്ഞമാസത്തെ എൽ.പി.ജി ഉപഭോഗം.
90%
ഇന്ത്യയിൽ ഇന്ധനവിതരണത്തിന്റെ 90 ശതമാനം വിഹിതവും പൊതുമേഖലാ കമ്പനികളായ ഇന്ത്യൻ ഓയിൽ, ബി.പി.സി.എൽ., എച്ച്.പി.സി.എൽ എന്നിവയ്ക്കാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |