വയനാട് ചുരത്തിൽ നിന്നുള്ള ദൃശ്യം.
പച്ചിലകൾ കരിഞ്ഞുണങ്ങുന്ന വെയിലാണെങ്കിലും തനിക്കും തന്റെ കുടുംബത്തിനുമുള്ള അന്നത്തിനു വേണ്ടിയുള്ള പോരാട്ടത്തിൽ ഈ വെയിലും ഇവർക്ക് ഊർജമാണ്. കണ്ണൂർ കളക്ടറേറ്റ് മൈതാനിയിൽ നിന്നുള്ള കാഴ്ച്ച.
പാലക്കാട് മണപ്പുള്ളിക്കാവ് വേലയോടനുബന്ധിച്ച് കിഴക്കേ യാക്കര മണപ്പുള്ളി ഭഗവതി ക്ഷേത്രത്തിൽ ദീപാലകൃതമായ പന്തൽ.
കോട്ടയം കാഞ്ഞിരം മലരിക്കൽ വയലോര - കായലോര ടൂറിസം ഫെസ്റ്റിൻ്റെ ഭാഗമായി പാടശേഖരത്തിൽ ഒരുക്കിയ ചക്രത്തിൽ കർഷകൻ ചവിട്ടി വെള്ളം തേവുന്നത് കാണുന്ന കുട്ടികൾ. നാളെ മുതൽ മാർച്ച് ഒന്ന് വരെയാണ് മലരിക്കൽ ടൂറിസം ഫെസ്റ്റ്.
കോട്ടയം കാഞ്ഞിരം മലരിക്കൽ വയലോര - കായലോര ടൂറിസം ഫെസ്റ്റിൻ്റെ ഭാഗമായി പാടശേഖരത്തിൽ ഒരുക്കിയ ചക്രത്തിൽ ചവിട്ടി നോക്കുന്ന കുട്ടികൾ.
ഒ.വി. വിജയൻ കൃതികളെ ആസ്പദമാക്കി ഖാസാഖ് സാമരക പ്രവേശന കവാടത്തിൽ പണികഴിയിപ്പിച്ച മ്യൂറൽ റിലീഫ് കവാടം.
പാലക്കാട് കോയമ്പത്തൂർ ദേശിയപാതയിൽ വാളയാറിന് സമീപം റോഡ് സൈഡിൽ നൂറ് ചക്രം മുള്ള ചരക്ക് വാഹനത്തിൻ്റെ ടയർ മാറ്റുന്ന തൊഴിലാളികൾ.
എറണാകുളം തോപ്പുംപടി കായലിലൂടെ മത്സ്യബന്ധനം നടത്തുന്ന മത്സ്യത്തൊഴിലാളി.
റോഡുപണി അനന്തമായി നീളുന്ന തിരുവനന്തപുരം കോട്ടയ്ക്കകം വാഴപ്പള്ളി ജഗ്‌ഷനിൽ പകൽ സമയത്ത് അസഹനീയമായ പൊടിപടലങ്ങൾ കാരണം വെള്ളം തളിക്കുന്ന വ്യാപാരി.
കനത്ത വെയിലിനെയും ചൂടിനേയും അവഗണിച്ച് നട്ടുച്ചയിലും ഫുട്ബോൾ കളിക്കുന്ന കുട്ടികൾ. മലപ്പുറം തിരൂരങ്ങാടിയിൽ നിന്നുള്ള കാഴ്ച.
നീരുറവകളെല്ലാം വറ്റി വരണ്ട ജലാശയത്തിന് സമീപത്ത് അവശേഷിയ്ക്കുന്ന പച്ചപ്പ് തിരയുകയാണ് ഈ കലമാൻ, പതിവിലും നേരത്തേ വേനൽ കനത്തതോടെ കാട്ടിലെ പല ജലസ്രോതസ്സുകളും ഇപ്പൊഴേ വറ്റിക്കഴിഞ്ഞു. വയനാട് മുത്തങ്ങ വന്യജീവി സങ്കേതത്തിൽ നിന്നുള്ള വേനൽക്കാഴ്ച
സംസ്ഥാനത്ത് ചൂട് കനക്കുമ്പോൾ സഹജീവികളും വലയുകയാണ്. കിളികൾക്കായി തണ്ണീർക്കുടത്തിൽ വെള്ളം നിറയ്ക്കുന്ന വിദ്യാർത്ഥികൾ. മലപ്പുറം എം.എസ്.പി എച്ച്.എച്ച്.എസിൽ നിന്നുള്ള ദൃശ്യം.
പിക് പോക്കറ്റ്... തൃശൂർ മൃഗശാലയിൽ അമ്മു എന്ന് വിളിക്കുന്ന ആറ് വയസുള്ള പുള്ളിമാൻ തങ്ങളുടെ കൂടിന്റെ കീപ്പറുടെ പോക്കറ്റിൽ നിന്നും പഴം എടുത്ത് തിന്നുന്നു പേരെടുത്ത് വിളിച്ചാൽ ഓടി വരുന്ന അമ്മു മൃഗശാല കാണാൻ വരുന്നവരുടെ മനം കവർന്നിരിക്കുകയാണ്.
ചൂട് കനത്തതോടെ തൊഴിലാളികൾ ചൂട് കുറഞ്ഞ സമയം നോക്കിയാണ് പണിയിടങ്ങളിൽ ഇറങ്ങുന്നത്. ചൂടോന്ന് ശമിച്ചത് നോക്കി കോട്ടയം കുമരകം കവണാറ്റിൻ കരയിലെ പാടശേഖരത്തിൽ നിന്ന് വൈക്കോൽ കയറ്റുന്ന തൊഴിലാളി.
ഇന്ത്യയിൽ അപൂർവ്വമായി കാണപ്പെടുന്ന റ്റെലമോണിയ ഡിമിടിയേറ്റ എന്ന ശാസ്ത്ര നാമത്തിലറിയപ്പെടുന്ന സ്ട്രിപ്പ്ഡ് ജംമ്പിങ് സ്പൈഡർ ഇര പിടിക്കുന്നു. പ്രത്യേക തരം സ്രവം പുറപ്പെടുവിക്കുന്നതുമൂലം ഇരകളായ പ്രാണികളും ഷഡ്‌പദങ്ങളും പറക്കുവാൻ സാധിക്കാതെ വരികയും തുടർന്ന് സ്രവം ഭക്ഷിക്കുന്ന ഈ വിഭാഗം ഏഷ്യയിലെ വിവിധ ഉഷ്ണമേഖലാ മഴക്കാടുകളിലെ മരത്തിന്റെ തടികളിലാണ് സാധാരണയായി കാണപ്പെടുക. ആലപ്പുഴ ജനറൽ ആശുപത്രിക്ക് സമീപത്തെ മരത്തിൽ നിന്ന് പകർത്തിയ ചിത്രം.
കൂട്തേടി... തലപോയ തെങ്ങിൽ വിശ്രമിച്ചശേഷം പറക്കുന്ന പക്ഷി. ചേർത്തല പാണാവള്ളിയിൽ നിന്നുള്ള കാഴ്ച.
പച്ച പുതച്ച് നിൽക്കുന്ന മൂന്നാർ റൂട്ടിലൂടെ സർവീസ് നടത്തുന്ന കെ.എസ്.ആർ.ടി.സി.
അന്യസംസ്ഥാനത്ത് നിന്നെത്തി കുട്ടവഞ്ചിയിൽ കൂട്ടമായി മത്സ്യ ബന്ധം നടത്തുന്ന തൊഴിലാളികൾ. എറണാകും നെട്ടൂരിൽ നിന്നുള്ള കാഴ്ച.
കൂട്ട് വിട്ട് തണൽതേടി ... വേനൽ ചൂട് കനത്തതോടെ മനുഷ്യർക്ക് മാത്രമല്ല പക്ഷി മൃഗാദികൾക്കും ചൂട് താങ്ങാനവാത സാഹചര്യമാണ് ദിനം പ്രതി കൂടിവരുന്നത് മരത്തിന്റെ ചില്ലയിൽ പക്ഷി ഉപേക്ഷിക്കെപ്പെട്ട കൂടും കാണാം പൂർണ്ണമായും പൊഴിഞ്ഞ് ചില്ലകൾമാത്രം അവശേഷിച്ച ഒര് വേനൽ കാഴ്ച്ച പാലക്കാട് നഗരത്തിൽ നിന്ന്.
മുറിച്ച മരം കയറ്റി പോകുന്ന വാഹനം. കാന്തല്ലൂരിൽ നിന്നുള്ള കാഴ്ച.
  TRENDING THIS WEEK
ഒടുവിലെ'ത്തീ'... കോട്ടയം എം.ഡി സെമിനാരി ഹയർ സെക്കൻഡറി സ്കൂളിൽ കെ.എ.എസ് പരീക്ഷ ആരംഭിക്കാൻ നിമിഷങ്ങൾ ബാക്കി നിൽക്കെ പരീക്ഷാ സെന്ററിലേക്ക് ഓടിയെത്തുന്ന ഉദ്യോഗാർത്ഥി. നീണ്ട വിവാദങ്ങൾക്കും കാത്തിരിപ്പിനും ഒടുവിലാണ് കെ.എ.എസ് പരീക്ഷ സംസ്ഥാനത്ത് നടന്നത്. നാല് ലക്ഷത്തോളം പേർ പരീക്ഷ എഴുതി.
തിരുവനന്തപുരം സെൻട്രൽ റെയിൽവേ സ്റ്റേഷനിൽ സ്വീകരണത്തിൽ ബി. ജെ. പി സംസ്ഥാന അദ്ധ്യക്ഷൻ കെ. സുരേന്ദ്രൻ തുറന്ന ജീപ്പിൽ പ്രവർത്തകരെ അഭിവാദ്യം ചെയ്യുന്നു
ദുരന്തചിത്രം ... 19 പേരുടെ മരണത്തിന് ഇടയാക്കിയ കോയമ്പത്തൂർ അവിനാശി ബസ് അപകടത്തിൽ കെ.എസ്.ആർ.ടി.സി ബസിൽ നിയന്ത്രണം വിട്ട് കണ്ടെയ്നർ ലോറി ഇടിച്ച് തകർന്ന ബസിനെ റോഡ് മാർഗം ക്രയിൻ ഉപയോഗിച്ച് എടപ്പാളിലെവർക്ക് ഷോപ്പിൽ കൊണ്ടുപ്പോവുന്നു.
കോയമ്പത്തൂർ അവിനാശിയിൽ കണ്ടെയ്നർ ലോറി ഇടിച്ചു മരണപ്പെട്ട ഡ്രൈവർ വി.ഡി. ഗിരീഷിനെ മൃതദേഹം
കൊച്ചിയിൽ നടക്കുന്ന മിസ്റ്റർ കേരള മത്സരത്തിന്റെ പ്രചരണാർത്ഥം എറണാകുളം സെന്റ് തെരേസാസ് കോളേജിൽ കാമ്പസ് ഡ്രൈവ് ഉദ്ഘാടനം ചെയ്യാനെത്തിയ മിസ്റ്റർ യൂണിവേഴ് ചിത്തരേശ് നടേശൻ വിദ്യാർത്ഥികൾക്കൊപ്പം
മന്നത്ത് പത്മനാഭന്റെ ചരമവാർഷികത്തോടനുബന്ധിച്ച് പെരുന്നയിലെ മന്നം സമാധിയിൽ ബി.ജെ.പി സംസ്ഥാന പ്രസിഡന്റ് കെ.സുരേന്ദ്രൻ എത്തിയപ്പോൾ
തിരുവനന്തപുരം അയ്യങ്കാളി ഹാളിൽ നടന്ന കശ്‍മീരി യുവജന വിനിമയ പരിപാടിയുടെ ഉദ്‌ഘാടനം.
തിരുവനന്തപുരം കേസരിയിൽ നടന്ന മീറ്റ് ദ പ്രസിൽ പങ്കെടുക്കുവാനെത്തിയ ബി.ജെ.പി സംസ്‌ഥാന പ്രസിഡന്റ് കെ. സുരേന്ദ്രൻ.
അമ്മയുടെ വേർപ്പാട്..., കോയമ്പത്തൂർ അവിനാശിയിൽ ഉണ്ടായ വാഹനാപകടത്തിൽ മരിച്ച പാലക്കാട് ചന്ദ്രനഗർ ശാന്തി കോളനിയിലെ നയങ്കര വീട്ടിൽ റോസ്‌ലിയുടെ മൃതദേഹം വീട്ടിൽ പൊതുദർശനത്തിന് വെച്ചപ്പോൾ ദുഖ: താങ്ങാനാവതെ മകൾ സിൻസിയും കൊച്ചുമകളും പൊട്ടികരയുന്നു
പെരിയ ഇരട്ട കൊലപാതക കേസ് സി.ബി.ഐ. അന്വഷിക്കണമെന്ന ഹൈക്കോടതി ഉത്തരവ് നടപ്പാക്കാത്തതിൽ പ്രതിഷേധിച്ച് എറണാകുളത്തെ സി.ബി.ഐ. ഓഫീസിന് മുന്നിൽ നടന്ന സൂചനാ സത്യാഗ്രഹ സമരത്തിൽ കൃപേഷിന്റെയും ശരത് ലാലിന്റെയും കുടുംബം പങ്കെടുത്തപ്പോൾ.
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com