മലപ്പുറം: നാഷണൽ എയ്ഡ്സ് കൺട്രോൾ ഓർഗനൈസേഷന്റെ 2021-2023ലെ സെന്റർ ഒഫ് എക്സലൻസ് അവാർഡ് നേടി നിലമ്പൂർ ഐ.സി.ടി.സി. കേരളത്തിലെ 150 ഐ.സി.ടി.സികളിൽ നിന്ന് തിരഞ്ഞെടുത്ത 15 ഐ.സി.ടി.സികൾക്കാണ് ഈ അവാർഡ് ലഭിച്ചത്. ജില്ലയിൽ ഈ അവാർഡ് കരസ്ഥമാക്കിയത് നിലമ്പൂർ ജില്ലാ ആശുപത്രിയാണ്. പ്രവർത്തനക്ഷമതയുടേയും സ്തുത്യർഹ സേവനത്തിന്റെയും അടിസ്ഥാനത്തിലാണ് അവാർഡ്. 2015ൽ മികച്ച ഐ.സി.ടി.സിക്കുളള അവാർഡും 2021ൽ എൻ.എ.ബിഎൽ അക്രഡിറ്റേഷനും ഈ കേന്ദ്രത്തിന് ലഭിച്ചിട്ടുണ്ട്. അവാർഡ് വിതരണം ഡിസംബർ ഒന്നിന് തിരുവനന്തപുരം കനകക്കുന്ന് ഓഡിറ്റോറിയത്തിൽ മന്ത്രി ആന്റണി രാജു നിർവഹിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |