മാസ്‌ക് ഉടുപ്പ്... കൊവിഡ്‌ നിയന്ത്രങ്ങളെത്തുടർന്ന് തിരുനക്കരയിൽ പൊലീസ് വാഹനപരിശോധന നടത്തുന്നതിനിടെ കുട്ടിയുടുപ്പ് മാസ്‌ക് ആക്കിയ വണ്ടിഡ്രൈവർ

സുരക്ഷാ വലയമൊരുക്കി... കൊവിഡ് വ്യാപനത്തിന്റെ പശ്ചാത്തലത്തിൽ ഏർപ്പെടുത്തിയ കർശന നിയന്ത്രണങ്ങളുടെ ഭാഗമായി കോട്ടയം തിരുനക്കകരയിൽ വാഹന പരിശോധന നടത്തുന്ന പൊലീസ് ഉദ്യോഗസ്ഥർക്ക് നിർദേശം നൽകുന്ന ജില്ലാ പൊലീസ് മേധാവി ഡി.ശിൽപ

കൊവിഡ് വാക്‌സിൻ സ്വീകരിക്കാനായി ജനറൽ ആശുപത്രിയിൽ എത്തിയവർ.

പ്രാണവായു... കേരളത്തിൽ കൊവിഡ് കേസുകൾ നാൽപതിനായിരം കടന്നിരിക്കുകയാണ് അതോടൊപ്പം ഓക്സിജന്റെ ഉപയോഗവും വർദ്ധിച്ചുവരുന്നു. സാധാരണ ഗതിയിൽ മെഡിക്കൽ കോളേജിൽ ഒരാഴ്ച്ചത്തേക്ക് 40,000 ലിറ്റർ ഓക്സിജൻ എന്നത് ഒന്നര ദിവസമായി ചുരുങ്ങിരിക്കുകയാണ്. കൊവിഡ് വാർഡിലേക്കുള്ള ഓക്സിജനുമായി പോകുന്ന ജീവനക്കാർ. തിരുവനന്തപുരം മെഡിക്കൽ കോളേജിൽ നിന്നുള്ള കാഴ്ച്ച.

ഒരോരോ കാരണങ്ങൾ... കൊവിഡ് വ്യാപനം തടയാനുള്ള നടപടിയുടെ ഭാഗമായി ലോക് ഡൗണിന് സമാനമായ നിയന്ത്രണത്തെ തുടർന്ന് തൃശൂർ സ്വരാജ് റൗണ്ടിലെ പൊലീസ് പരിശോധനയിൽ ഗ്യാസ് റെഗുലേറ്റർ വാങ്ങാനാണ് താൻ പുറത്തിറങ്ങിയതെന്ന് പൊലിസിനെ ധരിപ്പിക്കുന്നു.

നടപടി... കൊവിഡ് വ്യാപനം തടയാനുള്ള നടപടിയുടെ ഭാഗമായി ലോക് ഡൗണിന് സമാനമായ നിയന്ത്രണത്തെ തുടർന്ന് മതിയായ രേഖകൾ കൈവശം വക്കാതെ കാറിൽ പുറത്തിറങ്ങിയ ആളിൽ നിന്ന് പിഴ ചുമത്തിയ ശേഷം നോട്ടിസിൽ ഒപ്പുവെപ്പിക്കുന്ന പൊലിസ് ഉദ്യോഗസ്ഥൻ. തൃശൂർ സ്വരാജ് റൗണ്ടിൽ നിന്നൊരു ദൃശ്യം.

കൊവിഡ് വ്യാപനം രൂക്ഷമായ സാഹചര്യത്തിൽ സംസ്ഥാനത്ത് ലോക്ക് ഡൗണിന് സമാനമായ നിയന്ത്രണങ്ങൾ ഏർപ്പെടുത്തിയതിനെ തുടർന്ന് അട്ടകുളങ്ങരയിൽ നടത്തിയ വാഹന പരിശോധനയ്ക്കിടെ സൈക്കിളിൽ എത്തിയ യുവാവിനോട് പൊലീസ് വിവരങ്ങൾ ആരായുന്നു.

തിരുനക്കരയിൽ വാഹനപരിശോധനക്കിടെ പൊലീസിനെ സത്യവാങ്ങ്മൂലം കാണിക്കുന്ന യാത്രക്കാർ.