പകർന്നാട്ടം... കലാപ്രകടനത്തിന് ശേഷം കോലമഴിക്കുന്ന കലാകാരി. ആലപ്പുഴ നഗരത്തിൽ നിന്നുള്ള കാഴ്ച.

ഒരു കുട്ടനാടൻ ദേശാടനം... കുട്ടനാട്ടിലെ പാടശേഖരങ്ങളിൽ ഇരതേടിയെത്തിയ ഏഷ്യൻ ഓപ്പൺബിൽ ഇനത്തിൽപ്പെട്ട ദേശാടനപ്പക്ഷി. വെളുപ്പ് കലർന്ന ചാരനിറവും കറുപ്പും ചേരുന്ന പക്ഷികൾ ഒറ്റക്കോ രണ്ടോ മൂന്നെണ്ണമുള്ള കൂട്ടമായയോ ആണ് ഇരതേടുന്നത്, ഒച്ച്, കക്ക, ഞണ്ട്, മീൻ എന്നിവയാണ് ഭക്ഷണം.കൊടിൽപോലെ ബലമേറിയ നീണ്ടകൊക്കുകൾ ഉള്ള ഇത്തരം പക്ഷികൾ ഒച്ചുകളുടെയും, കക്കകളുടെയും കടുപ്പമുള്ള തോട് നിഷ്പ്രയാസം പൊളിച്ച് മാംസം ഭക്ഷിക്കുന്നു.

വെള്ളം സ്റ്റോക്കാട്ടാ ...ആനപ്പുറത്തിരിക്കുന്ന ആളുകൾക്ക് കുടിക്കാനായി മിനറൽ വാട്ടർ കുപ്പികൾ ആനയുടെ ചങ്ങലയിൽ കെട്ടിത്തൂക്കി ഇട്ടിരിക്കുന്ന കാഴ്ച. പടിഞ്ഞാറെ ഗോപുര നടയിൽ നിന്നുമുള്ള ചിത്രം .

ഇലക്ഷനും കട്ടനും സ്ട്രോങ്ങാ...ആലപ്പുഴ ലോക്സഭാ മണ്ഡലം എൽ.ഡി.എഫ് സ്ഥാനാർത്ഥി എ.എം. ആരിഫിന്റെ തെരഞ്ഞെടുപ്പ് പ്രചരണാർത്ഥം അമ്പലപ്പുഴ നിയമസഭാ മണ്ഡലത്തിലെ പൊതുയോഗം ഉദ്‌ഘാടനം ചെയ്യാനെത്തിയ സി.പി.ഐ ജനറൽ സെക്രട്ടറി ഡി. രാജയ്ക്ക് കുടിക്കാൻ കട്ടൻ ചായ നൽകിയപ്പോൾ. എച്ച്. സലാം എം. എൽ. എ സമീപം

കത്തിപ്പോകുമോ...കനത്ത ചൂട് വകവയ്ക്കാതെ ആലപ്പുഴ ബീച്ചിന് സമീപത്തെ ഹോഡിംഗ് തൂണുകളിൽ പെയിന്റിംഗ് ജോലിയിലേർപ്പെട്ടിരിക്കുന്ന തൊഴിലാളികൾ

ആവേശം ആകാശത്ത്...തിരുവനന്തപുരം ശംഖുമുഖം ബീച്ചിൽ ഫുട്ബാൾ കളിക്കുന്ന കുട്ടികൾ

അത്രമേൽ പ്രിയപ്പെട്ടവൻ... കോട്ടയം ലോക്സഭാ മണ്ഡലത്തിലെ യു.ഡി.എഫ് സ്ഥാനാർത്ഥിയുടെ തിരഞ്ഞെടുപ്പ് പ്രചരണാർത്ഥം തിരുനക്കരയിൽ നടന്ന പൊതുസമ്മേളനത്തിനെത്തിയ രാഹുൽ ഗാന്ധിയെ കാണാൻ കാത്തുനിന്ന കൂടല്ലൂർ വിസിറ്റേഷൻ കോൺവെന്റിലെ സിസ്റ്റർ മേരി സാബ തിരക്കിനിടയിൽ രാഹുൽ ഗാന്ധിയെ തൊട്ടപ്പോൾ. ഡൽഹി ഹോളി ഫാമിലി ഹോസ്പിറ്റലിൽ ജോലി ചെയ്തിരുന്ന കാലത്ത് സോണിയഗാന്ധിക്ക് പ്രിയങ്ക ഗാന്ധി ജനിച്ചപ്പോൾ ഇരുവരെയും പരിചയിച്ച സിസ്റ്റർ മേരി സാബ കുട്ടിയായിരുന്ന രാഹുൽ ഗാന്ധിയെ പിന്നീട് ഇപ്പോഴാണ് അടുത്ത് കാണുന്നത്.

കണ്ണൂർ മാവിലാക്കാവ് വിഷു ഉത്സവത്തിൻ്റെ ഭാഗമായി മാവിലായി മൂന്നാം പാലം നാലാഞ്ചിറ വയലിൽ നടന്ന അടിയുത്സവത്തിൽ നിന്ന്.

കണ്ണൂർ മാവിലാക്കാവ് വിഷു ഉത്സവത്തിൻ്റെ ഭാഗമായി മാവിലായി മൂന്നാം പാലം നാലാഞ്ചിറ വയലിൽ നടന്ന അടിയുത്സവത്തിൽ നിന്ന്.

കണ്ണൂർ ലോകസഭാ മണ്ഡലം എൻ.ഡി.എ സ്ഥാനാർത്ഥി സി. രഘുനാഥന്റെ പ്രചരണാർത്ഥം കണ്ണൂർ മട്ടന്നൂരിൽ നടന്ന എൻ.ഡി.എ പൊതുസമ്മേളനം ഉദ്ഘാടനം ചെയ്യാനെത്തിയ കേന്ദ്ര പ്രതിരോധ മന്ത്രി രാജ്നാഥ് സിംഗിനെ പുഷ്പഹാരം അണിയിക്കുന്നു.

യു.ഡി.എഫ് സ്ഥാനാർത്ഥി കെ.സുധാകരൻ്റെ തിരഞ്ഞെടുപ്പ് പ്രചരണത്തിൻ്റെ ഭാഗായി മട്ടന്നൂരിൽ നിന്നും ഇരിട്ടിയില്ക്കുള്ള റോഡ് ഷോ യിൽ കർണ്ണാടക ഉപമുഖ്യമന്ത്രി ടി.കെ ശിവകുമാർ പ്രവർത്തകരെ അഭിവാദ്യം ചെയ്യുന്നു

യു.ഡി.എഫ് സ്ഥാനാർത്ഥി കെ.സുധാകരൻ്റെ തിരഞ്ഞെടുപ്പ് പ്രചരണത്തിൻ്റെ ഭാഗായി മട്ടന്നൂരിൽ നിന്നും ഇരിട്ടിയില്ക്കുള്ള റോഡ് ഷോ യിൽ കർണ്ണാടക ഉപമുഖ്യമന്ത്രി ടി.കെ ശിവകുമാർ പ്രവർത്തകരെ അഭിവാദ്യം ചെയ്യുന്നു

പഴയങ്ങാടിയിൽ നടന്ന എൽ.ഡി.എഫ് കല്യാശ്ശേരി മണ്ഡലം റാലി ഉദ്ഘാടനം ചെയ്യാനെത്തിയ സി.പി.എം ജനറൽ സെക്രട്ടറി സിതാറാം യെച്ചൂരിയെ പ്രവർത്തകർ സ്വീകരിക്കുന്നു.

പഴയങ്ങാടിയിൽ നടന്ന എൽ.ഡി.എഫ് കല്യാശ്ശേരി മണ്ഡലം റാലി ഉദ്ഘാടനം ചെയ്യാനെത്തിയ സി.പി.എം ജനറൽ സെക്രട്ടറി സിതാറാം യെച്ചൂരി കാസറഗോഡ് മണ്ഡലം സ്ഥാനാർഥി എം.വി ബാലകൃഷ്ണന് ഹസ്തദാനം ചെയ്യുന്നു.

പ്രായമേറെയുള്ളവർക്കു വീടുകളിൽ വോട്ടു രേഖപെടുത്താനുള്ള സൗകര്യവുമായി എത്തിയ ഉദ്യാഗസ്ഥരുടെ സാനിധ്യത്തിൽ വോട്ടു ചെയ്യാനുള്ള ഒരുക്കത്തിൽ കണ്ണൂർ പയ്യാമ്പലത്തെ കുഞ്ഞി തയ്യിൽ ഹരിദാസ്.

എൽ.ഡി.എഫ് തിരഞ്ഞെടുപ്പ് റാലിയിൽ പങ്കെടുക്കുവാനായി സി.പി.എം പി.ബി അംഗം ബൃന്ദാ കാരാട്ട്

അമൃത് ഭാരത്‌ പദ്ധതിയുടെ ഭാഗമായി നവീകരിക്കുന്ന കാസർകോട് റെയിൽവേ സ്റ്റേഷന്റെ മുൻവശം പൊളിച്ചു നീക്കുന്നു

വോട്ടിന് അമ്മക്കൊപ്പം.... വീടുകളിൽ എത്തി വോട്ട് ചെയ്യിക്കുന്ന സംഘത്തിൽ പെട്ട ഉദ്യോഗസ്ഥയുടെ കുട്ടി അമ്മയെ സഹായിക്കുന്ന ദൃശ്യം

ഒരുമയോടെ ഒരു മതിലിൽ... തിരഞ്ഞെടുപ്പ് പ്രഖ്യാപിച്ചതോടെ മതിലുകളിൽ സ്ഥാനാർത്ഥികളുടെ ചുമരെഴുത്തുകൾ നിറഞ്ഞിരിക്കുകയാണ്. കോഴിക്കോട് കക്കോടിക്ക് സമീപം ഒരേ മതിലിൽ വിത്യസ്ത പാർട്ടികളുടെ ചുമരെഴുത്തുകൾ തെളിഞ്ഞപ്പോൾ.

കാട്ടാനയുടെ ആക്രമണത്തിൽ പരുക്കേറ്റ നിലയിൽ കാഞ്ഞിരക്കൊല്ലി ചിറ്റാരിയിൽ ഉപേക്ഷിക്കപ്പെട്ട മാവേയിസ്റ്റ് നേതാവ് ചിക്കമംഗളൂരു അങ്ങാടി സ്വദേശി സുരേഷിനെ കീഴടങ്ങൽ നടപടികളുടെ ഭാഗമായി കണ്ണൂർ സെൻട്രൽ ജയിലിൽ മാധ്യമങ്ങൾക്കു മുൻപിൽ കൊണ്ടുവന്നപ്പോൾ.