ജോലിസമ്മർദ്ദം മാനസികവും ശാരീരികവുമായ അനാരോഗ്യമുണ്ടാക്കും. തലവേദന, ശ്വാസനിരക്കിലെ താളപ്പിഴകൾ, ഉറക്കപ്രശ്നങ്ങൾ, ഉത്കണ്ഠ, ദഹനക്കേട് ഹൃദ്രോഗം, നടുവേദന, വിഷാദം, മസിൽവേദന തുടങ്ങി രോഗപ്രതിരോധ സംവിധാനത്തെ വരെ തകരാറിലാക്കുന്ന തരത്തിലേക്കും ജോലിസമ്മർദ്ദം വളരാറുണ്ട്.

സമ്മർദ്ദത്തെ മറികടക്കാൻ ഇതാ ചില വഴികൾ - കഴിവിന് അനുസരിച്ചുള്ള ഭാരമേ ഏറ്റെടുക്കാവൂ. ജോലി സ്ഥലത്ത് മികച്ച ടീംവർക്കും നല്ല സൗഹൃദങ്ങളും വളർത്തിയെടുക്കുക.

ധ്യാനം, യോഗ, യാത്രകൾ, സംഗീതം,​ പൂന്തോട്ട പരിപാലനം തുടങ്ങിയവ മനസിനെ ശാന്തവും ഉന്മേഷഭരിതവുമാക്കും. ജോലിയിൽ ലക്ഷ്യം കൈവരിക്കാനായില്ലെങ്കിൽ തളരാതെ അടുത്ത പ്രകടനം മെച്ചപ്പെടുത്താമെന്ന ആത്മവിശ്വാസത്തോടെ മുന്നേറുക.

സമ്മർദ്ദങ്ങളും ശാരീരിക ബുദ്ധിമുട്ടുകളും മേലധികാരിയോട് തുറന്നുപറയണം. ഔദ്യോഗികസമ്മർദ്ദം പങ്കുവയ്ക്കാൻ ഒരു ആത്മസുഹൃത്ത് ഉണ്ടായിരിക്കുന്നത് ഏറ്റവും നല്ലതാണ്.

ദിവസവും ഒരു മണിക്കൂറെങ്കിലും കുടുബത്തോടൊപ്പം ചെലവഴിക്കുക. അവർക്കൊപ്പം യാത്ര ചെയ്യുക.