അശ്വതി: ധാരാളം യാത്രകൾ ആവശ്യമായിവരും. മാതൃഗുണം ഉണ്ടാകും. കർമ്മസംബന്ധമായി നേട്ടം ഉണ്ടാകും. സംഗീതാദി കലകളിൽ താത്പര്യം വർദ്ധിക്കും. ഹനുമാന് നാരങ്ങ, വെറ്റില മാല ചാർത്തുക. ചൊവ്വാഴ്ച ദിവസം അനുകൂല സമയം.
ഭരണി: സന്താനഗുണം ഉണ്ടാകും.സാഹിത്യരംഗത്തുള്ളവർക്ക് പ്രശസ്തി വർദ്ധിക്കും. ഗൃഹവാഹന ഗുണം ലഭിക്കും. ദോഷപരിഹാരമായി വിഷ്ണു സഹസ്രനാമം ജപിക്കുന്നത് ഉത്തമം. ശനിപ്രീതി വരുത്തുക, വെള്ളിയാഴ്ച ദിവസം അനുകൂലം.
കാർത്തിക: ആദ്ധ്യാത്മിക വിഷയങ്ങളിൽ താത്പര്യം ജനിക്കും. വിവാഹത്തിന് അനുകൂല തീരുമാനം എടുക്കും. ഗൃഹത്തിൽ ബന്ധുസമാഗമം പ്രതീക്ഷിക്കാം. ദുർഗ്ഗാ ദേവിക്ക് പട്ട് ചാർത്തുക, കളഭാഭിഷേകം നടത്തുക. ചൊവ്വാഴ്ച ദിവസം അനുകൂലം.
രോഹിണി: സാമ്പത്തിക നേട്ടം ഉണ്ടാകും, പുണ്യസ്ഥലങ്ങൾ സന്ദർശിക്കാനിടവരും. ജോലിക്കായി ശ്രമിക്കുന്നവർക്ക് തടസങ്ങൾ നേരിടും. വിദേശത്തു ജോലി ചെയ്യുന്നവർക്ക് തടസം ഉണ്ടാകും. ശിവന് ധാര, അഘോര അർച്ചന എന്നിവ നടത്തുക. വ്യാഴാഴ്ച ദിവസം അനുകൂലം.
മകയീരം: കർമ്മ ഗുണാഭിവൃദ്ധി ഉണ്ടാകും. വിദേശത്ത് നിന്നും സാമ്പത്തിക നേട്ടം ഉണ്ടാകും. സഹോദരങ്ങളിൽ നിന്നും ഗുണാനുഭവം പ്രതീക്ഷിക്കാം. വിവാഹ കാര്യത്തിൽ തീരുമാനം എടുക്കും . ശ്രീകൃഷ്ണന് പാൽപ്പായസം കഴിപ്പിക്കുക. വ്യാഴാഴ്ച ദിവസം അനുകൂലം.
തിരുവാതിര: ദാമ്പത്യജീവിതം സന്തോഷപ്രദമായിരിക്കും. ധനപരമായി നേട്ടം ഉണ്ടാകും. കണ്ടകശനി കാലമായതിനാൽ ശാരീരിക അസ്വാസ്ഥ്യങ്ങൾ അനുഭവപ്പെടും. വിവാഹത്തിന് അനുകൂലസമയം. മഹാഗണപതിക്ക് കറുക മാല ചാർത്തുക. വെള്ളിയാഴ്ച ദിവസം അനുകൂലം.
പുണർതം: സാമ്പത്തിക നേട്ടം പ്രതീക്ഷിക്കാം. സിനിമാ,സീരിയൽ രംഗത്തു പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും. കണ്ടകശനി കാലമായതിനാൽ അപകീർത്തിക്ക് സാധ്യത. ശ്രീരാമ ക്ഷേത്ര ദർശനം നടത്തുക. വെള്ളിയാഴ്ച ദിവസം അനുകൂലം.
പൂയം: പലവിധത്തിൽ സാമ്പത്തിക നേട്ടം ഉണ്ടാകും. പുതിയ സംരംഭങ്ങൾ തുടങ്ങാൻ ആഗ്രഹിക്കുന്നവർക്ക് നല്ല സമയം. ഭഗവതിയ്ക്ക് അഷ്‌ടോത്തര അർച്ചന, കടുംപായസം ഇവ ഉത്തമം. ചൊവ്വാഴ്ച ദിവസം അനുകൂലം.
ആയില്യം: മത്സരപരീക്ഷകളിൽ വിജയസാധ്യത കാണുന്നു. കലാരംഗത്ത് പുതിയ അവസരങ്ങൾ ലഭിക്കും. കർമ്മപുഷ്ടിക്ക് സാദ്ധ്യതയുണ്ട്,ജോലിഭാരം വർദ്ധിക്കും. നാഗർക്ക് ഉപ്പും മഞ്ഞളും സമർപ്പിക്കുക. വെള്ളിയാഴ്ച ദിവസം അനുകൂലം.
മകം: മാതൃഗുണം ലഭിക്കും. കർമ്മരംഗത്ത് പുരോഗതി ഉണ്ടാകും. ഗൃഹത്തിൽ നിന്നും വിട്ടുനിൽക്കേണ്ടതായ അവസ്ഥ ഉണ്ടാകും. സർക്കാർ മേഖലയിൽ പ്രവർത്തിക്കുന്നവർക്ക് അപ്രതീക്ഷിത സ്ഥലമാറ്റം പ്രതീക്ഷിക്കാം. അന്നദാനം നടത്തുക. വെള്ളിയാഴ്ച ദിവസം അനുകൂലം.
പൂരം: ധനപരമായി നേട്ടങ്ങൾ ഉണ്ടാകും, ചെലവുകൾ വർദ്ധിക്കും. ബിസിനസ്സ് രംഗത്ത് മത്സരങ്ങൾ നേരിടേണ്ടി വരും. സർവ്വകാര്യ വിജയം,പിതൃഗുണം പ്രതീക്ഷിക്കാം. കർമ്മ സംബന്ധമായി നേട്ടങ്ങൾ ഉണ്ടാകും. ശാസ്താവിന് ഭസ്മാഭിഷേകം. വെള്ളിയാഴ്ച ദിവസം അനുകൂലം.
ഉത്രം: ദാമ്പത്യജീവിതം സന്തോഷപ്രദമായിരിക്കും. പുതിയ സംരംഭങ്ങൾ തുടങ്ങാനുദ്ദേശിക്കുന്നവർക്ക് സമയം അനുകൂലമല്ല.ചെലവുകൾ വർദ്ധിക്കും.കർമ്മരംഗത്ത് ഉയർച്ച അനുഭവപ്പെടും.നരസിംഹമൂർത്തിക്ക് പാനകം നിവേദിക്കുക. വ്യാഴാഴ്ച ദിവസം അനുകൂലം.
അത്തം: സാമ്പത്തിക നേട്ടം ഉണ്ടാകും. ഭാവികാര്യങ്ങളെകുറിച്ച് തീരുമാനം എടുക്കും. കണ്ടകശനി കാലമായതിനാൽ സംസാരം നിയന്ത്രിക്കുക. ശത്രുഭയം , ഉദരരോഗം, അപകടഭീതി ഇവ വർദ്ധിക്കും. ഭദ്രകാളിക്ഷേത്രത്തിൽ അട നിവേദിക്കുക. വെള്ളിയാഴ്ച ദിവസം അനുകൂലം.
ചിത്തിര: പിതൃഗുണം പ്രതീക്ഷിക്കാം. മാതൃബന്ധുക്കൾക്ക് അസുഖങ്ങളുണ്ടാകും. കണ്ടകശനി കാലമായതിനാൽ ദമ്പതികൾ തമ്മിൽ കലഹിക്കാനിടവരും. താത്ക്കാലികമായി ലഭിച്ച ജോലി നഷ്ടപ്പെടാൻ സാദ്ധ്യത. ആരോഗ്യകാര്യങ്ങളിൽ പ്രത്യേകം ശ്രദ്ധിക്കണം. ശിവന് ശംഖാഭിഷേകം നടത്തുക. ചൊവ്വാഴ്ച ദിവസം അനുകൂലം.
ചോതി: പുതിയ വാഹനം വാങ്ങാൻ ശ്രമിക്കുന്നവർക്ക് അനുകൂല സമയം. വിദ്യാർത്ഥികൾ പരീക്ഷകളിൽ ഉന്നത വിജയം കരസ്ഥമാക്കും. ദൂരയാത്രകൾ ആവശ്യമായി വരും. ഗൃഹനിർമ്മാണത്തിന് അനുകൂല സമയം. സഹോദരങ്ങളുമായി അഭിപ്രായ വ്യത്യാസത്തിന് സാദ്ധ്യത. ഭഗവതിക്ക് കലശാഭിഷേകം നടത്തുക. വെള്ളിയാഴ്ച ദിവസം അനുകൂലം.
വിശാഖം: ആഗ്രഹസാഫല്യം ഉണ്ടാകും. അനാവശ്യ ചിന്തകൾ മുഖേന മനസ് അസ്വസ്ഥമാകും, കുടുബകലഹത്തിന് സാദ്ധ്യത. ശത്രുക്കളിൽ നിന്നും മോചനം ലഭിക്കും. ആദ്ധ്യാത്മിക വിഷയങ്ങളിൽ താത്പര്യം ജനിക്കും. നരസിംഹമൂർത്തിയ്ക്ക് ചുവന്ന പുഷ്പങ്ങൾകൊണ്ട് മാല, അർച്ചന ഇവ നടത്തുക. വ്യാഴാഴ്ച ദിവസം അനുകൂലം.
അനിഴം: കർമ്മരംഗത്ത് നേട്ടം ഉണ്ടാകും,പിതാവിന് ശാരീരിക അസുഖങ്ങൾ അനുഭവപ്പെടും. ഏഴരശനികാലമായതിനാൽ ബന്ധുക്കൾ മുഖേന ശത്രുത ഉണ്ടാകും. മാനസിക സംഘർഷം വർദ്ധിക്കും. വ്യാപാരികൾക്ക് സാമ്പത്തിക നേട്ടം ഉണ്ടാകും. ഞായറാഴ്ച വ്രതം, സൂര്യ നമസ്‌ക്കാരം, സൂര്യ ഗായത്രി ഇവ പരിഹാരമാകുന്നു. വെള്ളിയാഴ്ച ദിവസം അനുകൂലം.
കേട്ട: കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും,ഗൃഹനിർമ്മാണത്തിന് വിഷമതകൾ അനുഭവപ്പെടും. സൽകീർത്തി ഉണ്ടാകും. ഏഴരശനികാലമായതിനാൽ ബിസിനസിൽ നഷ്ടം സംഭവിക്കും. അകന്നു നിന്നിരുന്ന സഹോദരങ്ങൾ തമ്മിൽ യോജിക്കും. ദേവിക്ക് കുങ്കുമാർച്ചന നടത്തുക. വ്യാഴാഴ്ച ദിവസം അനുകൂലം.
മൂലം: മനസിന് സന്തോഷം ലഭിക്കും. പ്രതീക്ഷിക്കുന്ന പലകാര്യങ്ങളിലും വിജയസാദ്ധ്യത ഉണ്ടാകും. ഏഴരശനികാലമായതിനാൽ തൊഴിൽപരമായി വളരെ അധികം ശ്രദ്ധിക്കുക, ഗരുഡക്ഷേത്രത്തിൽ ചേന സമർപ്പിക്കുക. കറുപ്പ് വസ്ത്രം ധരിക്കുക. വെള്ളിയാഴ്ച ദിവസം അനുകൂലം.
പൂരാടം: സന്താനങ്ങൾക്ക് അഭിവൃദ്ധി ഉണ്ടാകും, ദാമ്പത്യജീവിതത്തിൽ മനഃസമാധാനവും സന്തോഷവും അനുഭവപ്പെടും. ഏഴരശനികാലമായതിനാൽ അഗ്നിഭയം, വാഹന അപകടം, വിഷഭയം ഇവയ്ക്ക് സാദ്ധ്യതയുള്ളതിനാൽസൂക്ഷിക്കേണ്ടതാണ്. വിവാഹസംബന്ധമായി തീരുമാനം എടുക്കും, ഭഗവതിയ്ക്ക് അഷ്‌ടോത്തര അർച്ചന, കടുംപായസം ഇവ ഉത്തമം. ചൊവ്വാഴ്ച ദിവസം അനുകൂലം.
ഉത്രാടം: സന്താനങ്ങൾ പ്രശസ്തിയിലേയ്ക്ക് ഉയരും. സഹോദരസ്ഥാനീയരിൽ നിന്നും സഹായസഹകരണങ്ങൾ ലഭിക്കും. ഏഴരശനികാലമായതിനാൽ ദാമ്പത്യകലഹം ഉണ്ടാകും. കർമ്മപുഷ്ടിക്ക് തടസ്സം ഉണ്ടാകും. കടം വർദ്ധിക്കും. വിദേശത്ത് ജോലി ചെയ്യുന്നവർക്ക് ധാരാളം ബുദ്ധിമുട്ടുകൾ വരും. പിതൃഗുണം ലഭിക്കും. വിഷണുസഹസ്രനാമം ജപിക്കുക. വെള്ളിയാഴ്ച ദിവസം അനുകൂലം.
തിരുവോണം: പിതൃഗുണം ലഭിക്കും. ബന്ധുമിത്രാദികളിൽ നിന്നും അപ്രതീക്ഷിതമായ എതിർപ്പുകൾ തരണം ചെയ്യേണ്ടി വരും. ടെസ്റ്റുകളിലും, ഇന്റർവ്യൂകളിലും പങ്കെടുക്കുന്നവർക്ക് മെച്ചപ്പെട്ട പ്രകടനം കാഴ്ച വെയ്ക്കാൻ കഠിനമായി പ്രയത്നിക്കേണ്ടി വരും.ശനിപ്രീതി വരുത്തുക, ശാസ്താ ക്ഷേത്ര ദർശനം നടത്തുക. വെള്ളിയാഴ്ച ദിവസം അനുകൂലം.
അവിട്ടം: മാതൃസ്വത്ത് ലഭിക്കും. അവിവാഹിതർക്ക് അപകീർത്തി ഉണ്ടാകാതിരിക്കാൻ ശ്രദ്ധിക്കണം,തൊഴിൽ മുഖേന ആദായം വർദ്ധിക്കും,ശത്രുക്കൾ മിത്രങ്ങളാകാൻ ശ്രമിക്കും. വ്യാഴാഴ്ച ദിവസം വിഷ്ണുവിന് പാൽപ്പായസം കഴിപ്പിക്കുക, തുളസി പൂവുകൊണ്ട് അഷ്‌ടോത്തര അർച്ചന നടത്തുക. വ്യാഴാഴ്ച ദിവസം അനുകൂലം.
ചതയം: പല വിധത്തിൽ സാമ്പത്തിക നേട്ടം പ്രതീക്ഷിക്കാം. സഹോദരസ്ഥാനീയരിൽ നിന്നും ഗുണാനുഭവം പ്രതിക്ഷിക്കാം. മനസ്സിനിണങ്ങിയ ജീവിത പങ്കാളിയെ കണ്ടെത്തുന്നതിൽ വിജയിക്കും. പുണ്യ ക്ഷേത്ര ദർശനത്തിന് സാദ്ധ്യതയുണ്ട്. മഹാലക്ഷ്മിയെ പൂജിക്കുക. ചൊവ്വാഴ്ച ദിവസം അനുകൂലം.
പൂരുരുട്ടാതി: വിവാഹക്കാര്യത്തിൽ തടസം നേരിടും. ഗൃഹനിർമ്മാണത്തിന് വേണ്ടിയോ, വാഹന സംബന്ധമായോ ധനം ചെലവാക്കും. കർമ്മഗുണം പ്രതീക്ഷിക്കാം. സാമ്പത്തിക ഇടപാടിൽ സൂക്ഷിക്കുക ഭഗവതിയ്ക്ക് അഷ്‌ടോത്തര അർച്ചന, കടുംപായസം ഇവ ഉത്തമം. വെള്ളിയാഴ്ച ദിവസം അനുകൂലം.
ഉത്രട്ടാതി: ആഗ്രഹം സഫലീകരിക്കും. വാഹന സംബന്ധമായി നേട്ടങ്ങൾ ഉണ്ടാകും. കണ്ടകശനി കാലമായതിനാൽ വാഹന അപകടങ്ങളോ, വീഴ്ചകളോ, അപകീത്തിയോ, തസ്‌ക്കരഭയമോ ഉണ്ടാകാതെ സൂക്ഷിക്കണം. ശനിയാഴ്ചദിവസം ശിവക്ഷേത്ര ദർശനം, ജലധാര, പഞ്ചാക്ഷരീ മന്ത്രം ഇവ പരിഹാരമാകുന്നു. തിങ്കളാഴ്ച ദിവസം അനുകൂലം.
രേവതി: കർമ്മഗുണം ഉണ്ടാകാം. ഗൃഹനിർമ്മാണത്തിന് ശ്രമിക്കുന്നവർക്ക് അനുകൂല സമയം. കണ്ടകശനി കാലമായതിനാൽ കൂട്ടുബിസിനസിൽ ഏർപ്പെട്ടിരിക്കുന്നവർക്ക് സഹപ്രവർത്തകരിൽ നിന്നും വിഷമതകൾ അനുഭവപ്പെടും. ദോഷ പരിഹാരമായി വിഷ്ണു പ്രീതി വരുത്തുക. ചൊവ്വാഴ്ച ദിവസം അനുകൂലം.
