പാചകം ചെയ്യുന്നവരുടെ പേടിസ്വപ്നമാണ് ഉള്ളി, സവാള എന്നിവ അരിയുന്നത്. ഒരു സവാള അരിഞ്ഞുകഴിയുമ്പോൾ തന്നെ കരഞ്ഞു കരഞ്ഞ് ഒരു വഴിക്കാവും. ഉള്ളി അരിയുമ്പോൾ കരയാതിരിക്കാൻ പലരും പല ട്രിക്കുകളും പറഞ്ഞുതരാറുണ്ടെങ്കിലും മിക്കവയും ഫലപ്രദമാകാറില്ല. എന്നാൽ ഈ എളുപ്പവഴി ഒന്ന് പരീക്ഷിച്ചുനോക്കൂ, വെറും മുപ്പത് സെക്കന്റുകൊണ്ട് സവാള അരിയാം.

ഈ എളുപ്പപണിയിലൂടെ അനേകം കണ്ണീർ ലാഭിക്കാനാവും. വെറും 30 സെക്കന്റുകൾകൊണ്ട് ഒരു മുഴുവൻ സവാളയും അരിയാം. ഈ ടെക്‌നിക്ക് ഇപ്പോൾ മാത്രം പഠിക്കുന്നയാൾ ഞാൻ മാത്രമല്ലല്ലോ അല്ലേ? എന്ന അടിക്കുറിപ്പോടെ മെലാനി ലയോണല്ലോയെന്ന ഇൻസ്റ്റാഗ്രാം ഉപഭോക്താവ് പങ്കുവച്ച വീഡിയോയാണ് വൈറലാവുന്നത്.

View this post on Instagram

A post shared by MELANIE LIONELLO - NUTRITIONIST + COOK (@frommylittlekitchen)

ഏതായാലും വീഡിയോ ഇന്റർനെറ്റ് ഏറ്റെടുത്തുകഴിഞ്ഞു. ഒരു ലക്ഷത്തിലധികം ലൈക്കുകളാണ് വീഡിയോയ്ക്ക് ഇതുവരെ ലഭിച്ചത്. വീഡിയോയ്ക്ക് മികച്ച പ്രതികരണങ്ങളാണ് ലഭിച്ചുകൊണ്ടിരിക്കുന്നത്.