ദീർഘനാളത്തെ ഇടവേളയ്ക്ക് ശേഷം മെഗാസ്റ്റാർ മമ്മൂട്ടി തെലുങ്കിൽ അഭിനയിക്കുന്ന യാത്ര എന്ന സിനിമയിലെ ആദ്യ ഗാനമെത്തി. 2004ൽ കോൺഗ്രസിനെ ആന്ധ്രയിൽ അധികാരത്തിൽ എത്തിക്കുന്നതിൽ നിർണായക പങ്ക് വഹിച്ച് അന്തരിച്ച മുഖ്യമന്ത്രി വൈ.എസ്.രാജശേഖര റെഡ്ഡി നടത്തിയ 1475 കിലോമീറ്റർ പദയാത്രയാണ് ഈ ഗാനരംഗത്തിൽ ചിത്രീകരിച്ചിട്ടുള്ളത്. നീണ്ട 20 വർഷങ്ങൾക്ക് ശേഷം മമ്മൂട്ടി തെലുങ്കിൽ അഭിനയിക്കുന്ന ഈ സിനിമ, ഹെലികോപ്ടർ അപകടത്തിൽ മരിച്ച ആന്ധ്രാ മുൻമുഖ്യമന്ത്രി വൈ.എസ്.രാജശേഖര റെഡ്ഡിയുടെ കഥയാണ് പറയുന്നത്.
'സമരശംഘം' എന്ന ഗാനം രചിച്ചിരിക്കുന്നത് സീതാരാമശാസ്ത്രികളാണ്. കെയാണ് സംഗീതം പകർന്നിരിക്കുന്നത്. ബൃന്ദയാണ് നൃത്തസംവിധാനം. സിങ്ക് സിനിമയാണ് സൗണ്ട് ഡിസൈൻ നിർവഹിച്ചിരിക്കുന്നത്. നാക്ക് സ്റ്റുഡിയോസ് ലിറിക്കൽ വീഡിയോയുടെ വി.എഫ്.എക്സ് നിർവഹിച്ചിരിക്കുന്നു.