മിന്നല്ലോടെ സാമ്പിൾ... തൃശൂർ പൂരത്തോടനുബന്ധിച്ച് തേക്കിൻക്കാട് മൈതാനിയിൽ നടന്ന പ്രതീകാത്മക സാമ്പിൾ വെടിക്കെട്ടിൽ കുഴിമിന്നൽ പൊട്ടിച്ചപ്പോൾ. തിരുവമ്പാടി, പാറമേക്കാവ് വിഭാഗങ്ങൾ ഓരോ കുഴി മിന്നൽ വീതമാണ് പൊട്ടിച്ചത്.

ഒന്നാം ഘട്ടം... കോട്ടയം ബേക്കർ മെമ്മോറിയൽ എൽ.പി. സ്കൂളിലെ കൊവിഡ് വാക്സിനേഷൻ സ്ഥിരം കേന്ദ്രത്തിൽ തിരക്ക് കൂടിയതിനെ തുടർന്ന് ടോക്കൺ ഉള്ളവരെ മാത്രം പൊലീസിന്റെ നേതൃത്വത്തിൽ അകത്തേക്ക് കത്തിവിടുന്നു.

പാലക്കാട് ഗവ: മോയൻസ് യു.പി. സ്കൂളിൽ കൊവിഡ് വാക്സിൻ എടുത്ത് പുറത്ത് വരുന്നവർ.

പാലായനം... കൊവിഡ് വ്യാപനത്തിൻ്റെ സാഹചര്യത്തിൽ കേരളത്തിൽ നിന്ന് ഇതര സംസ്ഥാനങ്ങളിലേക്ക് കൂട്ടത്തോടെ പോകുന്നവർ. കേരള തമിഴ്നാട് അതിർത്തിയായ വാളയാറിൽ നിന്നുള്ള കാഴ്ച്ച.

കൊവിഡ് വ്യാപനം രൂക്ഷമായ സാഹചര്യത്തിൽ രണ്ടാം ദിവസവും പൊലീസ് നടത്തിയ പരിശോധനയിൽ മാസ്ക് ശരിയായ രീതിയിൽ ധരിക്കാത്തവർക്കെതിരെ പൊലീസ് പിഴയീടാക്കുന്നു. പാളയത്ത് നിന്നുള്ള കാഴ്ച്ച.

ജിമ്മി ജോർജ് സ്റ്റേഡിയത്തിൽ രണ്ടാം ദിവസവും വാക്‌സിനേഷൻ മുടങ്ങിയതിനെ തുടർന്ന് വാക്‌സിൻ എടുക്കാൻ എത്തിയ ആളിന് വാക്‌സിൻ ലഭ്യമാകുന്ന കേന്ദ്രങ്ങളുടെ ലിസ്റ്റ് കാണിച്ചു കൊടുക്കുന്ന സെക്യൂരിറ്റി ജീവനക്കാരൻ.

തൃശൂർ പൂരം വെടിക്കെട്ടിനായ് തേക്കിൻക്കാട് മൈതാനിയിൽ കുഴി ഒരുക്കുന്നു.

തൃശൂർ പൂരത്തെ വരവേറ്റ് തേക്കിൻക്കാട് മൈതാനിയിൽ പൂര കൊടി നാട്ടിയപ്പോൾ.

കൊവിഡ് വ്യാപനം രൂക്ഷമായ സാഹചര്യത്തിൽ സുരക്ഷാ നടപടികൾ കർശനമാക്കുന്നതിന്റെ ഭാഗമായി നടത്തിയ പരിശോധനയിൽ മാസ്ക് ശരിയായ രീതിയിൽ ധരിക്കാത്തവർക്കെതിരെ പൊലീസ് പിഴയീടാക്കുന്നു. പാളയത്ത് നിന്നുള്ള കാഴ്ച്ച.

മാസ്ക് ഉണ്ട് സാർ... കൊവിഡ് വ്യാപനം രൂക്ഷമായ സാഹചര്യത്തിൽ സുരക്ഷാ നടപടികൾ കർശനമാക്കുന്നതിന്റെ ഭാഗമായി പൊലീസ് നടത്തിയ മാസ്ക് പരിശോധയ്ക്കിടെ ഹെൽമെറ്റ് ഇല്ലാതെ വന്ന ഇരുചക്രവാഹന യാത്രക്കാരിയെ പൊലീസ് ശാസിക്കുന്നു. തുടർന്ന് ഹെൽമെറ്റ് ധരിപ്പിച്ച ശേഷം വിട്ടയച്ചു. പാളയത്ത് നിന്നുള്ള കാഴ്ച്ച.

പൂജപ്പുര - കരമന പാതയ്ക്ക് ഇരുവശത്തും ഉള്ള വഴിയോര കച്ചവട കേന്ദ്രങ്ങൾ തിരുവനന്തപുരം നഗരസഭ ആരോഗ്യ വിഭാഗത്തിന്റെ നേതൃത്വത്തിൽ പൊളിച്ചു നീക്കിയപ്പോൾ.

കൊവിഡ് വ്യാപനം രൂക്ഷമായതിൻ്റെ സാഹചര്യത്തിൽ കോഴിക്കോട് ജില്ലയിലെ അന്യദേശ തൊഴിലാളികൾ സ്വന്തം നാടുകളിലേക്ക് തിരിച്ചു പോവുന്നതിനായി കോഴിക്കോട് റെയിൽവേ സ്റ്റേഷനിൽ എത്തിയപ്പോൾ.

ഉറക്കത്തിലുമുണർന്ന്... സംസ്ഥാനത്ത് രാത്രികാല കർഫ്യൂ ഏർപ്പെടുത്തിയതിനെത്തുടർന്ന് കോട്ടയം നഗരത്തിൽ പരിശോധനക്കെത്തിയ ജില്ലാ കളക്ടർ എം. അഞ്ചനയും എസ്.പി ഡി. ശില്പയും കെ.എസ്.ആർ.ടി. സി ബസ് സ്റ്റാൻഡിലെത്തിയപ്പോൾ മസ്കണിയാതെ ഇരുന്നുറങ്ങുന്നയാൾ.

പിടിമുറുക്കി... സംസ്ഥാനത്ത് രാത്രികാല കർഫ്യൂ ഏർപ്പെടുത്തിയതിനെത്തുടർന്ന് കോട്ടയം നഗരത്തിൽ പരിശോധന നടത്തുന്ന ജില്ലാ കളക്ടർ എം. അഞ്ചനയും എസ്.പി ഡി. ശില്പയും.

ഇരിക്കാനൊരിടമില്ല... കോട്ടയം തിരുനക്കര പ്രൈവറ്റ് ബസ് സ്റ്റാൻഡിലെ ഇരിപ്പിടത്തിന്റെ കമ്പികൾ സാമൂഹ്യ വിരുദ്ധർ മുറിച്ച് മാറ്റി കൊണ്ടുപോയനിലയിൽ. മിക്ക ഇരിപ്പിടങ്ങളുടെയും അവസ്ഥയിതാണ്‌.

ക്ലോസ്ഡ്... തൃശൂർ പൂരം പ്രദർശന നഗരിയിലെ കച്ചവടക്കാർക്ക് കൊവിഡ് സ്ഥിരീകരിച്ചതിനെ തുടർന്ന് പ്രദർശന നഗരി അടച്ചപ്പോൾ.

'നിറം മങ്ങി'... തൃശൂർപൂരം ചടങ്ങ് മാത്രമാക്കിയതിനെ തുടർന്ന് കുടമാറ്റം പ്രതീക്ഷിച്ച് ഉണ്ടാക്കിയ വർണ്ണ കുടകൾ മടക്കി വച്ചിരിക്കുന്നു. സമീപം പാതിവഴിയിലെത്തിയകുടകളുടെ നിർമ്മാണം പൂർത്തിയാക്കുന്നു.

ഇന്നല്ലെങ്കിൽ നാളെ... കോട്ടയം ബേക്കർ മെമ്മോറിയൽ എൽ.പി സ്കൂളിൽ കൊവിഡ് വാക്‌സിനെടുക്കാനെത്തിയ അംഗവൈകല്യമുള്ളയാളെ പ്രതിദിന കുത്തിവെപ്പ് കഴിഞ്ഞതിനെത്തുടർന്ന് മടക്കിയയക്കുന്ന പൊലീസ്.

ഇരട്ടപ്രതിരോധം... കോട്ടയം ബേക്കർ മെമ്മോറിയൽ എൽ.പി സ്കൂളിലെ കൊവിഡ് വാക്‌സിനേഷൻ കേന്ദ്രത്തിൽ എൺപത്തിയേഴുകാരി കുട്ടിയമ്മയെ രണ്ടാമത്തെ ഡോസ് വാക്‌സിനെടുക്കുവാനായി എത്തിച്ചപ്പോൾ.

കൈയും തലയും പുറത്തിടരുത്... കൊവിഡ് വ്യാപനത്തെതുടർന്ന് വാളയാർ അതിർത്തിയിൽ യാത്ര നിയന്ത്രണങ്ങൾ ഏർപ്പെടുത്തിയ സാഹചര്യത്തിൽ ഇതര സംസ്ഥാനങ്ങളിൽ നിന്ന് വരുന്നവരോട് പോർട്ടൽ രജിസ്ട്രേഷൻ പരിശോധിക്കുന്ന പോലീസുകാരൻ.