തൃശൂർ ഇരിഞ്ഞാലക്കുട ടൗൺഹാളിൽ പൊതുദർശനത്തിനായി കൊണ്ടു വന്ന ഇന്നസെന്റിന് അഭിവാദ്യങ്ങളർപ്പിക്കുന്ന മുഖ്യമന്ത്രി പിണറായി വിജയൻ ഭാര്യ കമല സമീപം .

നടൻ ഇന്നസെന്റിന് അന്തിമോപചാരം അർപ്പിക്കാനായി ഇരിഞ്ഞാലക്കുടയിലുള്ള വസതിയിൽ എത്തിയ നടൻ മോഹൻലാൽ .

ഇരിങ്ങാലക്കുട ടൗൺഹാളിൽ ഇന്നസെന്റിന്റെ മൃതദേഹം പൊതുദർശനത്തിന് വച്ചപ്പോൾ ആദരാജ്ഞലികൾ അർപ്പിയ്ക്കാനെത്തിയ സംവിധായകൻ സത്യൻ അന്തിക്കാട് പൊട്ടിക്കരയുന്നു ഫോട്ടോ: റാഫി എം. ദേവസി

ഇരിങ്ങാലക്കുട ടൗൺഹാളിൽ ഇന്നസെന്റിന്റെ മൃതദേഹം പൊതുദർശനത്തിന് വച്ചപ്പോൾ ആദരാജ്ഞലികൾ അർപ്പിയ്ക്കാനെത്തിയ മുഖ്യമന്ത്രി പിണറായി വിജയൻ ഭാര്യ കമല എന്നിവർ ഇന്നസെന്റിന്റെ ഭാര്യ ആലിസിനെ ആശ്വസിപ്പിയ്ക്കുന്നു മകൻ സോണറ്റ്  എന്നിവർ സമീപം ഫോട്ടോ: റാഫി എം. ദേവസി

അഷ്ടമുടി

അഷ്ടമുടി കായലിലെ പ്ലാസ്റ്റിക് മാലിന്യങ്ങൾ നീക്കം ചെയ്യുന്നു

തിരുവനന്തപുരം അയ്യങ്കാളി ഹാളിൽ " തലേക്കുന്നിൽ ബഷീർ കൾച്ചറൽ സെന്ററിന്റെ ആഭിമുഖ്യത്തിൽ " നടന്ന ഒന്നാമത് അനുസ്മരണ സമ്മേളനത്തോടനുബന്ധിച്ച് നടന്ന പ്രഥമ തലേക്കുന്നിൽ പുരസ്‌കാരം സ്വീകരിക്കുവാനെത്തിയ ടി .പത്മനാഭൻ ഉദ്ഘാടകൻ ഡോ .ശശി തരൂർ എം .പി യുമായി സംഭാഷണത്തിൽ . പെരുമ്പടവം ശ്രീധരൻ സമീപം

കോഴിക്കോട് കളക്ടറേറ്റിൽ ഭിന്നശേഷിക്കാർക്കായി പുതുതായി നിർമ്മിച്ച നടവഴിയിലൂടെ നടന്നു കയറുന്ന ഉദ്യോഗസ്ഥർ. ജില്ലയിൽ തെരുവുനായ ശല്യം സ്ഥിരം വാർത്തയാകുമ്പോഴും നഗരത്തിലെ പ്രധാന ഇടങ്ങളിൽ പോലും ഒരു കൂസലില്ലാതെ നടക്കുകയാണ് നായകളും.

കോട്ടയം തിരുനക്കര മഹാദേവ ക്ഷേത്രഅലങ്കര ഗോപുരത്തിലെ കിളിവാതിലിൽ കൂടി പൂരം കാണുന്ന കുട്ടികൾ

ആലപ്ര തച്ചരിക്കൽ ശ്രീഭദ്രകാളി ക്ഷേത്രത്തിലെ പടയണിചടങ്ങിലെ അടവിയോടനുബന്ധിച്ച് ഇന്നലെ പുലർച്ചെ ഭൈരവിക്കോലം തുള്ളിയപ്പോൾ

കേരള മീഡിയ അക്കാഡമിയുടെ 2021 മികച്ച വാർത്താ ചിത്രത്തിനുള്ള പ്രത്യേക ജൂറി അവാർഡ് എറണാകുളം ടൗൺ ഹാളിൽ നടന്ന ചടങ്ങിൽ ലോക പ്രശസ്ത ഇൻവസ്റ്റിഗേറ്റീവ് ജേർണലിസ്റ്റും ചെക്ക് സെന്റർ ഫോർ ഇൻവെസ്റ്റിഗേഷൻ ജേണലിസത്തിന്റെ സ്ഥാപകയുമായ പാവ്‌ല ഹോൽകോവ കേരളകൗമുദി ചീഫ് ഫോട്ടോഗ്രാഫർ എൻ.ആർ. സുധർമ്മദാസിന് സമ്മാനിക്കുന്നു. ചെയർമാൻ ആർ. എസ്. ബാബു, ഡോ. സെബാസ്റ്റ്യൻ പോൾ, തോമസ് ജേക്കബ്, സുരേഷ് വെള്ളിമംഗലം തുടങ്ങിയവർ സമീപം

കേരള ഹൈക്കോടതി അഭിഭാഷക സംഘടനയുടെ ആഭിമുഖ്യത്തിൽ ഇന്നലെ ഹൈക്കോടതി ആഡിറ്റോറിയത്തിൽ സംഘടിപ്പിച്ച ച‌‌ടങ്ങിൽ പ്രഭാഷണം നടത്താനെത്തിയ മുൻ സുപ്രീം കോടതി ചീഫ് ജസ്റ്റിസ് യു.യു. ലളിത് വേദിയിൽ  ജസ്റ്റിസ് ബെച്ചു കുര്യൻ തോമസ്, സീനിയർ അഡ്വ. ജാജു ബാബു എന്നിവരോടൊപ്പം

ബലാ ബലം ... തിരുവനന്തപുരം പാറ്റൂരിലെ സ്ത്രീയ്ക്കെതിരായ അക്രമത്തിൽ പൊലീസിന്റെ വീഴ്ചയിൽ പ്രതിഷേധിച്ച് മഹിളാ മോർച്ചയുടെ നേതൃത്വത്തിൽ പേട്ട പൊലീസ് സ്റ്റേഷനിലേക്ക് നടത്തിയ മാർച്ച് സംഘർഷത്തിൽ കലാശിച്ചതിനെ തുടർന്ന് പൊലീസിന്റെ ഷീൽഡ് പിടിച്ചെടുക്കുവാൻ ശ്രമിക്കുന്ന ജില്ലാ പ്രസിഡന്റ് ജയാ രാജീവ്

തിരുവനന്തപുരം വെള്ളായണി കായലിൽ നിന്നു രാവിലെ മുതൽ വള്ളത്തിൽപ്പോയി താമരപ്പൂവും ഇലയും ശേഖരിച്ച് ഉപജീവനം നടത്തുന്ന ശാന്തിനിയും ജ്യേഷ്ഠത്തി ശോഭനയും. ബി.എസ്‌സി ഹോം സയൻസ് ബിരുധദാരിയാണ് ശാന്തിനി

മാറ് മറയ്ക്കൽ സമരത്തിന്റെ ഇരുനൂറാം വാർഷികത്തിന്റെ ഉദ്ഘാടനത്തിന് നാഗർകോവിലിലെത്തിയ മുഖ്യമന്ത്രി പിണറായി വിജയനും തമിഴ്നാട് മുഖ്യമന്ത്രി എം .കെ സ്റ്റാലിനും സദസിനെ അഭിവാദ്യം ചെയ്യുന്നു

ടൂറിസം സീസൺകഴിഞ്ഞ് സഞ്ചാരികളുടെ തിരക്കൊഴിഞ്ഞ തിരുവനന്തപുരം കോവളം തീരത്തെ ഒരു സന്ധ്യാ ദൃശ്യം

വിഴിഞ്ഞത്ത് തുറമുഖത്തിന്റെ ഭാഗമായുള്ള ബെർത്ത് നിർമ്മാണം ദ്രുതഗതിയിൽ പുരോഗമിക്കുന്നു. 800 മീറ്റർ ബെർത്ത് നിർമ്മാണം പൂർത്തിയായി. പൈലുകൾക്ക് മീതെ ക്യാപ്പും സ്ലാബും സ്ഥാപിക്കുന്ന പ്രവർത്തികളാണ് ഇപ്പോൾ നടക്കുന്നത്. മേയ്‌യിൽ ഇത് പൂർത്തിയാകുന്നതോടെ തുറമുഖത്തിന് ആവശ്യമായ എട്ട് ഭീമൻ ക്രെയിനുകളുമായി ചൈനയിൽ നിന്നും വിഴിഞ്ഞത്ത് കപ്പലെത്തും. ബെർത്തിന് ഇടതുവശത്തായി കാണുന്നത് കടൽ നികത്തിയ ഭാഗമാണ്. ഇതിനപ്പുറമുളള ഗേറ്റ് കോംപ്ലക്‌സിന്റെ ഉദ്ഘാടനം ഒരു മാസത്തിനകം നടക്കും. ബെർത്തിന് സമാന്തരമായി കടലിൽ നടക്കുന്ന പുലിമുട്ട് നിർമ്മാണം 2235 മീറ്റർ പൂർത്തിയാക്കി. പ്രതിദിനം 12,​000 ടൺ പാറയാണ് കടലിൽ നിക്ഷേപിക്കുന്നത്.

എറണാകുളം കുണ്ടന്നൂരിന് സമീപം വർഷങ്ങളായി താമസിച്ച് ഈറ്റ ഉപയോഗിച്ച് കുട്ടയും അനുബന്ധ സാധനങ്ങളും നെയ്ത് വിൽപ്പനയിലൂടെ ഉപജീവനം നടത്തുന്നവരാണ് ആന്ധ്രാപ്രദേശ് നെല്ലൂർ തിരുപ്പത്താണ്ടി സ്വദേശികളായ അരവിന്ദും അച്ചൻ പീറ്ററും

അന്താരാഷ്ട്ര വനിത ദിനത്തിന്റെ ഭാഗമായി കനകക്കുന്നിന് മുന്നിൽ നിന്നാരഭിക്കാനിരുന്ന മിഡ്‌നൈറ്റ് ഫൺറൺ തുടങ്ങാൻ വൈകിയതിനെ തുടർന്ന് അമ്മയോടൊപ്പമെത്തിയ സാറ വീക്കിൽ താളംപിടിച്ചപ്പോൾ

പത്താം ക്ളാസ് പാഠപുസ്തകത്തിലെ നളചരിതം കഥ എറണാകുളം കച്ചേരിപ്പടി സെന്റ് ആന്റണീസ് ഹയർ സെക്കൻഡറി സ്കൂളിലെ മലയാളം അദ്ധ്യാപിക പ്രീത ബാലകൃഷ്ണനും കഥകളി കലാകാരി പാർവതി മേനോനും ചേർന്ന് വിദ്യാർത്ഥികൾക്ക് മുന്നിൽ അവതരിപ്പിക്കുന്നു. നളചരിതത്തിലെ കലിയും പുഷ്‌കരനും പാഠപുസ്തകത്തിൽ നിന്ന് കഥകളി വേഷത്തിൽ മുന്നിലെത്തിയപ്പോൾ വിദ്യാർത്ഥികൾക്ക് കൗതുകവും വിസ്‌മയവുമായി. കലിയായി മുന്നിലെത്തിയത് സ്വന്തം അദ്ധ്യാപിക. പ്രലോഭനങ്ങളിൽ വീഴരുതേയെന്ന സന്ദേശത്തോടെ കഥകളിക്ക് തിരശീല വീണപ്പോൾ കൈയടിച്ച് വിദ്യാർത്ഥികളും രക്ഷിതാക്കളും