നടി കീർത്തി സുരേഷ് വിവാഹിതയാകാൻ പോകുന്നുവെന്ന രീതിയിലുള്ള റിപ്പോർട്ടുകൾ കഴിഞ്ഞ കുറച്ചുദിവസങ്ങളായി സോഷ്യൽ മീഡിയയിൽ പ്രചരിക്കുകയാണ്. കുട്ടിക്കാലം തൊട്ടുള്ള സുഹൃത്താണ് നടിയുടെ വരനെന്നും ഇരുവരും വർഷങ്ങളായി പ്രണയത്തിലാണെന്നുമൊക്കെയായിരുന്നു റിപ്പോർട്ടുകൾ.

കീർത്തിയുടെ കാമുകൻ ഒരു റിസോർട്ട് നടത്തിവരികയാണെന്നും നാല് വർഷത്തിനുള്ളിൽ വിവാഹം ഉണ്ടാകുമെന്നുമൊക്കെയായിരുന്നു സോഷ്യൽ മീഡിയയിലെ പ്രചാരണം. ഇപ്പോഴിതാ ഇത്തരം ഗോസിപ്പുകളോട് പ്രതികരിച്ചിരിക്കുകയാണ് കീർത്തിയുടെ അമ്മയും നടിയുമായ മേനക സുരേഷ്.

കീർത്തിയുടെ വിവാഹവുമായി ബന്ധപ്പെട്ട് വരുന്ന വാർത്തകൾ വ്യാജമാണെന്നും ഇതിനെക്കുറിച്ച് കൂടുതൽ പ്രതികരിക്കാനില്ലെന്നും അവർ വ്യക്തമാക്കി.