കോട്ടയം . സിൽവർ ലൈൻ പ്രതിഷേധത്തിൽ പങ്കെടുത്ത റോസ്‌ലിനെതിരെ ചുമത്തിയിട്ടുള്ള കള്ളകേസുകൾ പിൻവലിക്കണമെന്നാവശ്യപ്പെട്ട് സിൽവർ ലൈൻ വിരുദ്ധ ജനകീയ സമിതി നാളെ കരിദിനം ആചരിക്കുമെന്ന് സമരസമിതി ജില്ലാ ചെയർമാൻ ബാബു കുട്ടൻചിറ അറിയിച്ചു. രാവിലെ 10 മുതൽ 5 വരെ ഉപവാസ സമരം നടക്കും. ബി.ജെ.പി ജില്ലാ പ്രസിഡന്റ് ലിജിൻ ലാൽ ഉപവാസസമരം ഉദ്ഘാടനം ചെയ്യും. പ്രധാനമന്ത്രിക്കും മുഖ്യമന്ത്രിക്കും ഒരു കോടി ആളുകൾ ഒപ്പിട്ട നിവേദനം സമർപ്പിക്കുന്നതിനുമുള്ള ഒപ്പുശേഖരണം 3 ന് രമേശ് ചെന്നിത്തല ഉദ്ഘാടനം ചെയ്യും. എം.പി. ബാബുരാജ് സമാപന സമ്മേളനം ഉദ്ഘാടനം ചെയ്യും.