കൊ​ല്ലം: കു​ണ്ട​റ​യിൽ കൊച്ചി ഇൻ​ഫോ​പാർ​ക്ക് പൊ​ലീ​സി​ന് നേ​രെ വ​ടി​വാൾ വീ​ശി കാ​യ​ലിൽ ചാ​ടി ര​ക്ഷ​പ്പെ​ട്ട ഗു​ണ്ടാ സം​ഘ​ത്തെ സാ​ഹ​സി​ക​മാ​യി കുണ്ടറ പൊ​ലീ​സ് കീഴടക്കി. പ്ര​തി​ക​ളുടെ ആക്രമണത്തിൽ മൂന്ന് പൊ​ലീ​സു​കാർ​ക്ക് പ​രി​ക്കേ​റ്റു.

പേ​ര​യം ക​രി​ക്കു​ഴി ലൈ​വി ഭ​വ​നിൽ ആന്റ​ണി ദാ​സ് (26), ക​രി​ക്കു​ഴി ലി​ജോ ഭ​വ​നിൽ ലി​യോ പ്ലാ​സി​ഡ് (27), ഇ​വ​രെ ഒ​ളി​വിൽ താ​മ​സി​പ്പി​ച്ച കു​മ്പ​ളം പാ​വ​ട്ടു​മൂലയിൽ കു​രി​ശ​ടി​ക്ക് സ​മീ​പം ചെ​ങ്കീ​രി ഷൈ​ജു എ​ന്നി​വ​രെ​യാ​ണ് പൊ​ലീ​സ് ഏ​റ്റു​മു​ട്ട​ലി​ലൂ​ടെ കീ​ഴ​ട​ക്കി​യ​ത്.

ക​ഴി​ഞ്ഞ നാല് ദി​വ​സ​മാ​യി ഇ​വർ ഒ​ളി​വിൽ ക​ഴി​യു​ക​യാ​യി​രു​ന്നു. ഇ​ന്ന​ലെ വൈ​കി​ട്ട് പാ​വ​ട്ടു​മൂല​യിൽ നി​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. സംഘട്ടനത്തിനിടെ ത​ടി കൊ​ണ്ടുള്ള ആക്രമണത്തിൽ കുണ്ടറ സി.ഐ രതീഷ്, സി.​പി​.ഒ​മാ​രാ​യ ഡാർ​വിൻ, രാ​ജേ​ഷ് എ​ന്നി​വർ​ക്കാണ് പ​രിക്കേ​റ്റത്. കാ​പ്പ കേ​സിൽ ജ​യിൽ മോ​ചി​ത​നാ​യ ചെ​ങ്കീ​രി ഷൈ​ജുവിന്റെ വീ​ട്ടി​ലാ​യി​രു​ന്നു പ്ര​തി​കൾ ഒ​ളിവിൽ താ​മ​സി​ച്ചി​രു​ന്ന​ത്.

പൊ​ലീ​സി​നെ ആ​ക്ര​മി​ച്ച​തി​ന് വ​ധ​ശ്ര​മം ഉൾ​പ്പെ​ടെയുള്ള വകുപ്പുകളാണ് ചു​മ​ത്തിയിരിക്കുന്നത്. അ​ടൂർ റെസ്റ്റ് ഹൗ​സ് മർ​ദ്ദ​ന കേ​സിൽ ഇൻ​ഫോ​പാർ​ക്ക് പൊ​ലീ​സും അ​റ​സ്റ്റ് രേ​ഖ​പ്പെ​ടു​ത്തും. ഈ കേസിൽ 28ന് പു​ലർ​ച്ചെ പൊലീസ് അറസ്റ്റ് ചെയ്യാൻ എത്തിയപ്പോഴാണ് പ്രതികൾ വടിവാൾ വീശി പുഴയിൽ ചാടി രക്ഷപ്പെട്ടത്. പൊ​ലീ​സ് സ്വയരക്ഷയ്ക്ക് നാ​ല് റൗ​ണ്ട് ആകാശത്തേക്ക് വെടിവയ്ക്കുകയും ചെയ്തു.

കേ​സി​ലെ മ​റ്റൊ​രു പ്ര​തി​യാ​യ ലി​ബിൻ ലോ​റൻ​സ് നേ​ര​ത്തേ പി​ടി​യി​ലാ​യി​രു​ന്നു. നി​ര​വ​ധി ക്രി​മി​നൽ കേ​സു​ക​ളി​ലെ പ്ര​തി​ക​ളാ​ണ് ആന്റ​ണി ദാ​സും ലി​യോ പ്ലാ​സി​ഡും.

പൊലീസുകാരെ ഒരു ദാക്ഷിണ്യവുമില്ലാതെ ആക്രമിക്കുന്ന ചെങ്കീരി ഷൈജു

പൊലീസിന് നേരെ വാൾ വീശി കായലിൽ ചാടി രക്ഷപ്പെട്ട കുപ്രസിദ്ധ കുറ്റവാളികളെ പൊലീസ് പിടികൂടിയത് സാഹസികമായി. നിരവധി ക്രിമിനൽ കേസുകളിൽ പ്രതിയായ ചെങ്കീരി ഷൈജുവിന്റെ കുമ്പളം പാവട്ടുമൂലയിലെ വീട്ടിൽ നിന്ന് ചൊവ്വാഴ്ച വൈകിട്ട് ആറരയോടെയാണ് കുണ്ടറ പൊലീസ് ആന്റണിദാസിനെയും പ്ലാസിഡിനെയും പിടികൂടിയത്.

വീടുവളഞ്ഞ് പിടികൂടുന്നതിനിടെ കതക് തുറന്ന് ഓടി രക്ഷപ്പെടാൻ ശ്രമിച്ച ഇവരെ മൽപ്പിടിത്തത്തിലൂടെയാണ് പൊലീസ് കീഴടക്കിയത്. പ്രതികളുടെ അക്രമണത്തിൽ കുണ്ടറ സി.ഐ രതീഷ്, സി.പി.ഒമാരായ ഡാർവിൻ, രാജേഷ് എന്നിവർക്കാണ് പരിക്കേറ്റത്. കൈയ്ക്ക് പരിക്കേറ്റ ഡാർവിൻ, രാജേഷ് എന്നിവരെ കുണ്ടറ താലൂക്ക് ആശുപത്രിയിൽ പ്രവേശിപ്പിച്ചു. കായലിൽ ചാടി രക്ഷപ്പെട്ട പ്രതികൾ ദൂരെയെങ്ങും പോയിട്ടില്ലെന്ന നിഗമനത്തിൽ ഈ മേഖല കേന്ദ്രീകരിച്ച് ശനിയാഴ്ച മുതൽ പൊലീസുകാർ സംഘം തിരിഞ്ഞ് തെരച്ചിൽ നടത്തുകയായിരുന്നു. കഞ്ചാവ് ഇടപാടുകളുമായി ബന്ധപ്പെട്ട് ചെങ്കീരി ഷൈജുവും ആന്റണിയും തമ്മിൽ ശത്രുതയിലായിരുന്നതിനാൽ ഇയാളുടെ വീട്ടിൽ ഒളിവിൽ കഴിയുമെന്ന് പൊലീസ് പ്രതീക്ഷിച്ചിരുന്നില്ല. പ്രതികൾ കായലിൽ ചാടിയ മാപ്പിളപൊയ്കയിൽ നിന്ന് രണ്ടര കിലോമീറ്റർ ദൂരത്താണ് കുമ്പളം. കായൽ തീരത്ത് കൂടി വേഗതയിൽ ഇവിടെ എത്തിച്ചേരാം. കഴിഞ്ഞ ശനിയാഴ്ച പുലർച്ചെ കുണ്ടറ പേരയം കരിക്കുഴി മാപ്പിളപ്പൊയ്കയിൽ വച്ചാണ് ഇവരെ പിടിക്കാനെത്തിയ കൊച്ചി ഇൻഫോപാർക്ക് ഇൻസ്‌പെക്‌ടർ ഉൾപ്പെടെയുള്ള പൊലീസ് സംഘത്തിന് നേരെ വടിവാൾ വീശി സംഘം കായലിൽചാടി രക്ഷപ്പെട്ടത്. നിരവധി ക്രിമിനൽ കേസുകളിലെ പ്രതികളാണ് ആന്റണി ദാസും ലിയോ പ്ലാസിഡും. കുണ്ടറ പൊലീസ് സ്റ്റേഷൻ പരിധിയിൽ മാത്രം ഇരുപത് കേസുകളിൽ പ്രതിയാണ്. ഇതിന് മുമ്പും നിരവധിതവണ പൊലീസിനെ ആക്രമിച്ചിട്ടുണ്ട്. 2016 ൽ അടിപിടികേസ് അന്വേഷിച്ചെത്തിയ കുണ്ടറ പൊലീസിനെ ആക്രമിച്ചു. 2018 ൽ കഞ്ചാവ് കേസ്. 2019 ലും 2021ലും പൊലീസിനെ ആക്രമിച്ച കേസുമുണ്ട്. രണ്ടു വർഷം മുൻപ് വീടാക്രമിച്ച കേസിലും മുഖ്യപ്രതിയാണ്. രണ്ടാംപ്രതി ലിയോപ്ലാസിഡ് ആന്റണിദാസിന്റെ കൂട്ടാളിയാണ്. കഴിഞ്ഞവർഷം കിഴക്കേകല്ലടയിലെ ബാറിൽ ആന്റണി ദാസും ലിയോ പ്ലാസിഡും ചേർന്ന് ആക്രമണം നടത്തിയപ്പോൾ പിടികൂടാൻ എത്തിയ കിഴക്കേകല്ലട പൊലീസിനെ പ്രതികൾ ആക്രമിച്ചിരുന്നു. മാരകായുധങ്ങൾ ഉപയോഗിച്ചുള്ള നിരവധി ആക്രമണക്കേസുകളാണ് ഇരുവർക്കും എതിരെ വിവിധ സ്റ്റേഷനുകളിലുള്ളത്.