കൊച്ചി: പ്രളയദുരിതത്തിൽ നിന്നും കരകയറാൻ ശ്രമിക്കുന്ന സംസ്ഥാന സർക്കാരിനൊപ്പം ചേർന്ന് കേരളത്തിന്റെ പുനർനിർമാണ പ്രവർത്തനങ്ങളിൽ പങ്കെടുക്കാൻ കേരളത്തിലെ ബി.ജെ.പി പ്രവർത്തകർ തയ്യാറാകണമെന്ന് ആഭ്യന്തരമന്ത്രി രാജ്നാഥ് സിംഗ്. പ്രളയ ദുരിതത്തിൽ നിന്ന് കരകയറാൻ കേന്ദ്രം കേരളത്തിന് ഒപ്പം ഉണ്ടാകുമെന്നും ഇക്കാര്യത്തിൽ മുഖ്യമന്ത്രി പിണറായി വിജയന് പൂർണ പിന്തുണ നൽകിയിട്ടുണ്ടെന്നും അദ്ദേഹം വ്യക്തമാക്കി.

കൊച്ചിയിൽ നടക്കുന്ന ബി.ജെ.പി സംസ്ഥാന കൗൺസിൽ യോഗത്തിലാണ് രാജ്നാഥ് സിംഗ് ഇക്കാര്യം വ്യക്തമാക്കിയത്. കേരളത്തിന് സഹായം നൽകാൻ സംസ്ഥാനവുമായി നില നിൽക്കുന്ന ആശയപരമായ ഭിന്നതകൾ തടസം ആകില്ലെന്നും രാജ്‌നാഥ് സിംഗ് കൂട്ടിച്ചേർത്തു.