കൊടും വേനലിൽ റോഡിനു സൈഡിൽ കാടുപിടിച്ചു കിടക്കുന്ന പുല്ല് വെട്ടിമാറ്റുന്ന തൊഴിലാളി. കണ്ടയ്നർ റോഡിൽ നിന്നുള്ള കാഴ്ച്ച

പാലക്കാട് പ്രസന്ന ലക്ഷ്മി ഓഡിറ്റോറിയത്തിൽ നടക്കുന്ന 56-ാം ജോയിന്റ് കൗൺസിൽ സംസ്ഥാന സമ്മേളനത്തോടനുബന്ധിച്ച് നടന്ന ഭരണഘടന ജനാധിപത്യത്തിന്റെ ഹൃദയ സ്പന്ദനം എന്ന പ്രഭാഷണം മന്ത്രി പി. പ്രസാദ് സംസാരിക്കുന്നു .

സെന്റർ ഫോർ എംപവർമെന്റ് ആൻഡ് എൻറീച്ച്മെന്റിന്റെ നേതൃത്വത്തിൽ കച്ചേരിപ്പടി മേഴ്‌സി ഹോമിൽ നടത്തിയ അമ്മമാരുടെ ദിനാഘോഷത്തിൽ ആഗ്‌നസ് അമ്മയെ ആദരിക്കുന്ന ജില്ലാ പൊലീസ് മേധാവി പുട്ട വിമലാദിത്യ. സിഫി ചെയർമാൻ ഡോ. പി.എ. മേരി അനിത, സിസ്റ്റർ ലേഖ, ഷിജി ശിവജി തുടങ്ങിയവർ സമീപം

കർഷക കോൺഗ്രസ്... നെല്ലിന്റെ വില ലഭിക്കാത്തതിൽ പ്രതിഷേധിച്ച് കർഷക കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ കോട്ടയം സപ്ലൈകോ ഓഫീസിന് മുൻപിൽ പി.ആർ.എസ് ഷീറ്റുകൾ കത്തിക്കുന്നു.

കനത്ത ചൂടിനെ തുടർന്ന് കോട്ടയം ടിബിറോഡരികിൽ കെട്ടി കിടക്കുന്ന വെള്ളത്തിൽ കിടക്കുന്ന തെരുവ് നായ

സീനിയർ അഭിഭാഷകന്റെ മർദ്ദനമേറ്റ യുവ അഭിഭാഷക ശ്യാമിലി ജസ്റ്റിനെ ചികിത്സക്കായി തിരുവനന്തപുരം ജനറൽ ആശുപത്രിയിൽ എത്തിച്ചപ്പോൾ.

നന്തൻകോട് കൂട്ടക്കൊലക്കേസിൽ ജീവപര്യന്തം തടവിന് ശിക്ഷാവിധി കേട്ട ശേഷം പ്രതി കേഡൽ ജീൻസൺ രാജയെ ജയിലിലേക്ക് കൊണ്ടുപോകുന്നു.

ഇന്ദിരാ ഭവനിൽ കെ.പി.സി.സി പ്രസിഡന്റ് സ്ഥാനമൊഴിഞ്ഞ കെ. സുധാകരൻ വേദിയിൽ നേതാക്കൾ ആദരിച്ച ഷാൾ മടക്കി വെക്കുന്നു. എ.ഐ.സി.സി ജനറൽ സെക്രട്ടറി കെ.സി വേണുഗോപാൽ, കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ, പ്രതിപക്ഷ നേതാവ് വി.ഡി സതീശൻ, കോൺഗ്രസ് പ്രവർത്തക സമിതി അംഗം രമേശ് ചെന്നിത്തല എന്നിവർ സമീപം

ഇന്ദിരാ ഭവനിൽ കെ.പി.സി.സി പ്രസിഡന്റായി ചുമതലയേറ്റ സണ്ണി ജോസഫ് എം.എൽ.എ പ്രവർത്തകരെ അഭിവാദ്യം ചെയ്തു സംസാരിക്കും മുൻപ് എ.ഐ.സി.സി ജനറൽ സെക്രട്ടറി കെ.സി വേണുഗോപാലുമായി സംഭാഷണത്തിൽ. സ്ഥാനമൊഴിഞ്ഞ പ്രസിഡന്റ് കെ. സുധാകരൻ എം.പി സമീപം

കെ.പി.സി.സി പ്രസിഡന്റായി ഇന്ദിരാഭവനിൽ ചുമതലയേറ്റ സണ്ണി ജോസഫിനൊപ്പം എം.ലിജു, വർക്കിംഗ് പ്രസിഡന്റുമാരായ ഷാഫി പറമ്പിൽ എം.എൽ.എ , എ.പി.അനിൽകുമാർ എം.എൽ.എ , പി.സി വിഷ്ണുനാഥ് എം.എൽ.എ, എ.ഐ.സി.സി ജനറൽ സെക്രട്ടറിമാരായ ദീപാദാസ് മുൻഷി, കെ.സി.വേണുഗോപാൽ എം.പി,സ്ഥാനമൊഴിഞ്ഞ കെ.സുധാകരൻ എം.പി,പ്രതിപക്ഷ നേതാവ് വി.ഡി.സതീശൻ, യു.ഡി.എഫ് കൺവീനർ അടൂർ പ്രകാശ് എം.പി, പ്രവർത്തക സമിതി അംഗം രമേശ് ചെന്നിത്തല എന്നിവർ പ്രവർത്തകരെ അഭിവാദ്യം ചെയ്യുന്നു

കെ.പി.സി.സി പ്രസിഡന്റായി ചുമതലയേറ്റ സണ്ണി ജോസഫ് എം.എൽ.എയെ സ്ഥാനമൊഴിഞ്ഞ കെ.സുധാകരൻ എം.പി ഇന്ദിരാഭവനിലെ പ്രസിഡന്റിന്റെ കസേരയിലേക്ക് ആനയിച്ചിരുത്തിയ ശേഷം തലയിൽ കൈ വെച്ച് ആശിർവദിക്കുന്നു. യു.ഡി.എഫ് കൺവീനർ അടൂർ പ്രകാശ്, വർക്കിംഗ് പ്രസിഡന്റ് എ.പി. അനിൽകുമാർ എന്നിവർ സമീപം

തിരക്കേറിയ വൈറ്റില ജംഗ്ഷനിൽ വാഹനങ്ങൾക്കുള്ള സിഗ്നൽ ഓണായതിനെത്തുടർന്ന് കടന്ന് പോകുന്ന വാഹനങ്ങൾക്കിടയിലൂടെ അശ്രദ്ധമായി റോഡ് മുറിച്ച് കടക്കുന്ന കാൽനടയാത്രിക‌ർ

എറണാകുളം ബി.ഒ.ടി പാലത്തിന് മുകളിൽക്കൂടി കടന്ന് പോകുന്ന നേവിയുടെ വിമാനം

സ്ഥലത്തിന്റെ പേര് പോലെ തന്നെ കാടുപിടിച്ചു കിടക്കുന്ന സ്ഥലമാണ് മുളവുക്കാട് പൊലീസ് സ്റ്റേഷൻ പരിസരം. പൊലീസ് പിടിച്ചെടുത്ത വാഹനങ്ങൾക്ക് മുകളിലെക്ക് കടുവളർന്നപ്പോഴുള്ള കഴ്ച

പാലക്കാട് പ്രസന്നലക്ഷ്മി ഓഡിറ്റോറിയത്തിൽ നടക്കുന്ന ജോയിന്റ് കൗൺസിൽ 56-ാം സംസ്ഥാന സമ്മേളനം സി.പി.ഐ സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യുന്നു.

ഭാരതീയ ദളിത് കോൺഗ്രസ് പാലക്കാട് കളക്ട്രേറ്റിനുമുന്നിൽ ആരംഭിച്ച രാപ്പകൽ സമരം വി.കെ ശ്രീകണ്ഠൻ എം.പി. ഉദ്ഘാടനം ചെയ്യുന്നു.

ആലപ്പുഴ ലിയോതേർട്ടീന്ത് ഹയർ സെക്കൻഡറി സ്‌കൂളിലെ നീറ്റ് പരീക്ഷാ കേന്ദ്രത്തിലേക്ക് കുട്ടികളെ കയറ്റി വിട്ട ശേഷം പുറത്ത് കാത്തുനിൽക്കുന്ന രക്ഷിതാക്കൾ

ആലപ്പുഴ എസ്.ഡി.വി ഗേൾസ് ഹൈസ്കൂളിൽ എസ്‌.എസ്‌.എൽ.സി പരീക്ഷയിൽ എല്ലാ വിഷയത്തിനും എ പ്ലസ് നേടിയ വിദ്യാർത്ഥികൾ അദ്ധ്യാപകരോടൊപ്പം സന്തോഷം പങ്കിടാനെത്തിയപ്പോൾ പ്രധാനാദ്ധ്യാപികയായ ആർ. ജയശ്രീ വിതുമ്പുന്നു. കഴിഞ്ഞ എട്ടുവർഷമായി സ്കൂളിന് നൂറുശതമാനം വിജയം നേടിക്കൊടുത്ത ജയശ്രീ ഈ മാസം വിരമിക്കുകയാണ്

ആലപ്പുഴ ബീച്ചിൽ നടക്കുന്ന എന്റെ കേരളം പ്രദർശന വിപണന മേളയിൽ ജില്ലാപൊലീസിന്റെ സ്റ്റാളിലെ ഫോറൻസിക് വിഭാഗം ഉദ്യോഗസ്ഥ,​ കുട്ടിയുടെ തന്നെ വിരലടയാളം ശേഖരിച്ച് കാണിച്ചപ്പോൾ

ആലപ്പുഴ കളർകോട് വാഹനാപകടത്തിൽ മരിച്ച എം.ബി.ബി.എസ് വിദ്യാർത്ഥികൾക്കുള്ള ആരോഗ്യ സർവ്വകലാശാലയുടെ ധനസഹായം സർവകലാശാല വൈസ് ചാൻസലർ ഡോ.മോഹനൻ കുന്നുമ്മലിൽ നിന്ന് ഏറ്റു വാങ്ങിയ ശേഷം വിതുമ്പുന്ന മരണപ്പെട്ട ആയുഷിന്റെ 'അമ്മ ഉഷയും ആൽവിന്റെ അമ്മ മീനയും