ഉണ്ണിമുകുന്ദൻ മുഖ്യകഥാപാത്രമാകുന്ന ചിത്രം മാളികപ്പുറം സംസ്ഥാനത്ത് വിവിധയിടങ്ങളിൽ നിറഞ്ഞസദസിൽ പ്രദർശനം തുടരുകയാണ്. രണ്ടാഴ്‌ച കൊണ്ട് തന്നെ ചിത്രം 25 കോടി ആഗോള കളക്ഷൻ നേടിയ വിവരം ഉണ്ണി മുകുന്ദൻ കഴിഞ്ഞ ദിവസം സമൂഹമാദ്ധ്യമങ്ങളിലൂടെ അറിയിച്ചിരുന്നു. പല പ്രമുഖരും ചിത്രത്തെക്കുറിച്ച് മികച്ച അഭിപ്രായമാണ് രേഖപ്പെടുത്തിയത്. ഇക്കൂട്ടത്തിൽ ശ്രദ്ധേയമാകുകയാണ് മൂകാംബികാ ക്ഷേത്ര തന്ത്രി സുബ്രഹ്മണ്യ അഡിഗയുടെ ഫേസ്‌ബുക്ക് കുറിപ്പ്.

അപൂർവമായാണ് സിനിമകൾ കാണാറെന്നും മാളികപ്പുറം ആസ്വദിച്ച് കണ്ടതായും ഇനിയും നല്ലചിത്രങ്ങൾ ഉണ്ടാകട്ടെയെന്ന് ഉണ്ണിമുകുന്ദന് ആശംസകളർപ്പിച്ച അഡിഗ, ഉണ്ണിമുകുന്ദനൊപ്പമുള‌ള ചിത്രങ്ങളും പങ്കുവച്ചു. കൊച്ചിയിലെ തീയേറ്ററിലാണ് സുബ്രഹ്‌മണ്യ അഡിഗ ചിത്രം കണ്ടത്.

സുബ്രഹ്‌മണ്യ അഡിഗയുടെ ഫേസ്‌ബുക്ക് കുറിപ്പ് പൂർണരൂപം ചുവടെ:

അപൂർവ്വമായാണ് സിനികൾ കാണാറ്, പ്രത്യേകിച്ച് തിയേറ്ററിൽ പോയി കാണാറുള്ളത്. ആസ്വദിച്ചു കണ്ടു, പ്രിയപ്പെട്ട ഉണ്ണിമുകുന്ദന് എല്ലാ ആശംസകളും, ഇനിയും നല്ല ചിത്രങ്ങൾ നിങ്ങളിലൂടെ ഉണ്ടാവട്ടെ, ശ്രീ മൂകാംബികയുടെ അനുഗ്രഹം എപ്പോഴും കൂടെയുണ്ടാവട്ടെ, എല്ലാവിധ ആശംസകളും.