സിനിമയ്‌ക്ക് അകത്തായാലും പുറത്തായാലും അഹങ്കാരി എന്ന് ചിലരെങ്കിലും പൃഥ്വിരാജിനെ വിളിക്കാറുണ്ട്. പലതും തുറന്നു പറയുന്നതുകൊണ്ടാകാം തനിക്ക് ആ പേര് കിട്ടിയതെന്ന് പൃഥ്വി തന്നെ പറഞ്ഞിട്ടുമുണ്ട്. എന്നാൽ പൃഥ്വിരാജിന് അഹങ്കാരമാണെന്നും ജാഡയാണെന്നുമൊക്കെ പറയുന്നവർക്ക് തകർപ്പൻ മറുപടിയുമായി എത്തിയിരിക്കുകയാണ് നടൻ ബാല. തന്റെ ജീവിതത്തിൽ വലിയൊരു പ്രശ്‌നം വന്നപ്പോൾ സഹായിച്ചത് പൃഥ്വിയാണെന്നും ബാല വെളിപ്പെടുത്തി.
'ഒരുപാട് പേർ പൃഥ്വിക്ക് ജാഡയാണെന്നും അഹങ്കാരിയാണെന്നുമെല്ലാം പറയുന്നത് കേട്ടിട്ടുണ്ട്. എന്നാൽ അവൻ വളരെ സത്യസന്ധനാണ്, നല്ല മനുഷ്യനും. എന്റെ ജീവിതത്തിൽ വലിയൊരു പ്രശ്‌നം വന്നപ്പോൾ ഒപ്പം നിന്നത് അവനാണ്. 'ബാല നീ വലിയൊരു കെണിയിലൂടെയാണ് പൊയ്ക്കൊണ്ടിരിക്കുന്നത്. നീ നല്ല അഭിനേതാവാണ്, ശ്രദ്ധിക്കണം' എന്ന് എന്നോട് പറഞ്ഞു. പിന്നീട് മൂന്നുവർഷം കഴിഞ്ഞപ്പോൾ അതുപോലെയൊക്കെ സംഭവിച്ചു. ഞാൻ കഷ്‌ടപ്പെട്ടപ്പോൾ എന്റെ കൂടെ നിന്ന നൻപനാണ് പൃഥ്വി'-–ബാല പറഞ്ഞു.