EDITOR'S CHOICE
 
എറണാകുളം നഗരത്തിൽ അതിരാവിലെ വീടുകളിലെയും ഫ്ളാറ്റുകളിലെയും വേസ്റ്റുകൾ ലോറിയിൽ ശേഖരിക്കുന്ന നഗരസഭ ജീവനക്കാർ.
 
ജീവിതം... വേമ്പനാട്ട് കായലിൽ നിന്ന് കക്കാവാരി വള്ളത്തിൽ മടങ്ങുന്ന മത്സ്യതൊഴിലാളി. അരൂക്കൂറ്റി പാലത്തിൽ നിന്നുള്ള കാഴ്ച.
 
സഹായിക്കണം സാർ... തൃശൂർ നടത്തറ ബൈപ്പാസിൽ വേനൽ ചൂടിനെ അവഗണിച്ച് ട്രാഫിക് സിഗ്നലിൽ വാഹനങ്ങൾ നിറുത്തുമ്പോൾ തൻ്റെ വലതുകൈ നെറ്റിയിൽ വച്ച് പേനയും ബഡ്സും വിൽക്കുന്ന അന്യസംസ്ഥാന കാരിയായ വയോധിക.
 
പത്മശ്രീ നേടിയ ശോശാമ്മ ഐയ്പ്പിനെ തൃശൂർ മണ്ണുത്തിലെ വീട്ടിലെത്തി ഷാൾ അണിയിച്ച് ആദരിക്കുന്ന മന്ത്രി ആര്‍. ബിന്ദു.
 
ലോകായുക്താ ഭേദഗതി ഓർഡിനൻസിൽ ഒപ്പ് വയ്ക്കരുതെന്ന് ആവശ്യപ്പെട്ട് യു.ഡി.എഫ് പ്രതിനിധി സംഘം പ്രതിപക്ഷ നേതാവ് വി.ഡി. സതീശന്റെ ആഭിമുഖ്യത്തിൽ രാജ്ഭവനിലെത്തി ഗവർണർ ആരിഫ് മുഹമ്മദ് ഖാന് നിവേദനം സമർപ്പിച്ച ശേഷം പുറത്തേക്ക് വരുന്നു.
 
അകലം പാലിച്ച്... നിർമ്മാണം പുരോഗമിക്കുന്ന തൃശൂർ ലാലൂരിലെ ഐ.എം വിജയൻ്റെ പേരിലുള്ള ഇൻഡോർ സ്റ്റേഡിയത്തിലേക്ക് അലുമിനിയം ഷീറ്റുകൾ തല ചുമടായി എത്തിക്കുന്ന അന്യ സംസ്ഥാനക്കാരായ തൊഴിലാളികൾ.
 
ലുക്ക് വേണോ..? മാസ്ക് വേണം..! സംസ്ഥാനത്ത് കൊവിഡ് കേസുകൾ വർദ്ധിക്കുന്ന സാഹചര്യത്തിൽ മാസ്ക് വിൽപ്പനയും തകൃതിയായി നടക്കുകയാണ്. എറണാകുളം പനമ്പിള്ളി നഗറിലെ വഴിയോരത്തെ മാസ്ക് വിൽപ്പനക്കാരന്റെയടുത്ത് നിന്ന് മാസ്ക് മേടിച്ച ശേഷം കണ്ണാടിയിൽ ഭംഗി നോക്കുന്ന ബൈക്ക് യാത്രികൻ.
 
ലോട്ടറി വിൽപ്പനയ്ക്ക് ശേഷം ലോട്ടറി തട്ട് തലയിൽ ചുമന്ന് മടങ്ങുന്ന വീട്ടമ്മ. എറണാകുളം നഗരത്തിൽ നിന്നുള്ള ദൃശ്യം.
 
നിറക്കാഴ്ച... എറണാകുളം വളഞ്ഞമ്പലത്തെ എന്റെഭൂമി ആർട്ഗാലറിയിൽ ആരംഭിച്ച 35 ചിത്രകാരൻമാരുടെ ചിത്ര ചന്തയിൽ നിന്നുള്ള കാഴ്ച.
 
തിരുവനന്തപുരം ടാഗോർ തീയറ്ററിൽ ആരംഭിച്ച സൂര്യ നൃത്ത സംഗീതോത്സവത്തിൽ നൃത്തം , സിനിമ , സ്‌പെഷ്യൽ ഇഫക്റ്റ്സ് എന്നിവ കൂട്ടി ചേർത്ത് സൂര്യാകൃഷ്ണമൂർത്തി സംവിധാനം ചെയ്ത് മെഗാ ഷോ അഗ്‌നി 2 സ്റ്റേജ് ഷോയുടെ ആദ്യ അവതരണത്തിൽ നിന്ന്
 
അമ്മയൊന്നിച്ച്...എറണാകുളം ക്രൗൺ പ്ലാസയിൽ താരസംഘനയായ അമ്മയുടെ പുതിയ ഭാരവാഹികൾ മാദ്ധ്യമങ്ങൾക്ക് മുൻപിൽ അണിനിരന്നപ്പോൾ
 
ഇതെന്ത് ചോദ്യം...എറണാകുളം ക്രൗൺ പ്ലാസ ഹോട്ടലിൽ താരസംഘനയായ അമ്മയുടെ പുതിയ ഭാരവാഹികളെ തിരഞ്ഞെടുത്തതിന് ശേഷം മാദ്ധ്യമങ്ങളോട് സംസാരിക്കുന്ന പ്രസിഡന്റ് മോഹൻലാൽ, ജനറൽ സെക്രട്ടറി ഇടവേള ബാബു, വൈസ് പ്രസിഡന്റ് മണിയൻപിള്ള രാജു
 
കൊവിഡ് വ്യാപന പശ്ചാത്തലത്തിൽ സ്ക്കൂൾ അടച്ചിട്ടതിനെ തുടർന്ന് വിദ്യാലയത്തിലെ മണിമുഴക്കവും നിശ്ചലമായി ബൂൾ ബൂൾ പക്ഷി കൂഞ്ഞിന് തിറ്റ കൊടുക്കുന്നു. പെരിങ്ങോട്ടുകുറിശ്ശി ആയക്കുറിശ്ശി പാഠശാല ഇംഗ്ലിഷ് മീഡിയം സ്കൂൾ നിന്ന്.
 
പൊതുടാപ്പിൽ നിന്ന് വീഴുന്ന വെള്ളത്തുള്ളികൾ കുടിക്കാനായി വന്നിരിക്കുന്ന കാക്ക. എറണാകുളം ഹൈക്കോർട്ടിന് സമീപത്ത് നിന്നുള്ള കാഴ്ച.
 
ഓളപ്പരപ്പിലെ ജീവിതങ്ങൾ... കായലിൽ കുട്ട വ‌ഞ്ചിയിൽ മത്സ്യബന്ധനം നടത്തി ഉപജീവനം കഴിക്കുന്ന അന്യസംസ്ഥാന സ്വദേശികളായ ഇവർ കുടുംബത്തോടൊപ്പം കൊച്ചി നഗരത്തിലെത്തിയിട്ട് വർഷങ്ങളായി. എറണാകുളം വൈപ്പിനിൽ നിന്നുള്ള കാഴ്ച.
 
പൂന്തേനുണ്ണാൻ... പൂവിൽ നിന്ന് തേൻ കുടിക്കുന്ന പൂമ്പാറ്റകൾ. മറൈൻഡ്രൈവിൽ നിന്നുള്ള കാഴ്ച.
 
ചുവന്ന ശോഭയിൽ... എറണാകുളം കണ്ണങ്ങാട്ട് പാലത്തിൽ നിന്നുള്ള അസ്തമയക്കാഴ്ച.
 
പുതുവർഷം പ്രതീക്ഷകളുടെതാണ്, ജീവിതത്തിൽ മനോഹരമായ തീരുമാനമെടുത്ത് അത് ജീവിതത്തിൽ നടപ്പാക്കി സ്വപ്നം സാക്ഷാത്ക്കരിക്കുന്നത്തിനുള്ള അവസരം കൂടിയാണ് .ഈ മഹാമാരിയുടെ ഇടയിലും ഏറെ പ്രതീക്ഷയോടെ 2022 പുതുവർഷ പ്രതീക്ഷകൾ പങ്കിടാം പുതുവത്സര ആഘോഷങ്ങളുടെ ഭാഗമായി ശംഖുംമുഖം തീരത്തെത്തിയവർ ആഗ്ലാദം പങ്കിട്ടപ്പോൾ
 
എറണാകുളം മറൈൻഡ്രൈവിൽ എത്തുന്ന സഞ്ചാരികളെ കാത്ത് കളിപ്പാട്ട വില്പനയ്ക്കായി നിൽക്കുന്നവർ.
 
ലാസ്റ്റ് ബസ്... എറണാകുളം ഗോശ്രീ പാലത്തിൽ നിന്നുള്ള അസ്തമയ കാഴ്ച.
 
എം.എസ്.പി അസിസ്റ്റൻ്റ് കമാണ്ടൻ്റ് എ.സക്കീറിൻ്റെ വിരമിക്കലിനോടനുബന്ധിച്ച് കേരള പോലീസ് വെട്രൻസും മലപ്പുറം വെട്രൻസും തമ്മിൽ കോട്ടപ്പടി ടർഫിൽ നടന്ന ഫുഡ്ബാൾ മത്സരത്തിൽ നിന്ന്.
 
എറണാകുളം മഹാരാജാസ് കോളേജ് ഗ്രൗണ്ടിൽ നടന്ന കേരള പ്രീമിയർ ലീഗ് ഫുട്ബാൾ മത്സരത്തിൽ കേരള യുണൈറ്റഡ് എഫ്.സിയുടെ ഗോൾ ശ്രമം തടുക്കുന്ന കേരള ബ്ളാസ്റ്റേഴ്സ് എഫ്.സി ഗോൾ കീപ്പർ മുഹമ്മദ് മുർഷിദ്
 
മലപ്പുറം ജില്ലാ ഒളിമ്പിക്സിൻ്റെ ഭാഗമായി കാലിക്കറ്റ് യൂണിവേഴ്സിറ്റിയിൽ നടന്ന 200 മീറ്റർ മിഡ്ലെ നീന്തൽ മത്സരത്തിൽ ഒന്നാം സ്ഥാനം നേടുന്ന മുഹമ്മദ് റോഷൻ.
 
വിജയ ചിരി... തൃശൂർ അക്വാറ്റിക് കോംപ്ലക്സിൽ സംഘടിപ്പിച്ച ജില്ലാ ഒളിമ്പിക് ഗെയിംസ് ഫ്രീ സ്റ്റെൽ 50 മീറ്റർ നീന്തൽ ഒന്നാം സ്ഥാനം നേടുന്ന എസ്. അൽജന തൃശൂർ. ചാവക്കാട് ഡി.ഇ ഓഫീസിലെ ക്ലാർക്കാണ്.
 
എറണാകുളം മഹാരാജാസ് കോളേജ് ഗ്രൗണ്ടിൽ നടന്ന കേരള പ്രീമിയർ ലീഗ് ഫുട്ബാൾ മത്സരത്തിൽ കോവളം എഫ്.സിക്കെതിരെ മുത്തൂറ്റ് ഫുട്ബാൾ അക്കാഡമിയുടെ കെ. മുഹമ്മദ് ആഷിഖിന്റെ മുന്നേറ്റം
 
കോട്ടയം ജില്ലാ ഒളിമ്പിക് ഗെയിംസിന്റെ ഭാഗമായി നാഗമ്പടം ഇൻഡോർ സ്റ്റേഡിയത്തിൽ നടന്ന വൂഷു അണ്ടർ 56 വിഭാഗം ഫൈനൽ മത്സരത്തിൽ ഷെറിനെതിരെ മെറിൻ മേരി ജെയിംസ് പോയിൻറ് നേടുന്നു.മെറിൻ മേരി ജയിംസ് ജേതാവായി.
 
അക കണ്ണിലൂടെ .... കേരള ചെസ് അസോസിയേഷൻ ഫോർ ദി ബ്ലൈഡും പാലക്കാട് ധോണി ലീഡ് കോളേജ് മാനേജ്മെൻ്റ നേതൃത്വത്തിൽ സംഘടിപ്പിച്ച സംസ്ഥാന തല സീനിയർ വിഭാഗം ചെസ് മത്സരത്തിൽ കോഴിക്കോട് കൊട്ടാരക്കൂത്ത് സ്വദേശിയായ പി.കെ.മുഹമ്മദ് സാലിയും പാലക്കാട് കാരാക്കുറിശ്ശി പി.ആർ.രാജേഷും തമ്മിൽ നടന്ന മത്സരത്തിൽ പി.കെ.മുഹമ്മദ് സാലി വിജയിച്ചു.
 
കേരള ചെസ് അസോസിയേഷൻ ഫോർ ദ് ബ്ലൈൻഡും പാലക്കാട് ധോണി ലീഡ് കോളേജ് ഓഫ് മാനേജ്മെൻ്റെും നേതൃത്വത്തിൽ കാഴ്ച പരിമിതരുടെ സംസ്ഥാന തല ചെസ് ടൂർണമെൻ്റ്.
 
ഉല്ലാസയാത്ര...കൊവിഡ് വ്യാപനം കാരണം വൈപ്പിൻ ബീച്ചിൽ സന്ദർശകരുടെ എണ്ണം വളരെ കുറവാണ്. വൈപ്പിൻ കടപ്പുറത്തുകൂടെ ബൈക്കൊടിച്ചു പോകുന്ന യുവാവ്
 
ഹൈക്കോടതി നിർദേശ പ്രകാരം കൊച്ചി നഗരത്തിലെ ലൈസൻസില്ലാത്ത വഴിയോരക്കച്ചവടക്കാരെ ഒഴിപ്പിക്കാനെത്തിയ ആരോഗ്യ വകുപ്പ് ജീവനക്കാർ
 
മലപ്പുറം സെന്റ് ജമ്മാസ് കോൺവെന്റിലെ പൂന്തോട്ടത്തിലെത്തിയ നാഗശലഭങ്ങൾ.ലോകത്തിലെ വലിയ നിശാശലഭങ്ങളിൽ ഒന്നാണ് അറ്റ്‌ലസ് ശലഭം അഥവാ നാഗശലഭം.
 
പുതുമഴയായി...എറണാകുളം നഗരത്തിൽ പെയ്ത മഴയിലൂടെ നടന്ന് നീങ്ങുന്നവർ
 
കുഴിക്ക് ഗേറ്റിട്ട്...കോട്ടയം ചന്തക്കടവ് -ടി.ബി.റോഡിലെ വെള്ളക്കെട്ടിൽ സമീപത്തെ ഓഫിസിന്റെ ഗേറ്റ് അടക്കുന്നതിന്റെ ചിത്രം പ്രതിഫലിച്ചപ്പോൾ.
 
ആരോരുമില്ലാതെ ഒറ്റപ്പെട്ട് പോയവർക്ക് തുണയേകുന്ന അന്ധേവാസികളുടെ ആഘോഷത്തിന് രക്തബന്ധമില്ലാത്ത സ്നേഹത്തിന്റെ കഥയാണ്.എറണാകുളം ഹൗസ് ഒഫ് പ്രൊവിഡൻസിൽ നടന്ന ക്രിസ്മസ് ആഘോഷമായിരുന്നു വേദി.
 
കോഴിക്കോട് നഗരത്തിലേക്ക് വിരുന്നെത്തിയ കോഴിവേഴാമ്പൽ. സഹ്യപർവതവനനിരകളിൽ മാത്രം കണ്ടു വരുന്ന തദ്ദേശീയ പക്ഷിയായ കോഴിവേഴാമ്പലിനെ (മലബാർ ഗ്രേ ഹോൺബിൽ) ചുങ്കം റെയിൽപാളത്തിന് സമീപമാണ് കണ്ടത്. വേഴാമ്പൽ ഇനത്തിൽ പെട്ട ഇവ കേരളത്തിലെ മഴക്കാടുകളിലും ഇലപൊഴിയും കാടുകളിലും സുലഭമായ പക്ഷിയാണ്‌. ശാസ്ത്രീയനാമം: ഒസിസെറസ് ഗ്രിസ്യസ്.
 
കഴിഞ്ഞ 10 വർഷമായി പാലക്കാട് പുതുശേരിയിൽ നിന്ന് എറണാകുളം ഗോശ്രീ റോഡരുകിൽ ക്രിസ്‌മസ് കാലത്ത് എത്തി പുൽക്കൂട് നിർമ്മിച്ച് വിൽക്കുകയാണ് ശരവണനും സംഘവും. കൊച്ചിയിലെ ഫ്ളാറ്റുകൾക്ക് സമീപം റോഡരുകിൽ ചെറിയ കുടിൽകെട്ടി താമസിച്ചാണ് പുൽക്കൂട് നിർമ്മാണം. കൊവിഡ് പ്രതിസന്ധി മൂലം ഇപ്പോൾ കച്ചവടം കുറവാണെന്ന് ശരവണൻ പറയുന്നു. ക്രിസ്മസ് അടുക്കുമ്പോഴേക്കും സ്ഥിതിമാറുമെന്ന പ്രതീക്ഷയിലാണിവർ
  TRENDING THIS WEEK
നിറക്കാഴ്ച... എറണാകുളം വളഞ്ഞമ്പലത്തെ എന്റെഭൂമി ആർട്ഗാലറിയിൽ ആരംഭിച്ച 35 ചിത്രകാരൻമാരുടെ ചിത്ര ചന്തയിൽ നിന്നുള്ള കാഴ്ച.
റിപ്പബ്ലിക് ദിന പരേഡിന് മുന്നോടിയായി പോലീസിന്റെ ആഭിമുഖ്യത്തിൽ ഇന്നലെ മലപ്പുറം എം.എസ്.പി പരേഡ് ഗ്രൗണ്ടിൽ നടന്ന റിഹേഴ്‌സൽ.
പാവക്കൂത്ത്... കൊവിഡ് വ്യാപനത്തിൽ റോഡിൽ തിരക്കൊഴിഞ്ഞപ്പോൾ വഴിയോര കച്ചവടക്കാർക്ക് വലിയ പ്രതിസന്ധിയാണ് ഉള്ളത്. എറണാകുളം സുബാഷ് പാർക്കിനു മുന്നിലെ നടപ്പാതയിൽ വില്പനക്ക് വച്ചിരിക്കുന്ന പാവകൾ.
നടിയെ അക്രമിച്ച കേസുമായി ബന്ധപ്പെട്ട് നടൻ ദിലീപ് ചോദ്യം ചെയ്യലിന് ഹാജരാവാൻ എറണാകുളം കളമശേരിയിലെ ക്രൈംബ്രാഞ്ച് ഓഫീസിൽ എത്തിയപ്പോൾ.
പറന്ന് പറന്ന്... തൃശൂർ പടിഞ്ഞാറെ ചിറയിൽ വിരുന്നെത്തിയ ചൂളൻ എരണ്ടകൾ തെക്കു കിഴക്കൻ ഏഷ്യയിൽ കണ്ടുവരുന്ന ഒരു പക്ഷിയാണ്. ചാര നിറത്തിലുളള കൊക്കുകളും നീണ്ട തലയും കാലുകളുമുണ്ട്, ദേഹം തടിച്ചുരുണ്ട താണ്.
ഇത്തിരി വേദനിച്ചേ.. കോട്ടയം എം.ഡി. സ്കൂളിലെ കേന്ദ്രത്തിൽ കൊവിഡ് വാക്സിൻ സ്വീകരിക്കുന്ന വിദ്യാർത്ഥികൾ.
കോട്ടയം ഈസ്റ്റ് പൊലീസ് സ്റ്റേഷൻ മുറ്റത്ത് ഷാൻബാബുവിന്റെ മൃതദേഹം കൊണ്ടിട്ട സംഭവവുമായി ബന്ധപ്പെട്ട് ജില്ലാ പൊലീസ് ആസ്ഥാനത്ത് മേധാവി ഡി.ശില്പ ഡയറി നോക്കി മാധ്യമപ്രവർത്തകരോട് കേസ് വിശദീകരിക്കുന്നു. എ.എസ്.പി എസ്. സുരേഷ്‌കുമാർ സമീപം.
കൊവിഡ് വ്യാപനത്തിൽ റോഡിലെ തിരക്കൊഴിഞ്ഞ നടപ്പതയിലുടെ കളിപ്പാട്ടങ്ങളുയമായി പോകുന്ന കച്ചവടക്കാരൻ. ചിൽഡ്രൻസ് പാർക്കിന് മുന്നിൽ നിന്നുള്ള ദൃശ്യം.
കൊച്ചിയുടെ ഭംഗി വിളിച്ചോതുന്ന കായലും ബഹുനില കെട്ടിടങ്ങളുടെയും പശ്ചാത്തലത്തിൽ കടന്ന് പോകുന്ന മത്സ്യബന്ധന ബോട്ടും. വിനോദസഞ്ചാരികളുമായി ഉല്ലാസയാത്ര നടത്തുന്ന കെട്ട് വള്ളവും. എറണാകുളം വൈപ്പിൻ ജങ്കാർ ജെട്ടിയിൽ നിന്നുള്ള കാഴ്ച.
ഗുണ്ടാ അക്രമണത്തിൽ കൊല്ലപ്പെട്ട ഷാൻ ബാബുവിന്റെ കോട്ടയം കീഴുകുന്നിലെ വീട്ടിലെത്തി ഉമ്മൻചാണ്ടി അമ്മ ത്രേസ്യാമ്മയേയും സഹോദരി ഷാരോണിനെയും സന്ദർശിക്കുന്നു. തിരുവഞ്ചൂർ രാധാകൃഷ്ണൻ എം.എൽ.എ, ഡി.സി.സി പ്രസിഡൻറ് നാട്ടകം സുരേഷ് തുടങ്ങിയവർ സമീപം.
 
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com