ഇരുതലയൻ... ഇറ്റ്ഫോക്ക് അന്താരാഷ്ട്ര നാടകോത്സവത്തിന്റെ ഭാഗമായി തൃശൂർ റീജണൽ തിയറ്റർ അങ്കണത്തിൽ സ്ഥാപിച്ച കയർമാറ്റ് കൊണ്ടുണ്ടാക്കിയ ശില്പം.

വിശ്വാസ വഴിയിൽ കപ്പൽ പ്രദക്ഷിണം... കുറവിലങ്ങാട് മേജർ ആർക്കി എപ്പിസ്കോപ്പൽ മർത്തമറിയം ആർച്ച് ഡീക്കൻ തീർഥാടന ദേവാലയത്തിലെ മൂന്നുനോമ്പ് തിരുനാളിന്റെ ഭാഗമായി നടന്ന കപ്പൽ പ്രദക്ഷിണം.

നോട്ട പിശകില്ലല്ലോ ഒപ്പിടാം... തൃശൂർ മുളങ്കുന്നത്ത്‌ക്കാവിൽ കേരള ആരോഗ്യശാസ്ത്ര സർവകലാശാലയുടെ ബിരുദദാനച്ചടങ്ങിന് മുമ്പ് ഗവർണ്ണർ ആരിഫ് മുഹമ്മദ് ഖാൻ ബിരുദ്ധധാരികളുടെ പേരടങ്ങിയ ഫയൽ ഒപ്പിടാനൊരുങ്ങുന്നു. ആരോഗ്യ സർവകലാശാല വൈസ് ചാൻസിലർ ഡോ. മോഹനൻ കുന്നുമ്മൽ സമീപം.

കൊവിഡ് സ്മാരകം... കൊവിഡ് വ്യാപനത്തത്തെ തുടർന്ന് ലോക്ക് ഡൗണായപ്പോൾ സർവീസുകൾ നിറുത്തലാക്കിയപ്പോൾ നശിച്ച കെ.എസ്.ആർ.ടി.സി ബസുകൾ ക്രെയിൻ ഉപയോഗിച്ചു നീക്കുന്നു. എറണാകുളം കെ.എസ്.ആർ.ടി.സി ഡിപ്പോയിൽ നിന്നുള്ള കാഴ്ച്ച.

കോട്ടയം നാഗമ്പടം മഹാദേവർ ക്ഷേത്രത്തിലെ ഉത്സവത്തോടനുബന്ധിച്ച് നടന്ന ഇളനീർ തീർത്ഥാടനം തിരുവാതുക്കൽ ഗുരുനഗറിൽ നിന്നാരംഭിച്ചപ്പോൾ.

പട്ടിത്താനം-മണർകാട് ബൈപാസിൽ പാറകണ്ടത്ത് സോളാർ സിഗ്നൽ ലൈറ്റുകളുടെ സ്വിച്ച് ഓൺ കർമം മന്ത്രി വി.എൻ. വാസവൻ നിർവഹിക്കുന്നു.

എറണാകുളം ശിവക്ഷേത്ര ഉത്സവത്തോടനുബന്ധിച്ച് നടന്ന കാഴ്ചശീവേലിയിൽ പെരുവനം കുട്ടൻമാരാർ നയിച്ച മേളം.

നാഗമ്പടം മഹാദേവർ ക്ഷേത്രത്തിലെ ഉത്സവത്തോടനുബന്ധിച്ച് വടക്കൻ മേഖലയിലെ ശാഖായോഗങ്ങളുടെ നേതൃത്വത്തിൽ പെരുമ്പായിക്കാട് ഗുരുദേവക്ഷേത്രത്തിൽ നിന്നും ആരംഭിച്ച ദേശതാലപ്പൊലി ഘോഷയാത്രക്ക് തുടക്കം കുറിച്ച് എസ്.എൻ ട്രസ്റ്റ് ബോർഡ് മെമ്പർ പ്രീതി നടേശൻ ആദ്യ താല സമർപ്പണം നടത്തുന്നു.

കോട്ടയം നഗരസഭയിലെ അഴിമതിക്കും വികസന സ്തംഭനത്തിനുമെതിരെ സി.പി.എം. നിയോജക മണ്ഡലം കമ്മറ്റിയുടെ നേതൃത്വത്തിൽ നടത്തിയ നഗരസഭാ ഉപരോധ സമരം സി.പിഎം. ജില്ലാ സെക്രട്ടറി എ.വി. റസൽ ഉദ്‌ഘാടനം ചെയ്യുന്നു.

തുരുമ്പ് പിടിച്ച തീതുപ്പി... ഫോർട്ട് കൊച്ചി ബീച്ചിൽ ചരിത്ര ശേഷിപ്പായി ബീച്ചിൽ വച്ചിരിക്കുന്ന പീരങ്കിക്കുള്ളിൽ പുല്ലുവളർന്നപ്പോൾ.

കോട്ടയം ജില്ലാ പഞ്ചായത്ത് പ്രസിഡന്റായി തിരഞ്ഞെടുക്കപ്പെട്ട കെ.വി. ബിന്ദുവിനെ അഡ്വ. ഷീജാ അനിലിന്റെ നേതൃത്വത്തിൽ പ്രവർത്തകർ സ്വീകരിക്കുന്നു.

ജില്ലാ ശുചിത്വ മിഷന്റെ നേതൃത്വത്തിൽ അന്താരാഷ്ട്ര കോൺക്ലേവായ 'ജിഎക്സ് കേരള 23' ന്റെ മുന്നോടിയായി എറണാകുളം ദർബാർ ഹാൾ ഗ്രൗണ്ടിൽ നിന്ന് ആരംഭിച്ച സൈക്കിൾ പ്രചാരണ റാലി.

ലൂർദിയൻ ബാസ്‌ക്കറ്റ് ബോൾ ടൂർണമെന്റിനോടനുബന്ധിച്ച് നടത്തിയ ഫോട്ടോഗ്രാഫി മത്സരത്തിൽ വാർത്താ ചിത്രത്തിനുള്ള പുരസ്‌കാരം നേടിയ കേരളകൗമുദി ചീഫ്‌ ഫോട്ടോഗ്രാഫർ ശ്രീകുമാർ ആലപ്രയ്ക്ക് കോട്ടയം ലൂർദ് പബ്ലിക് സ്‌കൂൾ ആൻഡ് ജൂനിയർ കോളേജിൽ നടന്ന ചടങ്ങിൽ കോട്ടയം അതിരൂപത സഹായമെത്രാൻ ഗീവർഗീസ് മാർ അപ്രേം അവാർഡ് നൽകുന്നു,

കവുങ്ങിൽ വിരിയുന്ന അന്താരാഷ്ട്രം... സംഗീത നാടക അക്കാഡമിയുടെ ആഭിമുഖ്യത്തിൽ തൃശൂരിൽ അടുത്ത മാസം അഞ്ചു മുതൽ ആരംഭിയ്ക്കുന്ന അന്താരാഷ്ട്ര നാടകോത്സവത്തിന്റെ വേദികളിലൊന്ന് ഒരുക്കുന്ന ആർട്ടിസ്റ്റ് സുജാതൻ. അഞ്ചരപ്പതിറ്റാണ്ടിലേറെയായി സംസ്ഥാനത്തങ്ങോളമിങ്ങോളമുള്ള പ്രൊഫഷണൽ, അമച്വർ നാടക സംഘങ്ങൾക്കായി നാലായിരത്തോളം രംഗപടം ഒരുക്കിയിട്ടുണ്ട് സുജാതൻ.

അമ്പലപ്പുഴ നീർക്കുന്നം വടക്ക് തീരദേശത്ത് കഴിഞ്ഞ ദിവസമുണ്ടായ കടലാക്രമണത്തിൽ തകർന്ന വീടിന് മുന്നിൽ നിൽക്കുന്ന ഹൃദ്രോഗിയായ പുതുവൽവീട്ടിൽ അശ്വതി അജി.

ചൂണ്ടുവിരൽ ആർക്കുനേരെ... അമ്പലപ്പുഴ നീർക്കുന്നം വടക്ക് തീരദേശത്ത് ഉണ്ടായ കടലാക്രമണത്തിൽ വീട് തകർന്ന കുടുംബങ്ങളെ മാറ്റി പാർപ്പിച്ചിരിക്കുന്ന സമീപത്തെ ഫിഷറീസ് വകുപ്പ് കെട്ടിടത്തിന് മുന്നിൽ കൂടിനിൽക്കുന്ന വീട്ടമ്മമാർ. 43 കോടി ചിലവിൽ പുലിമുട്ടോടുകൂടിയ കടൽഭിത്തിനിർമ്മിക്കുമെന്ന പ്രഖ്യാപനത്തിന് പിന്നാലെ അടുത്തിടെ മന്ത്രി റോഷി അഗസ്റ്റിൻ നിർമ്മാണോദ്‌ഘാടനം നടത്തിപോയിട്ടും ഒരു കല്ലുപോലും ഇട്ടില്ലെന്നുള്ളതാണ് ഇവരുടെ പ്രധാന ആക്ഷേപം.

കോട്ടയം നഗരസഭയിലെ അഴിമതിക്കും വികസന സ്തംഭനത്തിനുമെതിരെ സി.പി.എം. നിയോജക മണ്ഡലം കമ്മറ്റിയുടെ നേതൃത്വത്തിൽ നഗരസഭ ഉപരോധിച്ച് സമരം നടത്തുമ്പോൾ ഓഫീസിൽ കയറാനാകാതെ വെളിയിൽ കാത്ത് നിൽക്കുന്ന ജീവനക്കാർ.

നാഗമ്പടം മഹാദേവർ ക്ഷേത്രത്തിലെ ഉത്സവത്തോടനുബന്ധിച്ച് വടക്കൻ മേഖലയിലെ ശാഖായോഗങ്ങളുടെ നേതൃത്വത്തിൽ പെരുമ്പായിക്കാട് ഗുരുദേവക്ഷേത്രത്തിൽ നിന്നും ആരംഭിച്ച ദേശതാലപ്പൊലി ഘോഷയാത്ര മന്ത്രി വി.എൻ വാസവൻ ഉദ്‌ഘാടനം ചെയ്യുന്നു. എസ്.എൻ ട്രസ്റ്റ് ബോർഡ് മെമ്പർ പ്രീതി നടേശൻ, എസ്.എൻ.ഡി.പി യോഗം കോട്ടയം യൂണിയൻ പ്രസിഡൻറ് ആർ. രാജീവ്, പി.അനിൽകുമാർ, ഇന്ദിര രാജപ്പൻ, ജിജിമോൻ ഇല്ലിച്ചിറ, ജയൻ പള്ളിപ്പുറം, ദിലീപ് കുമാർ കൈപ്പുഴ, ശ്രീദേവ് കെ. ദാസ്‌, തുടങ്ങിയവർ സമീപം.

കോട്ടയം പൊലീസ് പരേഡ് ഗ്രൗണ്ടിൽ നടന്ന ജില്ലാതല റിപ്പബ്ലിക് ദിനാഘോഷ ചടങ്ങിൽ മന്ത്രി ജെ.ചിഞ്ചുറാണി പരേഡ് പരിശോധിക്കുന്നു.

കോട്ടയം പൊലീസ് പരേഡ് ഗ്രൗണ്ടിൽ നടന്ന ജില്ലാതല റിപ്പബ്ലിക് ദിനാഘോഷ ചടങ്ങിൽ മന്ത്രി ജെ.ചിഞ്ചുറാണി പരേഡിന് അഭിവാദ്യം സ്വീകരിക്കുന്നു. ജില്ലാ കളക്ടർ ഡോ. പി.കെ. ജയശ്രീ, ജില്ലാ പൊലീസ് മേധാവി കെ. കാർത്തിക് തുടങ്ങിയവർ സമീപം.