വമ്പുകാട്ടാനാവില്ലല്ലോ കൊമ്പാ... തുമ്പിക്കൈനിറയെ പനംപട്ടയുമായി വരുന്ന കൊമ്പനാന. ഉത്സവപ്പറമ്പുകളിൽ നൂറുകണക്കിനാളുകളുടെ ആർപ്പുവിളിക്കിടയിൽ വമ്പുകാട്ടി തലയുയർത്തി നിൽക്കേണ്ട കൊമ്പന്മാർ ഇപ്പോൾ കോവിഡ് 19 സാഹചര്യത്തിൽ ആഘോഷങ്ങൾ ഒഴിവാക്കിയതിനാൽ വിശ്രമത്തിലാണ്. ഭരണങ്ങണത്തിന് സമീപം അമ്പാറയിൽ നിന്നുള്ള കാഴ്ച
സങ്കടക്കാഴ്ച.... കാമറ കണ്ണിലൂടെ കണ്ണൊന്നു നനഞ്ഞു..., കൊറോണയുടെ പശ്ചാത്തലത്തിൽ സമ്പൂർണ്ണ ലോക്ക് ഡൗണായതിനാൽ സർക്കാർ പ്രഖ്യാപിച്ച സൗജന്യ റേഷൻ വാങ്ങി സന്തോഷത്തോടെ വീട്ടിലേക്ക് നടന്ന് നീങ്ങുന്നതിനിടയിലാണ് കണ്ണ് നനയുന്ന ആ കാഴ്ച. പെട്ടെന്ന് സഞ്ചി പൊട്ടി അരി റോഡിൽ വീണു. ഗാന്ധി നഗറിലെ റേഷൻ കടയിൽ നിന്ന് സാധനം വാങ്ങി മടങ്ങുകയായിരുന്നു സുനിതയും ഷാജിയും. നാല് വർഷങ്ങൾക്ക് മുമ്പ് ജോലിക്ക് പോകുന്നതിനിടയിൽ മെമു ട്രെയിൻ തട്ടി ഇടത് കൈ നഷ്ടപ്പെട്ട് ജോലിക്കൊന്നും പോകാൻ കഴിയാത്ത അവസ്ഥയിലാണ് ഷാജി. സുനിത ക്ളീനിംഗ് ജോലികൾക്ക് പോയാണ് കുടുംബം കഴിയുന്നത്. എറണാകുളം ഗാന്ധി നഗറിൽ നിന്നുള്ള കാഴ്ച
ഓരോ അരിമണിയും കൊത്തിയെടുക്കാൻ..., ലോക്ക് ഡൗൺ സമയത്തും സജീവമായ തിരുവനന്തപുരം ചാല മാർക്കറ്റിൽ ലോറിയിലെത്തിയ അരിചാക്കുകളിൽ നിന്നും അരി കൊത്തിയെടുക്കുവാൻ പറന്നെത്തുന്ന പ്രാവുകൾ
കരുതലോടെ സാധനങ്ങൾ വാങ്ങി...സംസ്ഥാനത്ത് സമ്പൂർണ്ണ ലോക്ക് ഡൗൺ ആയതോടെ എറണാകുളം കടവന്ത്രയിൽ നിന്ന് പച്ചക്കറികൾ വാങ്ങി വൈറ്റിലയിലെ വീട്ടിലേക്ക് നടന്ന് നീങ്ങുന്ന മാരിയമ്മ. ഇടയ്ക്ക് ക്ഷീണം അകറ്റാനായി ഡിവൈഡറിൽ ഇരുന്ന് കുപ്പി വെള്ളം കുടിച്ച് വിശ്രമിച്ച ശേഷമാണ് യാത്രതുടർന്നത്. നോർത്തിൽ പൂക്കച്ചവടം നടത്തിയാണ് മാരിയമ്മയുടെ ജീവിതം
, മുൻകരുതൽ ..., ലോക്ക് ഡൗണിൻ്റെ പശ്ചാത്തലത്തിൽ തൃശൂർ ശക്തൻ മാർക്കറ്റിൽ നിന്നും ഒരു മാസത്തേക്കുള്ള കോഴി മുട്ടകൾ വാങ്ങി പോകുന്ന യുവാവ്
കരുതൽ ജാഗ്രത..., കേരളത്തിൽ ലോക്ക് ഡൗൺ പ്രഖ്യാപിച്ചതിനെത്തുടർന്ന് മാർക്കറ്റിൽ നിന്ന് ആവശ്യസാധനങ്ങളുമായി വള്ളത്തിൽ പോകുന്നവർ. ആലപ്പുഴ ചുങ്കത്ത് നിന്നുള്ള കാഴ്ച.
പ്രതിരോധം : നഗരത്തിൽ ഇന്നലെ അപ്രതീക്ഷിതമായി പെയ്ത വേനൽ മഴയിൽ ബാരിക്കേഡ് ഉപയോഗിച്ച് മഴ നനയാതെ ഡ്യൂട്ടി കഴിഞ്ഞു മടങ്ങുന്ന വനിതാ സിവിൽ പൊലീസ്. നന്ദൻകോഡ് നിന്നുള്ള കാഴ്ച്ച
കൊല്ലത്തിന്റെ കൊറോണ കരുതൽ.... കൊല്ലം റെയിൽവേ സ്റ്റേഷനിൽ എത്തിയ വിദേശ വനിതയെ ആരോഗ്യ പ്രവർത്തകർ കൊറോണ പശ്ചാത്തലത്തിൽ പ്രാഥമിക പരിശോധനയ്ക്ക് വിധേയമാക്കുന്നു. 2.ശരീര ഊഷ്മാവ് വനിതയെ ബോധ്യപ്പെടുത്തുന്നു. 3.മാസ്ക് ധരിച്ചിട്ടില്ലാത്തതിനാൽ ആരോഗ്യ പ്രവർത്തകർ മാസ്ക് നൽകുന്നു. 4.നിർദേശം അനുസരിച്ചു മാസ്ക് ധരിക്കുന്നു
കോട്ടയം നഗരത്തിലെ വഴിയോരങ്ങളിൽ അനധികൃതമായി നടത്തുന്ന കടകൾ നഗരസഭയുടെ നേതൃത്വത്തിൽ ഒഴിപ്പിക്കുന്നതിനിടയിൽ കരകൗശല കച്ചവടക്കാരൻറെ കട പൊളിച്ചപ്പോൾ അവശേഷിച്ച മാവേലിയുടെ പ്രതിമ.
കൊറോണ ഭീതിയെ തുടർന്ന് അടച്ച മൃഗശാലയിൽ വേനലിലെ കടുത്ത ചൂടിനെ തുടർന്ന് വെളളത്തിൽ നീരാട്ടിനിറങ്ങിയ കടുവ.
കൊറോണ ഭീതിയെ തുടർന്ന് തിരക്കൊഴിഞ്ഞ തമ്പാനൂർ ബസ് സ്റ്റാന്റ്.
വഴിയാത്രികര്‍ സമ്മാനിച്ച ആപ്പിള്‍ പാതി ഭക്ഷിച്ച കുരങ്ങന്‍ ആലോചനയില്‍ മുഴുകിയപ്പോള്‍. വയനാട് മുത്തങ്ങയില്‍ നിന്നുള്ള കാഴ്ച.
കൊറോണ ഭീതിയെത്തുടർന്ന് തിരക്കൊഴിഞ്ഞ തിരുവനന്തപുരം അന്താരാഷ്ട്ര വിമാനത്താവളത്തിൽ അടുക്കിയിട്ടിരിക്കുന്ന ട്രോളിയിൽ കുഞ്ഞിനെ കളിപ്പിക്കുന്ന അമ്മ.
സുപ്രീം കോടതി ഉത്തരവിനെ തുടർന്ന് പൊളിച്ച മരടിലെ ഫ്ളാറ്റ് അവശിഷ്ടങ്ങൾ നീക്കിതീരാറായപ്പോഴുള്ള കാഴ്ച.
വെള്ളായണിയിൽ വിരുന്നെത്തിയ ദേശാടനപക്ഷികൾ
ഫ്രണ്ട്ഷിപ്പ് ഫ്ലാറ്റ്... കഴിഞ്ഞ ദിവസം ആരംഭിച്ച എസ്.എസ്.എൽ.സി പരീക്ഷ കഴിഞ്ഞു തോളിൽ കൈകോർത്ത് മടങ്ങുന്ന വിദ്യാർത്ഥിനികൾ. ചിരിയും കളിയുമായി കോർത്തെടുത്ത സ്കൂൾ വിദ്യാഭ്യാസ സൗഹൃദത്തിന് ഒരു പരീക്ഷാകാലംകൂടി മാത്രം ബാക്കി.
തൃശൂർ ഒളരിക്കര ഭഗവതി ക്ഷേത്രത്തിൽ ഇടഞ്ഞ കാളിദാസൻ എന്ന ആനയെ തളക്കാനുള്ള ശ്രമം.
'ചൂടൻ' രംഗം..., കനത്ത വേനൽ ചൂടിൽ നിന്ന് രക്ഷനേടാൻ തലയിൽ തൂവാല ഇട്ട് തൃശുർ കളക്ട്രേറ്റിന് മുന്നിലെ ധർണ കവർ ചെയ്യുന്ന ചാനൽ കാമറമാൻ
പറക്കാൻ പോവാ... ഞാനും അപ്പൂപ്പൻതാടീം... അപ്പൂപ്പൻതാടിക്കൊപ്പം പറന്നുയരാൻ തുടങ്ങുകയാണ് കുഞ്ഞുമനസ്സിലെ സ്വപ്നങ്ങളും. കൈയിൽ കിട്ടിയ അപ്പൂപ്പൻ താടികൾ ഊതിപ്പറത്തി കളിക്കുന്ന കുട്ടി. മലപ്പുറം കോട്ടക്കുന്നിൽ നിന്നുള്ള കാഴ്ച
ജലക്ഷാമം രൂക്ഷമാണെങ്കിലും ഉള്ള വെള്ളത്തിലൊരു ഉള്ളം കുളിരുന്ന കുളി. കോഴിക്കോട് ബീച്ചിൽ നിന്നുള്ള ദൃശ്യം.
  TRENDING THIS WEEK
വിജനതയിൽ തീരമണയാതെ ... രാജ്യമൊട്ടാകെ തുടരുന്ന ലോക്ക് ഡൗണിനെ തുടർന്ന് തിരുവനന്തപുരം പ്രസ് ക്ലബിന്റെ റോഡരുകിലെ ഫുട്പാത്തിൽ പാതി മയക്കത്തിലായ വഴിയാത്രക്കാരൻ
ലോക്ക് ഡൗൺ സമയത്തും സജീവമായ തിരുവനന്തപുരം ചാല പച്ചക്കറി മാർക്കറ്റ്
അന്നം മുടങ്ങാതെ...ലോക്ക് ഡൗണിനെ തുടർന്ന് വഴിയരികിൽ അലഞ്ഞ് നടന്നവരും മറ്റുള്ളവർക്കായും എറണാകുളം എസ്.ആർ.വി. സ്കൂളിൽ കൊച്ചി നഗരസഭാ ഒരുക്കിയ ക്യാമ്പിൽ ഭക്ഷണം വാങ്ങി പോകുന്ന വൃദ്ധൻ
, മുൻകരുതൽ ..., ലോക്ക് ഡൗണിൻ്റെ പശ്ചാത്തലത്തിൽ തൃശൂർ ശക്തൻ മാർക്കറ്റിൽ നിന്നും ഒരു മാസത്തേക്കുള്ള കോഴി മുട്ടകൾ വാങ്ങി പോകുന്ന യുവാവ്
കൽപറ്റയിൽ വാഹനപരിശോധന നടത്തിയ പൊലീസ് കണ്ടത് കാറിന്റെ പിൻസീറ്റിൽ യാത്രചെയ്യുന്ന വ്യത്യസ്തനായ ഒരു യാത്രക്കാരനെയാണ്, ഉടമസ്ഥനോടൊപ്പം മൃഗാശുപത്രിയിലേക്ക് പോകുകയായിരുന്ന ഈ പഗിനെ യാത്ര തുടരാൻ പൊലീസ് അനുവദിച്ചു, മൃഗസംരക്ഷണവും അവശ്യ സേവനത്തിൽ സർക്കാർ കഴിഞ്ഞ ദിവസം ഉൾപ്പെടുത്തിയിരുന്നു
കരുതലും ആശ്വാസവും... കൊറോണക്കാലത്ത് സർക്കാർ അനുവദിച്ച രണ്ട് മാസത്തെ ക്ഷേമപെൻഷൻ കോട്ടയം ഇല്ലിക്കലിലെ എസ്.ബി.ഐ ബ്രാഞ്ചിൽ നിന്ന് വാങ്ങിപ്പോകുന്ന ഹനീഫ മൊയ്ദീൻ കുട്ടി
കൊറോണ ബാധിച്ച് മരണമടഞ്ഞ തിരുവനന്തപുരം പോത്തൻകോട് വാവറ അമ്പലം സ്വദേശി അബ്‍ദുൾഅസീസിന്റെ ഭൗതികദേഹം ഖബറടക്കുന്നതിനായ് കല്ലൂർ മുസ്‌ലിം ജമാഅത്തിലെ ഖബർസ്‌ഥാനിൽ എല്ലാ വിധ സുരക്ഷാമാർഗനിർദ്ദേശങ്ങളും പാലിച്ച് കൊണ്ട് വന്നപ്പോൾ
പ്രതിരോധിക്കാൻ... കോട്ടയം നഗരത്തിൽ വാഹന പരിശോധന നടത്തുന്ന പൊലീസുദ്യോഗസ്ഥർക്ക് ജില്ലാ ആശുപത്രിയിൽ നിന്ന് സാനിറ്റൈസർ വിതരണം ചെയ്യുന്നു
ഒന്നും പറയാനില്ല അനുസരിച്ചാൽ നിനക്ക് കൊള്ളാം : ലോക്ക് ഡൗണിനെ തുടർന്ന് സ്റ്റാച്യുവിൽ നടക്കുന്ന വാഹനപരിശോധനയിൽ മതിയായ രേഖകൾ ഇല്ലാതെ എത്തിയ ഇരുചക്രവാഹനയാത്രക്കാരനെ കാര്യങ്ങൾ പറഞ്ഞു മനസ്സിലാക്കാൻ ശ്രമിക്കുന്ന പൊലീസ് ഉദ്യോഗസ്ഥൻ.
തമിഴ്നാട്ടിൽ നിന്ന് ചാല കമ്പോളത്തിൽ ഇന്നലെ എത്തിച്ച അരിയും ഉള്ളിയും ഇറക്കുന്ന തൊഴിലാളികൾ
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com