ദുബായ്: ടൂറിസ്റ്റ് വിസയിലും ജോലിക്കുമായി യു.എ.ഇയിലെത്തുന്ന വിദേശികൾ ഇവിടുത്ത നിയമങ്ങൾ അറിഞ്ഞിരിക്കേണ്ടത് അത്യാവശ്യമാണ്. മദ്യപാനം പോലുള്ള ശീലമുള്ളവരാണെങ്കിൽ പ്രത്യേകിച്ചും. ഇത്തരം നിയമങ്ങൾ അറിഞ്ഞില്ലെങ്കിൽ കനത്ത പിഴ കിട്ടാനും ചിലപ്പോൾ ജയിലിൽ കിടക്കാനും ഇടവന്നേക്കാം. മദ്യപാനവുമായി ബന്ധപ്പെട്ട് യു.എ.ഇയിലെ ചില നിയമങ്ങൾ പരിചയപ്പെടാം.
പൊതുസ്ഥലത്ത് പാടില്ല
യു.എ.ഇയിലെ നിരത്തുകളിലോ പൊതുസ്ഥലങ്ങളിലോ വച്ച് മദ്യപിക്കുന്നത് നിയമ വിരുദ്ധമാണ്. മദ്യം വിളമ്ബാൻ ലൈസൻസുള്ള ഹോട്ടലുകളിൽ നിന്ന് മദ്യപിക്കാം. അല്ലെങ്കിൽ ആൽക്കഹോൾ ലൈസൻസുള്ള വ്യക്തിക്ക് മദ്യഷാപ്പുകളിൽ നിന്നും മദ്യം വാങ്ങാം. ലൈസൻസില്ലാത്ത വ്യക്തികൾ മദ്യപിച്ചതായി പിടിക്കപ്പെട്ടാൽ കനത്ത ശിക്ഷയായിരിക്കും ഫലം.
മദ്യപിച്ച് വാഹനം ഓടിക്കരുത്
മദ്യലഹരിയിയിൽ വാഹനമോടിക്കുന്നത് യു.എ.ഇയിൽ കനത്ത ശിക്ഷ ലഭിക്കാവുന്ന കുറ്റമാണ്. യു.എ.ഇയിൽ നടക്കുന്ന 14.33 ശതമാനം അപകടങ്ങളും മദ്യലഹരിയെ തുടർന്നാണെന്ന് കണ്ടെത്തിയിട്ടുണ്ട്.
മദ്യപിച്ച് വാഹനമോടിച്ച് പിടിച്ചാൽ പിഴമാത്രമല്ല
മദ്യലഹരിയിൽ വാഹനമോടിച്ച് പിടിക്കപ്പെട്ടാൽ പരമാവധി 20,000 ദിർഹം വരെ പിഴയും ആറ് മാസം വരെ ജയിൽ ശിക്ഷയും ലഭിക്കാമെന്ന് യു.എ.ഇയിലെ നിയമം അനുശാസിക്കുന്നു. ഇതിന് പുറമെ ഡ്രൈവിംഗ് ലൈസൻസിൽ 23 ബ്ലാക്ക് പോയന്റുകളും 60 ദിവസത്തേക്ക് വാഹനം തടഞ്ഞുവയ്ക്കാനും നിയമമുണ്ട്. കൂടാതെ ഡ്രൈവറെ അറസ്റ്റ് ചെയ്യാനും കുറഞ്ഞത് മൂന്ന് മാസത്തേക്കെങ്കിലും ഡ്രൈവിംഗ് ലൈസൻസ് റദ്ദാക്കാനും നിയമമുണ്ട്.
ജോലിസ്ഥലത്ത് മദ്യപിക്കരുത്
സഹപ്രവർത്തകരെ സാരമായി ബാധിക്കുമെന്നതിനാൽ ജോലിസ്ഥലത്തെ മദ്യപാനം ഗുരുതര കുറ്റകൃത്യമായാണ് യു.എ.ഇയിലെ നിയമം കാണുന്നത്. ജോലിസ്ഥലത്ത് മദ്യപിച്ച നിലയിൽ പിടിക്കപ്പെട്ടയാളെ പിരിച്ചുവിടാൻ തൊഴിലുടമയ്ക്ക് അധികാരമുണ്ട്.
ദുബായിലെത്തുമ്‌ബോൾ ഡ്യൂട്ടി ഫ്രീയിൽ നിന്നും വാങ്ങുന്ന മദ്യം
ദുബായിലെത്തുന്ന യാത്രക്കാർ വിമാനത്താവളത്തിലെ ഡ്യൂട്ടി ഫ്രീ ഷോപ്പുകളിൽ നിന്നും വാങ്ങുന്ന മദ്യത്തിന് പരിധി നിശ്ചയിച്ചിട്ടുണ്ട്. പരമാവധി നാല് ലിറ്റർ മദ്യവും രണ്ട് കെയ്സ് ബിയറും ഡ്യൂട്ടി ഫ്രീ ഷോപ്പുകളിൽ നിന്ന് വാങ്ങി യു.എ.ഇയിലേക്ക് കൊണ്ട്വരാം.
ആൽക്കഹോൾ ലൈസൻസ്
ദുബായിൽ താമസിക്കുന്ന മുസ്ലിം അല്ലാത്തവർക്ക് മദ്യം വാങ്ങാൻ അനുവദിക്കുന്ന ലൈസൻസാണിത്. ഇതിനായി അപേക്ഷിക്കുമ്‌ബോൾ താഴെ പറയുന്ന വ്യവസ്ഥകൾ പാലിച്ചിരിക്കണം.