കണ്ണൂർ ആയിത്രമമ്പറത്തും നിന്നും അവശനിലയിൽ കണ്ടെത്തിയ കുട്ടിത്തേവാങ്കിനേ വന്യജീവി സംഘടനയായ മാർക്കിന്റെ പ്രവർത്തകൻ വിജലേഷ് കോടിയേരി ജില്ലാ വെറ്റിനറി ഹോസ്പിറ്റലിൽ എത്തിച്ചപ്പോൾ. ഇരു കൈകൾക്കും പരിക്കേറ്റ നിലയിലാണ് കുട്ടിത്തേവാങ്കിനെ കിട്ടിയത്.

കോട്ടയം റവന്യൂ ജില്ലാ കലോത്സവത്തിൽ യു.പി വിഭാഗം കുച്ചിപ്പുടിയിൽ ഒന്നാം സ്ഥാനം നേടിയ മിതൾ എച്ച്.നായർ. ഗവൺമെൻറ് യു.പി സ്കൂൾ ആനിക്കാട്

പ്രതിഷേധ ഭാവം... കോട്ടയം റവന്യൂ ജില്ല കലോത്സവത്തിൽ ഹയർസെക്കൻഡറി വിഭാഗം കുച്ചുപ്പുടി മത്സരത്തിൽ അർഹിക്കാത്ത വിദ്യാർത്ഥിക്ക് ഒന്നാം സമ്മാനം കൊടുത്തെന്ന് ആരോപിച്ച് പ്രതിഷേധിക്കുന്ന മറ്റു മത്സരാർത്ഥികൾ.

നേരായ ദിശയ്ക്കായി...എൻ.സി.സി ദിനാചരണ വാരാഘോഷത്തോട് അനുബന്ധിച്ച് തൃശൂർ ശക്തൻ നഗറിലെ ദിശ ബോർഡുകൾ വൃത്തിയാക്കുന്ന എൻ.സി.സി വിദ്യാർത്ഥികൾ

കൺപാർത്ത്... ശബരിമല സന്നിധാനത്ത് ദർശനം കാത്തുനിൽക്കുന്നവരുടെ തിരക്ക്.

കൊയ്ത്ത് കഴിഞ്ഞ പാടശേഖരങ്ങളിൽ വൈക്കോലിന് തീയിടുന്നത് ഒഴിവാക്കണമെന്ന നിർദ്ദേശം ഉണ്ടെങ്കിലും നിരോധനങ്ങളെല്ലാം അവഗണിച്ചുകൊണ്ട് ചില കർഷകർ വൈക്കോലിന് തീയിടുന്നത് തുടരുകയാണ്. ആലപ്പുഴ കളർകോട് ഒന്നാം പാലത്തിന് സമീപത്തു നിന്നുള്ള ദൃശ്യം

വിസയുടെ പേരിൽ പത്ത് ലക്ഷത്തിലധികം രൂപ കൈപ്പറ്റിയ ഐറിഷ് കൺസൾട്ടന്റ് ഗ്രൂപ്പിൽ നിന്ന് ഒന്നരവർഷമായി വിസ കിട്ടാത്തതിനെ തുടർന്ന് പണം തിരികെ ആവശ്യപ്പെട്ട് തൃശൂർ എം.ജി റോഡിലുള്ള ഓഫീസിന് മുന്നിൽ പ്രതീകാത്മക മൃതദേഹവുമായി സമരം ചെയ്യുന്നവർ.

സീനിയർ ജേർണലിസ്റ്റ് ഫോറം കേരളയുടെ സംസ്ഥാന സമ്മേളനത്തിന്റെ ഭാഗമായി നടന്ന പ്രതിനിധി സമ്മേളനം ഉദ്ഘാടനം ചെയ്യാൻ എത്തിയ പ്രതിപക്ഷ നേതാവ് വി.ഡി സതീശന് ജനറൽ കൺവീനർ എൻ ശ്രീകുമാർ സ്നേഹോപഹാരമായി പ്ലാവിൻ തൈ നൽകിയപ്പോൾ

വായനയാണ് ലഹരി... പുതുതലമുറ ഇന്റർനെറ്റിൽ പരതി സമയം കളയുമ്പോൾ പുസ്തക - പത്രവായനയിൽ മുഴുകിയിരിക്കുന്നവർ. തിരുനക്കര മൈതാനിയിൽ നിന്നുള്ള കാഴ്ച.

മാങ്കുട്ടത്തിലിനെ കാണാൻ മാവിൻ മുകളിൽ... പാലക്കാട് നിയമസഭാ ഉപതിരഞ്ഞെടുപ്പിൽ വിജയിച്ച യൂത്ത് കോഗ്രസ് സംസ്ഥാന പ്രസിഡൻ്റ് രാഹുൽ മാങ്കൂട്ടത്തിൽ പുതുപ്പള്ളി വലിയപള്ളിയിലെ ഉമ്മൻ ചാണ്ടിയുടെ കല്ലറയിൽ പുഷ്പ്പാർച്ചന നടത്തിയ ശേഷം മാധ്യമപ്രവർത്തകരോട് സംസാരിക്കുന്നത് സമീപത്തെ മാവിൻ കൊമ്പിൽ കയറി നിന്ന് കാണുന്ന കുട്ടികൾ. പ്രവർത്തകരുടെ തിരക്കുകാരണം രാഹുലിനെ കാണാൻ പറ്റാത്തത് കൊണ്ടാണ് വല്യപ്പച്ചനൊപ്പമെത്തിയ ഹാന സാറ മാത്യുവും റിയാന ആൻ ജോബിയും ആവേശത്തോടെ മാവിൻ കൊമ്പിൽക്കയറിയത്.മാധ്യമ പ്രവർത്തകരോട് സംസാരിച്ച ശേഷം രാഹുൽ മാങ്കൂട്ടത്തിൽ കുട്ടികൾക്ക് മിഠായിയും കൊടുത്താണ് മടങ്ങിയത്

എച്ച്.എസ്.എസ് വിഭാഗം കുച്ചുപ്പുടിയിൽ ഒന്നാം സ്ഥാനം നേടിയ കെ.പി ദേവഗംഗ

എച്ച്.എസ് വിഭാഗം ചവിട്ടുനാട മത്സരത്തിൽ ഒന്നാം സ്ഥാനം നേടിയ കെ.പി.സി.എച്ച്.എസ്.എസ്, പട്ടാന്നൂർ

കണ്ണൂർ അഴീക്കോട് നടക്കുന്ന സംസ്ഥാന സീനിയർ ബോക്സിംഗ് ചാമ്പ്യൻഷിപ്പിൽ എറണാകുളത്തിന്റെ എൻ.വി വിമലും തിരുവനന്തപുരത്തിന്റെ മുഹമ്മദ് ഹാഷിമ്മും തമ്മിൽ സെമി ഫൈനൽ മത്സരത്തിൽ ഏറ്റുമുട്ടിയപ്പോൾ.

ദേശീയ കയാക്കിംഗ്ചാമ്പ്യൻഷിപ്പ് "കണ്ണൂർ കയാക്കത്തോൺ 2024" പറശ്ശിനിക്കടവിൽ നിന്നും ആരംഭിച്ചപ്പോൾ.

കണ്ണൂർ അഴീക്കോട് നടക്കുന്ന സംസ്ഥാന സീനിയർ ബോക്സിങ് ചാമ്പ്യൻഷിപ്പിൽ എറണാകുളത്തിന്റെ അഫ്രാസ് മുഹമ്മദും തൃശ്ശൂരിന്റെ ടി.എസ് കിഷനും തമ്മിൽ സെമി ഫൈനൽ മത്സരത്തിൽ ഏറ്റുമുട്ടിയപ്പോൾ

ഇത് ഞങ്ങടെ കൊയ്ത്ത്... പുഞ്ചക്കൃഷിക്ക് ഉഴുതിട്ട പാടത്ത് തീറ്റതേടിയെത്തിയ വർണ്ണ കൊക്കുകൾ. കോട്ടയം പാറേച്ചാൽ ബൈപ്പാസ് റോഡിൽ നിന്നുള്ള കാഴ്ച.

സിൽവർ പ്പട്ടം...തൃശൂർ സെൻറ് പോൾസ് സി. ഇ.എച്ച്. എസ് സ്കൂൾ ഓഡിറ്റോറിയത്തിൽ സംഘടിപ്പിച്ച ആക്ട്സിൻ്റെ രജത ജൂബിലി ആഘോഷം ഉദ്ഘാടനം ചെയ്യാൻ എത്തിയ ഗോവ ഗവർണർ പി. എസ് ശ്രീധരൻപിള്ളയ്ക്ക് സ്നേഹോപഹാരമായി സിൽവർ നെറ്റിപ്പട്ടം നൽകിയപ്പോൾ.കളക്ടർ അർജുൻ പാണ്ഡ്യൻ

വർണ്ണാഭം...തിരുന്നാളിനോടനുബന്ധിച്ച് ദീപാലകൃതമായ തൃശൂർ പുത്തൻപള്ളി

കിളി കൊഞ്ചൽ... തീറ്റ തേടി പാറി പറക്കുന്ന നാട്ടുവേലി തത്തകൾ. കോട്ടയം നഗരത്തിൽ നിന്നുള്ള കാഴ്ച

1. ശബരിമല ദർശനത്തിന് തൃശ്ശൂരിൽ നിന്നെത്തിയ രണ്ട് വയസുള്ള ഇഷാൻവിയെ പതിനെട്ടാം പടിക്ക് താഴെ നിന്ന് പൊലീസുകാർ കൈമാറി കൊടിമരച്ചുവട്ടിൽ എത്തിച്ചപ്പോൾ. 2. സുജിത്ത് എന്ന പൊലീസുകാരന്റെ നെഞ്ചിലേക്ക് ചാഞ്ഞ ഇഷാൻവിയെ അച്ഛൻ ശ്രീജത്തിന് കൈമറിയപ്പോൾ കരയുന്നു.