തീറ്റ തേടി... ലോക് ഡൗണിൽ തീറ്റ തേടി അലയുന്ന കുരങ്ങ്. തൃശൂർ എരുമപ്പെട്ടിയിൽ നിന്നൊരു ദൃശ്യം.
മിഷൻ സക്സസ്... കുട്ടനാട്ടിലെ കൊയ്ത്ത് കഴിഞ്ഞ പാടശേഖരങ്ങൾ രണ്ടാംകൃഷിക്കായി തയ്യാറെടുക്കുകയാണ്. വെള്ളം കയറ്റിയിട്ടതിനാൽ ഇവയിൽ മത്സ്യസമ്പത്തും വർധിച്ചിട്ടുണ്ട്. കുട്ടികൾ ഉൾപ്പടെ മത്സ്യബന്ധനത്തിൽ ഏർപ്പെടുന്ന കാഴ്ച ഇവിടങ്ങളിൽ സാധാരണമാണ്. ഇത്തരത്തിൽ തനത് രീതിയിൽ കൈ ഉപയോഗിച്ച് മീൻ പിടിക്കുന്ന കുട്ടി. ആലപ്പുഴ കുട്ടനാട്ടിൽ നിന്നുള്ള കാഴ്ച്ച.
കാത്തിരിപ്പ്... കെ.എസ്.ആർ.ടി.സി ദീർഘദൂര ബസ് സർവീസ് നടത്തുന്നതറിഞ്ഞ് കോട്ടയം സ്റ്റാൻഡിൽ കാത്തിരിക്കുന്നവർ.
മഴ കനിയട്ടെ... ഇടവപ്പാതിയുടെ തുടക്കത്തിൽ സംസ്ഥാനത്ത് ചിലയിടങ്ങളിൽ മഴ ലഭിച്ചെങ്കിലും നെല്ലറയായ പാലക്കാട് സ്ഥിതി മറിച്ചാണ്. ഒന്നാംവിള നെൽകൃഷിക്ക് ഒരുക്കം പൂർണമായിട്ടും പാടശേഖരങ്ങളിൽ വെള്ളം കഷ്ടിയാണ്. അണക്കെട്ടുകളിലെ വെള്ളത്തെയാണ് മിക്ക പാടശേഖരങ്ങളും ആശ്രയിക്കുന്നത്. അടുത്ത ദിവസങ്ങളിൽ മഴ കനത്തില്ലെങ്കിൽ കൃഷിയാവശ്യത്തിന് മലമ്പുഴ വെള്ളം തുറന്ന് വിടുമെന്ന് അധികൃതർ അറിയിച്ചിട്ടുണ്ട്. മലമ്പുഴ ഡാമിന്റെ വൃഷ്ടിപ്രദേശമായ കവ ഭാഗത്ത് മഴക്കാറു മൂടിയ ഒരു അസ്തമയ കാഴ്ച.
മഴയിൽ കുളിച്ച്... ശക്തമായി പെയ്യുന്ന മഴയത്ത് എറണാകുളം എം.ജി റോഡിൽ നിന്നുള്ള കാഴ്ച
റോഡിലെ ഉറവയാ... കോട്ടയം തിരുനക്കരയിൽ കുടിവെള്ള പൈപ്പ് വാൽവിൽ നിന്ന് എം.സി റോഡിൽ കെട്ടികിടക്കുന്ന വെളളം കോരിയെടുക്കുന്ന സമീപത്തെ കടത്തിണ്ണയിൽ താമസിക്കുന്ന സ്ത്രീ.
കളറാക്കാം... ലോക്ഡൗൺ ഇളവിൽ സ്വർണ്ണക്കടയുടെ ഷട്ടറിൽ പെയിന്റ് ചെയ്യുന്ന തൊഴിലാളികൾ. ആലപ്പുഴ മുല്ലയ്ക്കൽ തെരുവിൽ നിന്നുള്ള ദൃശ്യം.
ഈ ബോട്ടിപ്പോ എടുക്കുവോ... ലോക്‌ഡൗൺ ഇളവുകളുടെ ഭാഗമായി സംസ്ഥാനത്തെ ജലഗതാഗതത്തിന്റെ പ്രവർത്തനം ഭാഗികമായി ആരംഭിച്ചു. ആലപ്പുഴ ബോട്ട് ജെട്ടിയിൽ എത്തിയ നായ കൗതുകത്തോടെ ബോട്ടിനുള്ളിലേക്ക് നോക്കുന്നു.
പൂക്കാലം... ലോക് ഡൗൺ ഇളവിൽ തൃശൂർ പാറമേക്കാവ് ക്ഷേത്രത്തിന് മുന്നിൽ പൂക്കളുമായി എത്തിയ തമിഴ് നാടോടി സ്ത്രീ.
തലപോയാലും പണിമുടക്കില്ല... തോരാതെ പെയ്യുന്ന മഴയിലും കാറ്റിലും പലയിടത്തും വൈദ്യുതി നിലച്ചിട്ട് ദിവസങ്ങളായി. എന്നാൽ ഈ കൊവിഡ് ദുരിതകാലത്തും നാടിന്റെ വെളിച്ചം കാക്കാൻ കെ.എസ്.ഇ.ബി ജീവനക്കാർ രാപകലില്ലാതെ അധ്വാനത്തിലാണ്. കോട്ടയം പുളിമൂട് ജംഷനിൽ നിന്ന്.
മഴക്ക് മുമ്പേ വൈദ്യുത ലൈനിന് മുകളിലുള്ള മരച്ചില്ലകൾ വെട്ടി മാറ്റുന്ന കെ.എസ്.ഇ.ബി ജീവനക്കാർ. തൃശൂർ ശക്തൻ മാർക്കറ്റിൽ നിന്നൊരു ദൃശ്യം.
മഴയൊന്നു പെയ്താൽ... യാത്രക്കിടെ മഴ പെയ്തതിനെ തുടർന്ന് മിനിലോറിയിലുള്ള സാധനങ്ങൾ ന്നനയാതിരിക്കാൻ പ്ലാസ്റ്റിക്ക് ഷീറ്റ് കൊണ്ട് മൂടിയിടുന്ന ഡ്രൈവർമാർ.
രോഹുവിന് പല്ല് ഉണ്ടോ... രോഹു ഇനത്തിൽ പെട്ട മീനിനെ കൗതുകത്തോടെ എടുത്ത് നോക്കുന്ന കുട്ടി. കുമരകം ചീപ്പുങ്കൽ അന്തോണിക്കായൽ പാടശേഖരത്ത് നിന്നും വിളവെടുത്ത മത്സ്യം വിൽപ്പനക്കായി എത്തിച്ചപ്പോൾ.
വിലക്കില്ലാത്ത ദാഹം... തൃശൂർ തേക്കിൻക്കാട് മൈതാനത്തിനു ചുറ്റും സ്ഥാപിച്ച ഫയർ ഹൈഡ്രൈൻ്റിൽ നിന്നും വെള്ളം കുടിക്കുന്ന കാക്ക.
ലോക്കിലാകാതെ വിട്ടേക്കാം... ലോക്ക്ഡൗൺ നിയന്ത്രണത്തിന്റെ ഭാഗമായി കോട്ടയം തിരുനക്കരയിൽ പൊലീസ് വാഹന പരിശോധന നടത്തുമ്പോൾ സമീപത്തുകൂടി പോകുന്ന തെരുവ്നായ.
പരിശോധന നടക്കട്ടെ... ട്രിപ്പിൾ ലോക്ക് ഡൗണിൻ്റെ ഭാഗമായി തൃശൂർ സ്വരാജ് റൗണ്ടിൽ നടക്കുന്ന പരിശോധനക്ക് സമീപം തീറ്റ തേടി നടക്കുന്ന പൂച്ച.
കർമ്മനിരതം... ലോക് ഡൗണിലും മഴയിൽ ഭക്ഷണം ഓർഡർ ചെയ്തവർക്ക് എത്തിച്ച് കൊടുക്കാനായ് പോകുന്ന ആൾ. തൃശൂർ സ്വരാജ് റൗണ്ടിൽ നിന്ന്.
കേസ്സ് എടുക്കല്ലെ സാറെ വിശന്നിട്ടാ... ലോക് ഡൗണിൻ്റെ പശ്ചാത്തലത്തിൽ തൃശൂർ സ്വരാജ് റൗണ്ടിൽ വാഹനപരിശോധന നടത്തുന്ന പൊലീസ് ഉദ്യോഗസ്ഥർക്ക് കഴിക്കാൻ വച്ചിരുന്ന ബജിയുമായി സ്ഥലംവിടുന്ന കാക്ക.
നൂറ്മേനി വിളയിക്കാൻ... വേനൽമഴ ലഭിച്ചതോടെ കർഷകർ പാടശേഖരം പാക്കപ്പെടുത്തി തുടങ്ങി ഊഴുത് മറിച്ച കൃഷിസ്ഥലത്ത് വിത്ത് കുഴിച്ചിടുന്ന കർഷക തൊഴിലാളി. പാലക്കാട് വാളയാർ റൂട്ടിൽ കനാൽപ്പിരുവ് ഭാഗത്ത് നിന്ന്.
ബ്രെയ്ക്ക് ദി ചെയിൻ ബ്രെയ്ക്ക് ആയപ്പോൾ... കൊവിഡ് വ്യാപനത്തിൻ്റെ സാഹചര്യത്തിൽ പാലക്കാട് സിവിൽ സ്റ്റേഷനിൽ പൊതുജനങ്ങൾക്കായി കൈകഴുക്കാനായി വെച്ച വെള്ളവും വാഷ് മ്പൈയ്സും നിശ്ചലമായപ്പോൾ. ദിനംപ്രതി വിവിധ ആവിശ്യങ്ങൾക്കായി ഇവിടെ എത്തുന്നവർക്ക് ഇത് ഉപയോഗിക്കാൻ സാധിക്കാതെ അവസ്ഥയാണ് ഇപ്പോൾ.
  TRENDING THIS WEEK
ബി.ജെ.പി പ്രവർത്തകരോടുള്ള പൊലീസ് വേട്ട അവസാനിപ്പിക്കണമെന്നാവശ്യപ്പെട്ട് ബി.ജെ.പി പ്രവർത്തകർ തൃശൂർ പൊലീസ് ക്ലബിന് മുന്നിൽ സംഘടിപ്പിച്ച പ്രതിഷേധ ജ്വാല.
ഉത്തരക്കെട്ടുകളുമായി... കോട്ടയം സി.എം.എസ് സ്കൂളിൽ നടക്കുന്ന എസ്.എസ്.എൽ.സി മൂല്യനിർണ്ണയതിനുള്ള സോഷ്യൽ സയൻസ് ഉത്തരക്കടലാസുകളുടെ കെട്ടുമായി ഹാളിലേക്ക് പോകുന്ന അദ്ധ്യാപികമാർ.
കണ്ണേറ് തട്ടാതെ... തൃശൂർ എരുമപ്പെട്ടിയിൽ കൂർക്ക കൃഷിക്ക് കണ്ണേറ് തട്ടാതിരിക്കാൻ കോലം സ്ഥാപിച്ചപ്പോൾ.
ഒല്ലൂരിലെ തൃശൂർ കോർപറേഷൻ കെട്ടിടത്തിന് മുമ്പിൽ സ്ഥാപിച്ച മഹാത്മ ഗാന്ധിയുടെ പ്രതിമ നശിച്ച നിലയിൽ.
കൊയ്ത്ത് കഴിഞ്ഞ് വെള്ളം കയറ്റിയ പാടശേഖരത്തിൽ വല ഉപയോഗിച്ച് മത്സ്യബന്ധനം നടത്തുന്നയാൾ. ആലപ്പുഴ പള്ളാത്തുരുത്തിയിൽ നിന്നുള്ള ദൃശ്യം.
സംസ്ഥാനത്ത് എസ്.എസ്.എൽ.സി പരീക്ഷയുടെ മൂല്യനിർണയം ആരംഭിച്ചു. ആലപ്പുഴ ഗവർണമെന്റ് ഗേൾസ് ഹൈസ്കൂളിൽ മൂല്യനിർണയം നടത്തിയ ഉത്തരക്കടലാസ് തിരിച്ചേല്പിക്കാൻ പോകുന്ന അധ്യാപിക.
ബി.ജെ.പിക്കെതിരെ സംസ്ഥാന സർക്കാർ നടത്തുന്ന പൊലീസ് നടപടികളിൽ പ്രതിഷേധിച്ച് തിരുനക്കര ഗാന്ധി സ്ക്വയറിൽ നടത്തിയ പ്രതിഷേധ ജ്വാല സംസ്ഥാന ജനറൽ സെക്രട്ടറി എം.ടി. രമേശ് ഉദ്ഘാടനം ചെയ്യുന്നു.
കാത്തിരിപ്പ്... കെ.എസ്.ആർ.ടി.സി ദീർഘദൂര ബസ് സർവീസ് നടത്തുന്നതറിഞ്ഞ് കോട്ടയം സ്റ്റാൻഡിൽ കാത്തിരിക്കുന്നവർ.
നിഴലും ജീവിതവും ... ഒന്നാം വിളയുടെ ആരംഭത്തിൽ കൃഷിസ്ഥലത്ത് യന്ത്രം ഉപയോഗിച്ച് ഞാറ് നടുന്ന സ്ത്രീ കൃഷി ആവിശ്യത്തിനായി മലബുഴ ഡാമിൽനിന്നാണ് വെള്ളം എത്തിക്കുന്നത് പാലക്കാട് ഓലശ്ശേരി ഭാഗത്ത് നിന്ന്.
ആവശ്യമാണ് ആരോഗ്യം... ലോക്ക് ഡൗണിൽ ആളുകൾ അനാവാശ്യമായി പുറത്തിറങ്ങരുതെന്ന നിർദേശമുണ്ടെങ്കിലും ആരോഗ്യസംരക്ഷണം അത്യാവശ്യമായി കരുതുന്ന ചിലരൊക്കെ ആളൊഴിഞ്ഞ മൈതാനങ്ങളിൽ വ്യായാമം ചെയ്യാൻ എത്താറുണ്ട്. ആളൊഴിഞ്ഞ നാഗമ്പടം മൈതാനത്ത് സന്ധ്യക്ക് ഓടാനെത്തിയവർ.
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com