ഇത് ഞങ്ങടെ കൊയ്ത്ത്... പുഞ്ചക്കൃഷിക്ക് ഉഴുതിട്ട പാടത്ത് തീറ്റതേടിയെത്തിയ വർണ്ണ കൊക്കുകൾ. കോട്ടയം പാറേച്ചാൽ ബൈപ്പാസ് റോഡിൽ നിന്നുള്ള കാഴ്ച.

സിൽവർ പ്പട്ടം...തൃശൂർ സെൻറ് പോൾസ് സി. ഇ.എച്ച്. എസ് സ്കൂൾ ഓഡിറ്റോറിയത്തിൽ സംഘടിപ്പിച്ച ആക്ട്സിൻ്റെ രജത ജൂബിലി ആഘോഷം ഉദ്ഘാടനം ചെയ്യാൻ എത്തിയ ഗോവ ഗവർണർ പി. എസ് ശ്രീധരൻപിള്ളയ്ക്ക് സ്നേഹോപഹാരമായി സിൽവർ നെറ്റിപ്പട്ടം നൽകിയപ്പോൾ.കളക്ടർ അർജുൻ പാണ്ഡ്യൻ

വർണ്ണാഭം...തിരുന്നാളിനോടനുബന്ധിച്ച് ദീപാലകൃതമായ തൃശൂർ പുത്തൻപള്ളി

കിളി കൊഞ്ചൽ... തീറ്റ തേടി പാറി പറക്കുന്ന നാട്ടുവേലി തത്തകൾ. കോട്ടയം നഗരത്തിൽ നിന്നുള്ള കാഴ്ച

1. ശബരിമല ദർശനത്തിന് തൃശ്ശൂരിൽ നിന്നെത്തിയ രണ്ട് വയസുള്ള ഇഷാൻവിയെ പതിനെട്ടാം പടിക്ക് താഴെ നിന്ന് പൊലീസുകാർ കൈമാറി കൊടിമരച്ചുവട്ടിൽ എത്തിച്ചപ്പോൾ. 2. സുജിത്ത് എന്ന പൊലീസുകാരന്റെ നെഞ്ചിലേക്ക് ചാഞ്ഞ ഇഷാൻവിയെ അച്ഛൻ ശ്രീജത്തിന് കൈമറിയപ്പോൾ കരയുന്നു.

കോട്ടയം വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തോടനുബന്ധിച്ച് നടന്ന ആനയൂട്ടിൽ പൊലീസുദ്യോഗസ്ഥന്റെ ഒക്കത്തിരുന്ന് ആനക്ക് പഴം കൊടുക്കുന്ന കുട്ടി

ആനവായിൽ... വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തോടനുബന്ധിച്ച് നടന്ന ആനയൂട്ട്.

തന്നോളം തടി...ലോറിയിൽ വലിയ തടിക്കഷ്ണങ്ങൾ കയറ്റി അടുക്കുന്ന തൊഴിലാളി.മണിമല കറിക്കാട്ടൂരിൽ നിന്നുള്ള കാഴ്ച.

തുഴയുലച്ച മഴ... കോട്ടയം താഴത്തങ്ങാടിയിൽ നടന്ന ചാമ്പ്യൻസ് ബോട്ട് ലീഗ് മത്സരത്തിൻ്റെ ഫസ്റ്റ് ഹീറ്റ്സിൽ പെരുമഴയത്ത് ഫിനിഷിംഗ് പോയിന്റിലേക്ക് തുഴഞ്ഞെത്തുന്ന കുമരകം ടൗൺ ബോട്ട് ക്ലബ്ബിൻറെ നടുഭാഗം ചുണ്ടൻ. മഴ കാരണം ഫിനിഷിംഗിന് മികച്ച സമയം ലഭിക്കാതെ ഫൈനലിൽ നിന്ന് പുറത്തായ കുമരകം ടൗൺ ബോട്ട് ക്ലബ്ബിൻറെ തുഴക്കാർ വള്ളം പുഴക്ക് കുറുകെയിട്ട് പ്രതിഷേധിച്ചതിനെത്തുടർന്ന് ഫൈനൽ മത്സരം റദ്ദാക്കി.

കോട്ടയം വെസ്റ്റ് പൊലീസ് സ്റ്റേഷന് പുറകിൽ കേസിൽ പിടിച്ചിട്ടിരിക്കുന്ന വാഹനങ്ങൾ കാട് കയറി കിടക്കുന്നു. നിരവധി വാഹനങ്ങളാണ് സ്റ്റേഷൻ പരിസരത്ത് നശിച്ച് കിടക്കുന്നത്

കിള്ളിയാറ്റിലെ മീൻപിടുത്തത്തിനിടെ ചൂണ്ടയിൽ വളർത്തുമൽസ്യമായ സക്കർ ഫിഷ് കുടുങ്ങിയപ്പോൾ. ഇന്ന് നദികളിൽ കാണപ്പെടുന്ന സക്കർഫിഷുകൾ വീടുകളിലെ അക്വേറിയങ്ങളിൽ നിന്ന് ഉപേക്ഷിക്കുന്നവയാണ്. തനതു മത്സ്യസമ്പത്ത് ഇല്ലാതാക്കി വളരുന്ന ഈ മീനുകൾ ഇപ്പോൾ പല ജലാശയങ്ങളിലും കാണാം.

കാഴ്ച പരിമിതിയുള്ള ആളുകൾ മുന്നിൽപോകുന്ന ആളുടെ തോളിൽ കൈപിടിച്ച് പരസ്പര സഹായത്തോടെ നടന്നുപോകുന്നു. തിരുവനന്തപുരം സ്റ്റാച്യു റോഡിൽ നിന്നുള്ള കാഴ്ച

വിസ്ഡം ഇസ്ലാമിക് യൂത്ത് ഓർഗനൈസേഷൻ സംസ്ഥാന സമിതി സംഘടിപ്പിച്ച പ്രൊഫേസ് പ്രൊഫഷണൽസ് ഫാമിലി കോൺഫറൻസ് സംസ്ഥാന പ്രസിഡന്റ് പി.എൻ അബ്ദുല്ലത്തീഫ് മദനി ഉദ്ഘാടനം ചെയ്യുന്നു

തളാപ്പ് സുന്ദരേശ്വര ക്ഷേത്രം മണ്ഡല പൂജ ആഘോഷത്തിന്റെ ഭാഗമായി പ്രഭാഷണ പരമ്പരയിൽ സ്വാമി ചിദാനന്ദ പുരി പ്രഭാഷണം നടത്തുന്നു

മണ്ഡലപൂജ ആഘോഷങ്ങൾക്ക് തുടക്കം കുറിച്ച് കൊണ്ട് തളാപ്പ് ശ്രീ സുന്ദരേശ്വര ക്ഷേത്രത്തിൽ രാവിലെ നടന്ന മഹാ ഗണപതി ഹോമം

തിരയെത്തും മുന്നേ... മത്സ്യബന്ധനത്തിന് വിരിച്ച വല കരയിലേക്ക് വലിച്ചുകയറ്റുന്നതിനിടയിലെത്തിയ വലിയ തിരമാലയിൽ നിന്ന് ഓടി രക്ഷപെടുന്ന തൊഴിലാളി. ശംഖുമുഖം തീരത്ത് നിന്നുള്ള ചിത്രം

ആ പരിപ്പ് ഇവിടെ വേവില്ല... എൻ.സി.ശേഖർ പുരസ്‌കാര പ്രഖ്യാപനത്തിന്റെ വാർത്താസമ്മേളനത്തിന് കണ്ണൂർ പ്രസ് ക്ലബ്ബിലെത്തിയ സി.പി.എം സംസ്ഥാന സെക്രട്ടറി എം.വി.ഗോവിന്ദൻ, ഇ.പിയുടെ ആത്മകഥാ പുസ്തകമായ "ക​ട്ട​ൻ​ചാ​യ​യും പ​രി​പ്പ് വ​ട​യും-​ഒ​രു ക​മ്യൂ​ണി​സ്റ്റി​ന്‍റെ ജീ​വി​തം" വിവാദവുമായി ബന്ധപ്പെട്ട മാദ്ധ്യമപ്രവർത്തകരുടെ ചോദ്യങ്ങൾക്ക് പ്രതികരിച്ചപ്പോൾ.

ദേശീയ പാതയിൽ കണ്ണോത്തും ചാലിൽ ഡിവൈഡറിൽ കാർ പാഞ്ഞു കയറിയതിനെ തുടർന്ന് റോഡിൽ പരന്നൊഴുകിയ ഓയിൽ അഗ്നി രക്ഷ സേന എത്തി കഴുകി

കുവലയം കഥകളി ആസ്വാദന സദസിന്റെ നേതൃത്വത്തിൽ പള്ളിക്കുന്ന് ഹയർസെക്കൻഡറി സ്കൂളിൽ നടന്ന രാവണോൽഭവം കഥകളി

എ.ഡി.എം നവീൻ ബാബുവിന്റെ ആത്മഹത്യ പ്രതി മുൻ ജില്ലാ പഞ്ചായത്ത് പ്രസിഡന്റ് പി.പി ദിവ്യ അന്വേഷണ സംഘത്തിന് മുന്നിൽ ഹാജരായ ശേഷം പോലീസ് സ്റ്റേഷനിൽ നിന്നും പുറത്തേക്ക് വരുന്നു.