ദുബായ്: വിനോദ സഞ്ചാരികൾക്ക് ഏറ്റവും സുരക്ഷിതമായ രാജ്യങ്ങളിൽ ഒന്നാണ് ദുബായ്. അതിനിടെ ഇവിടെ എത്തുന്ന വിനോദ സഞ്ചാരികൾ പണം തട്ടുന്നവരെ സൂക്ഷിക്കണമെന്ന  മുന്നറിയിപ്പ് നൽകുകയാണ് ദുബായ് പൊലീസ്. പുറത്ത് പോവുമ്പോൾ സംസാരിക്കാൻ വരുന്നവരെ സൂക്ഷിക്കണമെന്നാണ് ഇവരുടെ മുന്നറിയിപ്പ്.

പുറത്ത് പോവുമ്പോൾ ചിലർ കറൻസി വിനിമയ നിരക്കുകൾ എത്രയാണെന്ന് അറിയുമോ എന്ന് ചോദിച്ച് അടുത്ത് കൂടും. ഇത്തരക്കാരെ സൂക്ഷിക്കണം തങ്ങളുടെ ഔദ്യോഗിക ട്വിറ്റർ പേജിലൂടെ ദുബായ് പൊലീസ് അറിയിച്ചു. എന്നാൽ എങ്ങനെയാണ് ഇവർ പ്രവർത്തിക്കുന്നത് എന്ന കാര്യം പൊലീസ് വ്യക്തമാക്കിയിട്ടില്ല. ലോകത്ത് ഏറ്റവും സുരക്ഷിതമായി ജീവിക്കാൻ കഴിയുന്ന രണ്ടാമത്തെ സ്ഥലമായാണ് ദുബായ് അറിയപ്പെടുന്നത്.