വിവാഹേതര ലൈംഗിക ബന്ധം ക്രിമിനൽ കുറ്റമല്ല എന്നുള്ള സുപ്രീം കോടതിയുടെ സുപ്രധാന വിധി ഇന്ന് വന്നിരിക്കുകയാണ്. ഇതിനെ കുറിച്ച് നിയവിദഗ്ദ്ധരുടെ അഭിപ്രായങ്ങൾ മാദ്ധ്യമങ്ങൾ ആരായുകയും ചെയ്യുന്നുണ്ട്. എന്നാൽ ഇതിനെ കുറിച്ച് ദയവായി തന്നോട് ചോദിക്കരുതെന്ന് അഭിപ്രായപ്പെടുകയാണ് അഡ്വ. സംഗീത ലക്ഷ്മണ. കോടതിയിൽ കേസുകളുമായി ബന്ധപ്പെട്ടുള്ള തിരക്കിലാണ് താനിപ്പോഴെന്നും വിധിയെകുറിച്ച് പഠിച്ചിട്ടില്ലെന്നും, കൂടാതെ ഭാര്യാഭർത്താക്കന്മാരെ സംബന്ധിക്കുന്ന ഈ വിധിയിൽ അഭിപ്രായം പറയാൻ താൻ ഭാര്യയുമല്ല തനിക്കൊരു ഭർത്താവുമില്ലെന്നും ഫേസ്ബുക്കിൽ സംഗീത ലക്ഷ്മണ രേഖപ്പെടുത്തുന്നു. അതിനാൽ തന്നെ ദയവായി ചർച്ചകളിൽ നിന്നും ഒഴിവാക്കണമെന്നും അവർ അഭ്യർത്ഥിക്കുന്നു.

ഫേസ്ബുക്ക് പോസ്റ്റിന്റെ പൂർണരൂപം
ഒരു അറിയിപ്പ്‌.
ഞാൻ കോടതിയിലാണ്. ഇന്നത്തെ കേസുകളുടെ പ്രസവവേദനയിലുമാണ് ഞാൻ.
വാർത്താ ചാനലുകളിൽ നിന്നുള്ള വിളികൾ തുടങ്ങിയിട്ടുണ്ട്. ഭാര്യാഭർത്താക്കന്മാരെ സംബന്ധിക്കുന്ന ഒരു സുപ്രധാനവിധി പുറപ്പെടുവിച്ചിട്ടുണ്ട് പോലും സുപ്രീം കോടതി. അതിനെ കുറിച്ചുള്ള എന്റെ അഭിപ്രായങ്ങൾ അറിയണം. ഞാൻ അത് പറയണം. എന്ന്‌.
അത് ഇത്-
സുപ്രീം കോടതിയുടെ ഇപ്പറഞ്ഞ സുപ്രധാനവിധി ഞാൻ കണ്ടില്ല. വായിച്ചില്ല. അതിനാൽ ആ വിധി പഠിച്ച് മനസ്സിലാക്കാനും കഴിഞ്ഞിട്ടില്ല.
ഞാനൊരു ഭാര്യയല്ല.
എനിക്കൊരു ഭർത്താവുമില്ല.
പോരാത്തതിന് നേരത്തെ പറഞ്ഞ പ്രസവവേദനയിലുമാണ്.
എന്നെ വിട്ടേക്കു.... പ്ലീസ്.
# I don't sleep around with married men. When I say I don't sleep around with married men, I mean I don't sleep around with HAPPILY married men.
When I say I don't sleep around with HAPPILY married men, I mean I don't sleep around with married men who PRETEND TO BE HAPPILY married to wives who pretend as well, to be happily married. In short, his risk his headache. Not mine.
# Returns to the labor room. Catch you later.