ഇന്ത്യയിൽ അപൂർവ്വമായി കാണപ്പെടുന്ന റ്റെലമോണിയ ഡിമിടിയേറ്റ എന്ന ശാസ്ത്ര നാമത്തിലറിയപ്പെടുന്ന സ്ട്രിപ്പ്ഡ് ജംമ്പിങ് സ്പൈഡർ ഇര പിടിക്കുന്നു. പ്രത്യേക തരം സ്രവം പുറപ്പെടുവിക്കുന്നതുമൂലം ഇരകളായ പ്രാണികളും ഷഡ്‌പദങ്ങളും പറക്കുവാൻ സാധിക്കാതെ വരികയും തുടർന്ന് സ്രവം ഭക്ഷിക്കുന്ന ഈ വിഭാഗം ഏഷ്യയിലെ വിവിധ ഉഷ്ണമേഖലാ മഴക്കാടുകളിലെ മരത്തിന്റെ തടികളിലാണ് സാധാരണയായി കാണപ്പെടുക. ആലപ്പുഴ ജനറൽ ആശുപത്രിക്ക് സമീപത്തെ മരത്തിൽ നിന്ന് പകർത്തിയ ചിത്രം.
കൂട്തേടി... തലപോയ തെങ്ങിൽ വിശ്രമിച്ചശേഷം പറക്കുന്ന പക്ഷി. ചേർത്തല പാണാവള്ളിയിൽ നിന്നുള്ള കാഴ്ച.
പച്ച പുതച്ച് നിൽക്കുന്ന മൂന്നാർ റൂട്ടിലൂടെ സർവീസ് നടത്തുന്ന കെ.എസ്.ആർ.ടി.സി.
അന്യസംസ്ഥാനത്ത് നിന്നെത്തി കുട്ടവഞ്ചിയിൽ കൂട്ടമായി മത്സ്യ ബന്ധം നടത്തുന്ന തൊഴിലാളികൾ. എറണാകും നെട്ടൂരിൽ നിന്നുള്ള കാഴ്ച.
കൂട്ട് വിട്ട് തണൽതേടി ... വേനൽ ചൂട് കനത്തതോടെ മനുഷ്യർക്ക് മാത്രമല്ല പക്ഷി മൃഗാദികൾക്കും ചൂട് താങ്ങാനവാത സാഹചര്യമാണ് ദിനം പ്രതി കൂടിവരുന്നത് മരത്തിന്റെ ചില്ലയിൽ പക്ഷി ഉപേക്ഷിക്കെപ്പെട്ട കൂടും കാണാം പൂർണ്ണമായും പൊഴിഞ്ഞ് ചില്ലകൾമാത്രം അവശേഷിച്ച ഒര് വേനൽ കാഴ്ച്ച പാലക്കാട് നഗരത്തിൽ നിന്ന്.
മുറിച്ച മരം കയറ്റി പോകുന്ന വാഹനം. കാന്തല്ലൂരിൽ നിന്നുള്ള കാഴ്ച.
മറയൂർ ശർക്കര ഉണ്ടാക്കുന്ന കാഴ്ച. കാന്തല്ലൂർ മറയൂർ റോഡിന് സമീപത്ത് നിന്നുള്ള കാഴ്ച.
പതിവിലും നേരത്തെയെത്തിയ വേനലിൽ നീരൊഴുക്കു നിലച്ച മീനച്ചിലാർ. അടിത്തട്ടിൽ ശേഷിക്കുന്ന അല്പം വെള്ളത്തിന് പുറമെ വലിച്ചെറിയുന്ന പ്ലാസ്റ്റിക് മാലിന്യങ്ങളും. ഭരണങ്ങാനത്തിന് സമീപം കീഴമ്പാറയിൽ നിന്നുള്ള കാഴ്ച.
കോഴിക്കോട് സൗത്ത് ബീച്ചിൽ നിർമിച്ച സൈക്കിൾ ട്രാക്കിലൂടെ സന്ധ്യാസമയം ചിലവഴിക്കുന്ന കുട്ടികൾ.
ഈ വേനലിൽ കിളികൾക്കായി കരുതിവെക്കാം നമുക്കൽപ്പം തെളിനീർ.
എനിക്കുംടോൾ വേണോ... തൃശൂർ പാലിയേക്കര ടോൾ പ്ലാസയിലൂടെ ലോറിയിൽ പോകുന്ന ആന
വെയിലിൻ്റെ കാഠിന്യം ചെറുക്കാൻ തലയിൽ കുടയും അതിന് മുകളിൽ ചണചാക്കും വെച്ച് തേയില നുള്ളുന്ന സ്ത്രീ, രാത്രിയിൽ തണുപ്പാണെങ്കിലും പകൽ വയനാട്ടിൽ കത്തുന്ന വെയിലാണ്.
വയനാട് ചുരത്തിൽ വാഹനങ്ങൾ നിർത്തി കുരങ്ങന്മാർക്ക് പ്ലാസ്റ്റിക്ക് കവറിലുള്ള ആഹാരം നൽകുന്നു.
നീർകാക്കകൾ മീൻ പിടിക്കുന്ന കാഴ്ച. എറണാകുളം ചിലവന്നൂരിൽ നിന്ന്.
നെൽപ്പാടത്തിനരികിലെ തോട്ടിലൂടെ താറാവുമായി പോകുന്ന കർഷകർ. പനച്ചിക്കാട് പടിയറക്കടവിൽ നിന്നുള്ള കാഴ്ച.
വാലന്റയിൻ ദിനത്തിന് മുന്നോടിയായ് തൃശൂർ എരിഞ്ഞേരി അങ്ങാടിയിലെ ഒരു കടയിൽ വാലന്റയിൻ പ്രതീകങ്ങൾ കൊണ്ട് നിറഞ്ഞപ്പോൾ.
വേമ്പനാട്ട് കായലിലൂടെ സ്പീട് ബോട്ടിൽ വിനോദ സഞ്ചാരികളുമായുള്ള യാത്ര. എറണാകുളം മരടിൽ നിന്നുള്ള കാഴ്ച.
പഠിച്ചിട്ടും പഠിച്ചിട്ടും തീരുന്നില്ല... പരീക്ഷ ചൂടിലേക്കാണ് ഇനിയുള്ള ദിവസങ്ങൾ. സ്കൂളിലേക്കുള്ള യാത്രായ്ക്കിടെ കെ.എസ്.ആർ.ടി.സി. ബസിൽ ഇരുന്ന് പഠിക്കുന്ന വിദ്യാർത്ഥി. പാളയത്ത് നിന്നൊരു കാഴ്‌ച.
പകൽ വെളിച്ചം... കോട്ടയം ചന്തക്കടവിൽ വൈദ്യുതി പോസ്റ്റിൽ പകലും കത്തിക്കിടക്കുന്ന വഴിവിളക്ക്.
വേൾഡ് ഓൺ വീൽസ്... ഫ്രഞ്ച് സഹോദരന്മാരായ മാക്സിമിലിൻ ഹോഹ്ലറും ക്ലമന്റ് ഹോഹ്ലറും തങ്ങളുടെ വിന്റേജ് കാറിലെ ലോക ടൂറിന്റെ ഭാഗമായി പയ്യാമ്പലം ബീച്ചിൽ എത്തിയപ്പോൾ.
  TRENDING THIS WEEK
കോട്ടയത്ത് എൽ.ഡി.എഫ് നടത്തിയ മാർച്ചിന് സുരക്ഷക്കായെത്തിയ വെസ്റ്റ് പൊലീസ് സ്റ്റേഷൻ എസ്.ഐ ശ്രീജിത്ത് റ്റി. ചൂടിൻറെ അഖാത്തിൽ തൊപ്പിയൂരി വീശുന്നു. സംസ്ഥാനത്ത് അടുത്തദിവസങ്ങളായി ചൂടിന്റെ കാഠിന്യം കൂടിവരികയാണ്.
നെടുങ്കണ്ടം കസ്റ്റഡി കൊലപാതക കേസിൽ ഇന്നലെ കൊച്ചിയിൽ സി.ബി.ഐ അറസ്റ്റു ചെയ്ത പ്രധാന പ്രതി നെടുങ്കണ്ടം സ്റ്റേഷനിലെ മുൻ എസ്.ഐ കെ.എ. സാബുവിനെ എറണാകുളം സി.ജെ.എം കോടതിയിൽ ഹാജരാക്കാൻ എത്തിച്ചപ്പോൾ.
മുറിച്ച മരം കയറ്റി പോകുന്ന വാഹനം. കാന്തല്ലൂരിൽ നിന്നുള്ള കാഴ്ച.
ധാരുമയുടെ പെരുമയിൽ ...അലുമ്‌നി സൊസൈറ്റി ഓഫ് എ.ഒ.ടി.എസിന്റെ തിരുവനന്തപുരം സെന്റർ ജപ്പാൻ വിദേശ മന്ത്രാലയത്തിൻെറ സഹായത്തോടെ അയ്യൻ‌കാളി
വിരുന്നെത്തിയ വിനോദം..., കഴിഞ്ഞ പ്രളയത്തിൽ കണ്ണൂർ അഴീക്കൽ ബീച്ചിൽ ക്ഷണിക്കപ്പെടാത്ത എത്തിയതാണി കപ്പൽ. ഇന്നിവൻ കണ്ണൂരിലെ ഒരു പ്രദ്ധാന ആകർഷണമായി മാറിയിരിക്കുന്നു.
പച്ച പുതച്ച് നിൽക്കുന്ന മൂന്നാർ റൂട്ടിലൂടെ സർവീസ് നടത്തുന്ന കെ.എസ്.ആർ.ടി.സി.
ഈരയിൽക്കടവ് തരിശുപാടത്തുണ്ടായ തീപിടുത്തം അണച്ചതിന്ശേഷം മടങ്ങുന്ന അഗ്നിശമന സേന ഉദ്യോഗസ്ഥൻ കത്തിനശിച്ച പാടത്തിന്റെ പശ്ചാത്തലത്തിൽ. വേനൽത്തീ വ്യാപകമായതോടെ വിശ്രമമില്ലാതെ രാപകൽ ഓട്ടമാണ് അഗ്നിശമന സേനാഗംങ്ങൾ.
പൗരത്വ നിയമ ഭേദഗതി ബില്ലിനെതിരെ കേരള സാംസ്കാരിക പരിഷത്ത് കലക്‌ടറേറ്റിനു മുൻപിൽ സംഘടിപ്പിച്ച പ്രതിഷേധ തമ്പിൽ സമരക്കാർക്കൊപ്പം ഉദ്ഘാടകൻ പി.ഉബൈദുള്ള എം.എൽ. എ ഉപവാസമിരുന്നപ്പോൾ
പാചക വാതക വിലവർദ്ധനവിൽ പ്രതിഷേധിച്ച് കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ വനിതാ വേദി മലപ്പുറത്ത് നടത്തിയ വനിതാ ധർണ്ണയിൽ സമരക്കാർ അടുപ്പ് കൂട്ടിയപ്പോൾ
എം.എസ്. മണിയുടെ ഭൗതിക ശരീരത്തിൽ പ്രമുഖർ അന്ത്യോപചാരമർപ്പിക്കുന്നു.
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com