നാവിക സേന വിമാനങ്ങളുടെ പരിശീലന പറക്കൽ എറണാകുളം മറൈൻ ഡ്രൈവിൽ നിന്നുള്ള കാഴ്ച.
കല്ലായി റോഡിൽ 37 വർഷമായി രാത്രികളിൽ കച്ചവടം നടത്തുന്ന ഇരുകണ്ണുകൾക്കും കാഴ്ച്ചയില്ലാത്ത ദാസേട്ടൻ.
ശത്രുവിൻെ വലിപ്പവും ശേഷിയുമെല്ലാം ചിലപ്പോൾ ഒന്നുമല്ലാതാകും; ഇരയുടെ ആത്മധൈര്യത്തിന് മുൻപിൽ. തന്നെ ആക്രമിക്കാൻ ശ്രമിച്ച നായയെ നെഞ്ച് വിരിച്ച് നേരിടുന്ന പൂച്ചക്കുഞ്ഞ്, സംഗതി അത്ര പന്തിയല്ല എന്ന് മനസ്സിലാക്കിയ നായ തിടുക്കത്തിൽ സ്ഥലം കാലിയാക്കുന്നതും കാണാം. വയനാട്ടിലെ ഇരുളത്ത് നിന്നുള്ള കാഴ്ച.
കൊച്ചിയിൽ നിന്നുള്ള അസ്തമയ കാഴ്ച.
വായനാടിൽ നിന്നൊരു അസ്തമന കാഴ്ച്ച.
കൊച്ചി കായലിലൂടെ നീങ്ങുന്ന നാവികസേനയുടെ സ്പീഡ് ബോട്ട്.
നാവികസേന ദിനാചരണത്തിന്റെ ഭാഗമായി ദക്ഷിണ നാവികസേന കൊച്ചി ഉൾക്കടലിൽ നടത്തിയ അഭ്യാസ പ്രകടനത്തിൽ നിന്ന്.
മായില്ലീ മുറിപ്പാട്... ഇടഞ്ഞോടുന്നതിനിടെ പാപ്പാൻ വിക്രമൻ മരിക്കാനിടയായ തിരുനക്കര ശിവനെ തളച്ചിരിക്കുന്ന ചെങ്കളത്ത്കാവ് ക്ഷേത്രമൈതാനത്ത് ശിവന്റെ ശരീരത്തുണ്ടായ മുറിപ്പാടിൽ മരുന്ന് വെക്കുന്ന മുൻ പാപ്പാൻ മനോജ്.
വനത്താൽ ചുറ്റപ്പെട്ട ചില വയനാടൻ ഗ്രാമങ്ങളിലെ മനുഷ്യരെ പുറം ലോകവുമായി ബന്ധിപ്പിക്കുന്നത് പലപ്പോഴും സർക്കാർ ബസ്സുകളാണ്. തിരുനെല്ലിയിൽ നിന്നുള്ള കാഴ്ച.
കോഴിക്കോട് മലാപ്പറമ്പ് പ്രദീപ് കുമാറിന്റെ വീട്ടിൽ പക്ഷികൾക്കൊരുക്കിയ ആഹാരം കഴിക്കാനെത്തിയ തത്തകൾ.
തിരുനെല്ലി ക്ഷേത്രത്തിൽ ഇന്ന് നടക്കുന്ന പുത്തരി ഉത്സവത്തിനായുള്ള നെൽക്കതിർ കറ്റകൾ അപ്പപ്പാറയിൽ നിന്ന് വാദ്യഘോഷത്തോടെ ക്ഷേത്രത്തിലേക്ക് കൊണ്ട് പോകുന്നു. തിരുനെല്ലി ദേശത്ത് ആദ്യമായി വിളഞ്ഞ നെൽക്കതിർ ഭഗവാന്‌ സമർപ്പിക്കുന്നതാണ് പുത്തരി ഉത്സവം.
സംസ്ഥാന സ്കൂൾ ശാസ്‌ത്രോത്സവത്തിൽ മുളയുല്പന്നങ്ങളുമായെത്തിയ പാലക്കാട് വടക്കഞ്ചേരി ചെറുപുഷ്പം സ്കൂളിലെ ജെ.ശ്രീലക്ഷ്മി, പി.എസ്. സുനീറ എന്നിവർ.
പ്രകാശ പാലം... നാഗമ്പടം റെയിൽവേ മേൽപ്പാലത്തിൽ സ്ഥാപിച്ച സോളാർ ലൈറ്റ് പ്രവർത്തിപ്പിച്ചു തുടങ്ങിയപ്പോൾ. ക്യാമറ ലോ ഷട്ടർ ഉപയോഗിച്ചെടുത്ത ചിത്രം.
ട്യൂഷനും മൊബൈൽ ഫോണുമൊന്നുമില്ലാത്ത ചില കുട്ടികളുടെ അവധി ദിനങ്ങൾ ഇങ്ങനെയൊക്കെയാണ്. പാടവും തോടും മീനും കൊക്കുമെല്ലാം ചേർന്ന് അവർക്ക് ജീവിതമെന്ന ട്യൂഷൻ സൗജന്യമായി എടുത്തു നൽകും. വയനാട്ടിലെ പുറക്കാടിയിൽ നിന്നുള്ള കാഴ്ച.
പെരുമഴക്കാർ... മഴക്കുമുന്നേ ഉരുണ്ടുകൂടിയ കാർമേഘം. കോട്ടയം ഈരയിൽകടവിൽ നിന്നുള്ള കാഴ്ച.
രക്ത നെല്ലിയിൽ ഉറുമ്പരിച്ചാൽ... കുരുമുളക് പോലെ ചെറിയ ചുവന്ന പഴങ്ങളുമായി വളർന്ന് നിൽക്കുന്ന രക്തനെല്ലിയെന്ന കുറ്റിച്ചെടി നാട്ടിൻ പുറങ്ങളിലും പൂന്തോട്ടങ്ങളിലും ഇപ്പോൾ സുലഭമായി കാണാൻ പറ്റും. മദ്ധ്യ അമേരിക്കയിൽ നിന്നും യാത്ര തുടങ്ങി ലോകത്ത മിക്ക രാജ്യങ്ങളിലും കാഴ്ചയുടെ വസന്തം ഒരുക്കിയ രക്ത നെല്ലി റിവിന ഹുമിലിസ് (Rivina humilis) എന്ന ശാസ്ത്രീയ നാമത്തിൽ അറിയപ്പെടുന്നു. രക്ത നെല്ലി ഒരു വിഷ ചെടിയുമാണ്. ഇലയും പഴവും ഒക്കെ വിഷമുള്ളതാണെങ്കിലും പല രോഗങ്ങള്ക്കും ഔഷധമായും ഉപയോഗിക്കാറുണ്ട്. ചുവപ്പൻ പഴം വസ്ത്രങ്ങൾക്ക് നിറം കൊടുക്കാനുമുപയോഗിക്കാറുണ്ട്. മണി തക്കാളിയുമായി രക്തനെല്ലിക്ക് സാമ്യമുണ്ട്. ചുവന്ന് തുടുത്ത് പഴുത്തു നിൽക്കുന്ന പഴങ്ങൾ ഉറുമ്പുകളും, കിളികളും, പുഴുക്കളും തിന്നാറുണ്ട്.
വരുമോ ഇനിയൊരുവസന്തം... മലരിക്കലിലെ ആമ്പൽ പൂക്കൾ ഇല്ലാതായതോടെ പാടശേഖരത്തിലേക്ക് നിരാശയോടെ നോക്കി നിൽക്കുന്ന കുട്ടി.
ഹിമാചൽ പ്രദേശിലെ റോതങ് പാസിൽ വിനോദ സഞ്ചാരത്തിനെത്തിയ സഞ്ചാരികൾ കുതിര സവാരിയിൽ ഏർപെട്ടപ്പോൾ.
സിഗ്നൽ തകരാറിലാണ്... കോട്ടയം കോടിമത മണിപ്പുഴ ജംഗ്ഷൻനിൽ എം.സി റോഡിൽ സ്ഥാപിച്ചിരിക്കുന്ന ട്രഫിക്ക് സിഗ്നൽ ലൈറ്റ് വാഹനമിടിച്ച് ചരിഞ്ഞു കിടക്കുന്നു.
മിന്നുമഴക് മിന്നൽ അഴക്... കാസർഗോഡ് പുതിയ ബസ് സ്റ്റാൻഡിന് സമീപത്തു നിന്നുള്ള മിന്നൽ കാഴ്ച്ച.
  TRENDING THIS WEEK
വനിതകൾക്ക് വേണ്ടാത്ത വനിതാ കമ്മീഷൻ... കോഴിക്കോട് മുനിസിപ്പൽ കോർപ്പറേഷന്റെ ആഭിമുഖ്യത്തിൽ നളന്ദയിൽ നടന്ന കേരള വനിതാ കമ്മീഷൻ സംസ്ഥാന തല സെമിനാർ ഉദ്‌ഘാടനം ചെയ്യുന്ന വനിതാ കമ്മീഷൻ അദ്ധ്യക്ഷ എം.സി ജോസഫൈൻ. സദസ്സിൽ ജനപങ്കാളിത്തം നന്നേ കുറവായതിനാൽ കാലിയായ കസേരകളെ അഭിസംബോധന ചെയ്യേണ്ടി വന്നു അദ്ധ്യക്ഷക്ക്. ആളുകൾ എത്തുംവരെ പരമാവധി വൈകിപ്പിച്ചായിരുന്നു പരിപാടി തുടങ്ങിയത്.
ബി.ജെ.പി സംസ്ഥാന കമ്മിറ്റി ഓഫീസിന് മുന്നിൽ അജ്ഞാതർ പതിച്ച പി.പി. മുകുന്ദനെ വിളിക്കൂ ബി.ജെ.പിയെ രക്ഷിക്കൂ എന്നെഴുതിയ പോസ്റ്റർ.
ശത്രുവിൻെ വലിപ്പവും ശേഷിയുമെല്ലാം ചിലപ്പോൾ ഒന്നുമല്ലാതാകും; ഇരയുടെ ആത്മധൈര്യത്തിന് മുൻപിൽ. തന്നെ ആക്രമിക്കാൻ ശ്രമിച്ച നായയെ നെഞ്ച് വിരിച്ച് നേരിടുന്ന പൂച്ചക്കുഞ്ഞ്, സംഗതി അത്ര പന്തിയല്ല എന്ന് മനസ്സിലാക്കിയ നായ തിടുക്കത്തിൽ സ്ഥലം കാലിയാക്കുന്നതും കാണാം. വയനാട്ടിലെ ഇരുളത്ത് നിന്നുള്ള കാഴ്ച.
ഭരണകൂട ഭീകരതയിൽ പ്രതിഷേധിച്ച് ആർ.എസ്.പി പ്രവർത്തകർ നടത്തിയ കളക്ട്രേറ്റ് മാർച്ചിൽ പങ്കെടുത്ത എൻ.കെ. പ്രേമചന്ദ്രൻ എം.പിയെ പൊലീസ് അറസ്റ്റ് ചെയ്തു നീക്കുന്നു.
ചാല ബോയ്സ് സ്കൂളിൽ ആരംഭിച്ച സംസ്ഥാന ട്രാൻസ്‌ജെൻഡർ കലോത്സവം 'വർണപ്പട്ട് ' ഉദ്‌ഘാടനം ചെയ്യാനായി മന്ത്രി കെ. കെ ശൈലജ വേദിയിലേക്ക് വരുന്നു.
മായില്ലീ മുറിപ്പാട്... ഇടഞ്ഞോടുന്നതിനിടെ പാപ്പാൻ വിക്രമൻ മരിക്കാനിടയായ തിരുനക്കര ശിവനെ തളച്ചിരിക്കുന്ന ചെങ്കളത്ത്കാവ് ക്ഷേത്രമൈതാനത്ത് ശിവന്റെ ശരീരത്തുണ്ടായ മുറിപ്പാടിൽ മരുന്ന് വെക്കുന്ന മുൻ പാപ്പാൻ മനോജ്.
സെന്റർ ഫോർ എംപവർമെൻറ് ആൻഡ് എൻറിച്ച്മെന്റ് ടാഗോർ തീയേറ്ററിൽ സംഘടിപ്പിച്ച ഭിന്നശേഷി കുട്ടികളുടെ സ്പെഷ്യൽ ഡേ ആഘോഷപരിപാടിയിൽ കലാപരിപാടി അവതരിപ്പിച്ച അനന്യ വിജേഷിനെ ഉദ്‌ഘാടനത്തിനെത്തിയ ഗവർണർ ആരിഫ് മുഹമ്മദ്‌ ഖാൻ താലോലിക്കുന്നു.
യാക്കോബായ സഭ ദേവാലയ സംരക്ഷണ സമിതിയുടെ അഭിമുഖ്യത്തിൽ സെക്രട്ടേറിയറ്റ് പടിക്കൽ നടത്തി വരുന്ന സഹനസമരത്തിൽ ഇടുക്കി ഭദ്രാസനാധിപൻ മോർ പീലക്സിനോസ് സക്കറിയാസ് മെത്രാപ്പോലീത്താ ഉദ്ഘാടനം ചെയ്യുന്നു. സമരസമിതി ജനറൽ കൺവീനർ ഡി തോമസ് കൈയത്ര, കൺവീനർമാരായ ഫാ തോമസ് പൂതിയോട്ട്, ഫാം ജോൺ ഐപ്പ്, ഫാ ബിബിൻ ബേബി എന്നിവർ സമീപം.
നിങ്ങളു കൊയ്യും വയലെല്ലാം... ആലപ്പുഴ മങ്കൊമ്പ് ചെറുക്കുപുറം പാടശേഖരത്തെ വീണ നെൽക്കതിരുകൾ യന്ത്രമുപയോഗിച്ച് കൊയ്യുമ്പോൾ നെൽമണികൾ കൊത്തി പെറുക്കുവാൻ പാടത്തിറങ്ങിയ പക്ഷിക്കൂട്ടം.
കേരള കൾച്ചറൽ ഫോറത്തിന്റെ ആഭിമുഖ്യത്തിൽ തിരുവനന്തപുരം സത്യൻ സ്മാരക മഹാളിൽ നടന്ന നൂറ്റി ഏഴാമത് സത്യൻ ജന്മവാർഷികാഘോഷത്തിന്റെ ഉദ്ഘാടനത്തോടനുബന്ധിച്ച് പ്രമുഖ ചലച്ചിത്ര സംവിധായകനും ഗാനരചയിതാവുമായ ശ്രീകുമാരൻതമ്പിയെ എം.വിൻസെന്റ് എം.എൽ.എ പൊന്നാടയണിയിച്ച് ഉപഹാരം നൽകി ആദരിക്കുന്നു.എം.എൽ.എമാരായ വി.കെ പ്രശാന്ത്,കെ.ആൻസലൻ എന്നിവർ സമീപം
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com