ആലപ്പുഴ റവന്യു ജില്ലാ സ്കൂൾ കലോത്സവത്തിൽ ഓട്ടൻതുള്ളൽ മത്സരത്തിൽ പങ്കെടുക്കുന്നതിന് മുൻപ് മത്സരാർത്ഥിക്ക് ഭക്ഷണം വാരിക്കൊടുന്ന മാതാവ്

ഇലനീര്‍ കടുവ... കിലുക്കിച്ചെടിയിലെ നീരൂറ്റി കുടിക്കുന്ന നീലക്കടുവ എന്നറിയപ്പെടുന്ന ചിത്രശലഭങ്ങള്‍. കോട്ടയം മൂലേടത്ത് നിന്നുള്ള കാഴ്ച

ഹരിത വിദ്യാലയം, ശുചിത്യ വിദ്യാലയം എന്ന പരിപാടിയുടെ ഭാഗമായി ഉളിയക്കോവിൽ എൽ.പി സ്ക്കൂളിൻ്റെ നേതൃത്വത്തിൽ പൊതുജനത്തെ ബോധവത്ക്കരിക്കുന്നതിനായി ഉളിയക്കോവിൽ ക്ഷേത്ര മൈതാനിയിൽ സംഘടിപ്പിച്ച ശുചിത്വ മഹനീയം എന്ന തെരുവ് നാടകത്തിൽ നിന്നും.

പൂക്കാലവുമായി.... ക്രിതൃമമായി ഉണ്ടാക്കിയ വിവിധ തരം പൂക്കളുമായി വിൽപ്പനക്കെത്തിയ അന്യ സംസ്ഥാന തൊഴിലാളി തൊടുപുഴയിൽ നിന്നുള്ള കാഴ്ച

ദുഷ്യന്താ..കാത്തോണേ... കോട്ടയം കുട്ടികളുടെ ലൈബ്രറി ശിശുദിനാഘോഷത്തിന്റെ ഭാഗമായി സംഘടിപ്പിച്ച ഫാൻസി ഡ്രസ്സ് മത്സരത്തിൽ പങ്കെടുത്തശേഷം സമീപത്തെ ചിൽഡ്രൻസ് പാർക്കിലെ സ്ലൈഡറിൽ കയറി കളിക്കുന്ന ശകുന്തള വേഷധാരിയായ ചഞ്ചൽ.

അതിസാഹസം...കോട്ടയം റെയിൽവേ സ്റ്റേഷനിൽ പുതുതായി നിർമ്മിക്കുന്ന രണ്ടാം കവാടത്തിന്റെ കെട്ടിടത്തിനു മുകളിൽ സുരക്ഷാക്രമീകരണങ്ങൾ ഒന്നും കൂടാതെ ജോലിയിൽ ഏർപ്പെട്ടിരിക്കുന്ന തൊഴിലാളികൾ

പാലായിൽ നടന്ന റവന്യൂ ജില്ലാ കലോത്സവത്തിൽ ഗാന്ധിജിയുടെ വേഷത്തിൽ വേദികൾ സന്ദർശിക്കുന്ന ഗാന്ധി അപ്പൂപ്പൻ എന്നറിയപ്പെടുന്ന കെ. എസ് വിശ്വനാഥൻ.

തേടി വരും കണ്ണുകളിൽ... ശബരിമല സന്നിധാനം ശ്രീകോവിലിൽ അയ്യപ്പനെ കാണാൻ മാളികപ്പുറത്തെ പോലീസ് എടുത്തുയർത്തിയപ്പോൾ കൗതുകത്തോടെ ദർശനം നടത്തുന്ന കാഴ്ച.

നവ കേരള സദസിൽ പങ്കെടുക്കാനായി മുഖ്യമന്ത്രി പിണറായി വിജയൻ കോഴിക്കോട് ബേപ്പൂരിലെത്തിയപ്പോൾ

നവകേരള സദസ് കുറ്റ്യാടി മണ്ഡലം വേദിയായ മേമുണ്ട ഹയർ സെക്കന്ററി സ്കൂൾ വേദിയിൽ മുഖ്യമന്ത്രിയും മന്ത്രിമാരും അണിനിരന്നപ്പോൾ

ഇത്തിരി വെള്ളത്തിനായി... ദാഹം സഹിക്കവയ്യാതെ വന്നപ്പോൾ റോഡരികിൽ ആരോ ഉപേക്ഷിച്ചു പോയ കുപ്പിയിലെ അവശേഷിക്കുന്ന കുറച്ച് വെള്ളം കുടിക്കാനായി പരിശ്രമിക്കുന്ന കുരങ്ങൻ. വയനാട് ചുരത്തിൽ നിന്നുള്ള കാഴ്ച.

നവകേരള സദസ്സിന്റെ ഭാഗമായി കോഴിക്കോട് എത്തിയ മുഖ്യമന്ത്രി പിണറായി വിജയനെ മലാപ്പറമ്പിൽ വച്ച് കരിങ്കൊടി കാണിച്ച യൂത്ത് കോൺഗ്രസ് പ്രവർത്തകർ.

കണ്ണീരിൽ മാഞ്ഞ ചിരി.... കുസ്സാറ്റ് അപകടത്തിൽ മരിച്ച സാറ തോമസിൻ്റെ മൃതദേഹം താമരശ്ശേരി അൽഫോൻസ സ്കൂളിൽ പൊതുദർശനത്തിന് വെച്ചപ്പോൾ പൊട്ടികരയുന്ന കൂട്ടുകാർ.

കഠിനമീ യാത്ര... കായലിലെ ജലനിരപ്പുയർന്നാൽ ആലപ്പുഴ പുന്നമട ഫിനിഷിങ് പോയിൻ്റ് പരിസരം വെള്ളക്കെട്ടിലാണ്. ഹൗസ് ബോട്ട് യാത്രയ്ക്ക് ശേഷം പായലും വെള്ളക്കെട്ടും കാരണം മരുകരയിലെത്താൻ ഇട്ടിരിക്കുന്ന ഹോളോബ്രിക്സ് കട്ടയിൽ ചവിട്ടി പോവുന്ന വിനോദ സഞ്ചാരികൾ

കണ്ണൂർ കളക്ടറേറ്റ് മൈതാനിയിൽ നടന്ന നവ കേരള സദസ്സിൽ മുഖ്യമന്ത്രി പിണറായി വിജയൻ എത്തിയപ്പോൾ.

കണ്ണൂർ കളക്ടറേറ്റ് മൈതാനിയിൽ നടന്ന നവ കേരള സദസ്സിൽ എത്തിയ മുഖ്യമന്ത്രി പിണറായി വിജയനെ മൊബൈൽ ഫോണിൽ ഫോട്ടോ എടുക്കാൻ ശ്രമിക്കുന്നവരുടെ തിരക്ക്.

നവ കേരള സദസിന്റെ ഉദ്ഘാടന വേദിയിൽ മുഖ്യമന്ത്രി പിണറായി വിജയന്റെ തലപ്പാവ് ശരിയായി ധരിപ്പിക്കുന്ന വോർക്കാടി ഗ്രാമപഞ്ചായത്ത് പ്രസിഡന്റ് എസ്.ഭാരതി മന്ത്രിമാരായ കെ.രാജൻ , റോഷി അഗസ്റ്റിൻ എന്നിവർ സമീപം.

നവ കേരള സദസിന്റെ ഉദ്ഘാടന വേദിയിൽ തുളു നാടിന്റെ സാംസ്കാരിക ചിഹ്നമായ തലപ്പാവ് അണിഞ്ഞ് ഇരിക്കുന്ന മുഖ്യമന്ത്രി പിണറായി വിജയൻ. മന്ത്രിമാരായ കെ. രാജൻ, റോഷി അഗസ്റ്റിൻ എന്നിവർ സമീപം.

നമ്പ്രം മുച്ചിലോട്ട് ഭഗവതി ക്ഷേത്രം കളിയാട്ട ഉത്സവത്തോടനുബന്ധിച്ച് മുച്ചിലോട്ട് ഭഗവതിയുടെ തിരുമുടി നിവർന്നപ്പോൾ. നമ്പ്രം മുച്ചിലോട്ട് ഭഗവതി ക്ഷേത്രത്തിലെ കളിയാട്ട സമാപനമാകുന്നതോടെ ഉത്തരമലബാറിലെ മുച്ചിലോട്ട് കാവുകളിലെ കളിയാട്ടങ്ങൾക്ക് തുടക്കമാകുന്നു.

മുഖ്യമന്ത്രിക്കു നേരെ പ്രതിഷേധ പ്രകടനം നടത്തിയ യൂത്ത് കോൺഗ്രസ് പ്രവർത്തകരെ ഡി.വൈ.എഫ്.ഐ പ്രവർത്തകർ ആക്രമിച്ചതിൽ പ്രതിഷേധിച്ച് കണ്ണൂരിൽ നവകേരള സദസ്സിലേക് യൂത്ത് കോൺഗ്രസ് നടത്തിയ പ്രതിഷേധ പ്രകടനത്തിൽ പോലീസ് പ്രവർത്തകനെ ബലംപ്രയോഗിച്ച് അറസ്റ്റ് ചെയ്തു നീക്കുന്നു.